Бүгін Тәуелсіздік сарайында Astana Invest 2015 VI Халықаралық инвестициялық форумы басталды, деп хабарлайды Астана әкімдігінің баспасөз қызметі.
Astana Invest 2015 – қазақстандық истеблишмент пен шетелдік және қазақстандық бизнес-қоғамдарының өңірдегі инвестициялық дамуды талқылауға арналған бірегей алаң болып табылады. 20-дан астам басқа елдің 1000-нан артық делегаты Форумға қатысу ниетін білдірді. Шетелдік қонақтар үшін «Астана — жаңа қала» АЭА индустриалды парктің кәсіпорындары бойынша қызықты тур өткізіледі: «Еврокоптер Қазақстан Инжиниринг» ЖШС, «Тұлпар-Тальго» ЖШС, «Astana Solar» ЖШС. Нысаналардың көрсетудің барысында делегаттарға өндірістегі алдыңғы қатарлы технологияларды көрсете отырып, зауыттардың барынша қуаты жөнінде айтылады, сондай-ақ, соңғы жетістіктер мен еркін экономикалық аумақтың әлеуеті туралы сөз қозғалады.
Форум барысында Астананың Еуразиялық кеңістіктегі Ұлы Жібек жолы бағдары бойынша Көліктік және Инфрақұрылымдық Хабы ретіндегі әлеуеті ашылады. Бұдан басқа, Астанада Азия мен Еуропа мемлекеттері арасындағы тәжірибелік білімді және ғылыми жұмыстарды алмастыруға арналған Халықаралық медициналық Хабты қалыптастыру бастамасы сөз болады. «fDi» журналының бас редакторының қала басшылығына Астананың еркін экономикалық аумағы бар қалалардың рейтінгінде 20 орын алғаны жөнінде сертификат беру рәсімі айрықша іс-шарасы өтеді.
