Jas.kz

Қос мереке қарсаңында — ел Тәуелсіздігіне 25 жыл, 1 желтоқсан – Тұңғыш Президент күніне орай, «25 жылдыққа – 25 игі іс» шарасы аясында Алтынтөбе ауыл округі Қосағаш елді мекенінде жаңа көпір пайдалануға берілді. Бұл аудан көлемінде тәуесіздік жылдары салынған 8-ші автокөлік жүретін көпір.

Рас, біраз жылдардан бері орталықпен 1500-ге жуық халық тұратын Қосағаш ауылын қосатын көпірдің болмауынан Қаржан өзенінен өту мұң болатын.

 Міне, биыл сол көпір салудың сәті түсті. Облыстық бюджеттен 126,5 млн. теңге қаржы бөлініп, оны «Арсенал-Юг» жауапкершілігі шектеулі серіктестігі қолға алып, белгіленген мерзімде ел игілігіне ұсынып отыр. Көпір бүгінгі талапқа сай. Ұзындығы 90 метр, ені 8 метр. Түрлі көліктердің жайлы өтуіне жағдай жасалған.

Көпірдің ашылу салтанатына аудан әкімі Төлеген Телғараев қатысып, көпір салуға атсалысқан ауыл азаматтарына, құрылысшыларға алғысын білдірді.

Айта кеткен жөн, ауданның елді мекендер арасына алдағы 2020 жылға дейін тағы 4 көпір салу жоспарланып отыр. Алдағы уақытта бұл автокөлік жүретін көпірлер салынатын болса, онда аудан көлемінде көпірлер саны 28-ге жететін болады.

Қазығұрт ауданы әкімінің баспасөз қызметі

Оңтүстік Қазақстан облысының әкімдігі алдағы уақыттарда мемлекеттік бағдарламаларды толыққанды түсіндіру мен ол арқылы көмектер алудың тәртібін және шарттарын халыққа жариялайтын болады, деп хабарлайды ОҚО әкімінің баспасөз қызметі.

Бүгінгі шағырылым «Агробизнес 2020» бағдарламасы арқылы ауыл шаруашылығы дақылдарын егуді гектарлық субсидиялау тақырыбына арналады.

ҚР Агроөнеркәсіптік кешені субъектілерінің бәсекеге қабілеттілігін арттыру үшін жағдайлар жасау мақсатында «Агробизнес 2020» бағдарламасы құрылғаны белгілі. 2013-2020 жылдарға арналған мемлекеттік бағдарлама саланы қолдау мақсатында түрлі бағыттарды қамтиды. Атап айтқанда, олар:

—          ауыл шаруашылығы дақылдарын егуді гектарлық субсидиялау;

—          жеміс – жидек және жүзімді отырғызуды қолдау;

—          тұқым шаруашылығын қолдау;

—          минериальды тыңайтқыштарды субсидиялау;

—          гербицидтердің, биоагенттер мен биопрепараттардың құнын арзандату;

—          мал шаруаш-ның өнімділігі мен сапасын арыттыру, мал тұқымын асылдандыру;

—          инвестициялық субсидия;

—          ауыл шаруашылығы өнімін тереңдете қайта өңдеу шығындарын ішінара өтеу;

—          кредит/лизинг пайыздық үстем ақысын субсидиялау мен АӨК субъектілерін қаржылай сауықтыру;

—          ағын су жеткізіп беру құнын ішінара субсидиялау.

Ауыл шаруашылығы дақылдарын егуді гектарлық субсидиялау дақыл түріне байланысты. Мәселен, дәндік жүгері үшін гектарына 25 000 теңге берілсе, өнеркәсіптік үлгідегі тамшылатып суғару жүйесін қолданып өсірілген жүгеріге 80 000 теңге, күрішке 30 000 теңге, майлы дақылдар (мақсары, күнбағыс) 1 тонна өнімге 8 000 теңге, картопқа 18 000 теңге, көкөніс-бақшаға 18 000 теңге, өнеркәсіптік үлгідегі тамшылатып суғару жүйесін қолданып өсірілген көкөніс-бақшаға 80 000 теңге, мақта 15 000 теңге, мақта 1 тонна өнімге        6 000 теңге, өнеркәсіптік үлгідегі тамшылатып суғару жүйесін қолданып өсірілген мақтаға 60 000, жемшөптік дақылдарға (жаңа жоңышқа) 15 000 теңге, сүрлемдік жүгеріге 9 000 теңге, жарықты өнеркәсіптік жылыжайға (1 айналымға) 5 000 000 теңге, жарықсыз өнеркәсіптік жылыжайға (1 айналымға) 2 500 000, фермерлік жылыжайға (1 айналымға) 1 500 000 беріледі.

Гектарлық субсидиялауға негізгі талаптар төмендегідей:

Аудан /қала/ ауыл шаруашылығы бөлімдері орналастырған өтінім қабылдаудың басталуы және аяқталуы туралы хабарландыруда көрсетілген мерзімдерден кешіктірмей бөлімге өтiнiмді және нөмiрi көрсетiлген банктiк шоттың бар екендiгi туралы (екінші деңгейдегі банк не Ұлттық почта операторы анықтамасын) бір данада ұсынады;

Субсидиялар алу үшiн ауыл шаруашылығы тауарын өндірушілер егіс науқаны аяқталғаннан кейін, бөлімге дақылдардың түрлерi бойынша нақты себу алаңын көрсете отырып, егiс науқанының аяқталғаны туралы жазбаша ақпарат ұсынады;

Шитті мақтаның және майлы дақылдардың 1 тн. субсидия алу үшін өтінімге қосымша қайта өндеуші зауытымен жасалған қант қызылшасын, шитті мақтаны және майлы дақылдарды сатып алу-сату және (немесе) алыс-беріс шикізатын қайта өңдеу жөнінде қызметтер көрсету туралы шарттардың; майлы тұқымды меншікті шағын цехтарында қайта өңдеген кезде – ауыл шаруашылығы тауарын өндірушінің құрылымдық бөлімшелері арасында олардың басшылары қол қойған майлы тұқымды қабылдап алу-беру актісінің бар болуына қатысты мәліметтерді көрсетеді;

Жылыжаймен айналысатын шаруалар субсидия алуға арналған АШТӨ тiзiмiне қосу үшін өтінімде қосымша жылжымайтын мүлiктi мемлекеттiк тiркеу жөнiндегi уәкiлеттi органынан жылыжайдың (қорғалған топырақ ғимаратының) болуы мен жұмыс алаңының қөлемі туралы техникалық паспортының бар болуына қатысты мәліметтерді көрсетеді.

Гектарлық субсидиялаудың механизмі бірнеше бөліктен тұрады

Құжаттар аудандарда түзіліп, басқармаларға жолданады. Одан кейінгі қадам аумақтық қазынашылық бөлімшесі арқылы «Қазпошта» АҚ аудандық пошта байланыс торабына түседі. Соңғы қадам агроқұрылымдармен аяқталады.

Тарқатып айтсақ, ең алдымен, ауданда субсидиялар алуға арналған АШТӨ тізімін айқындау үшін аудан әкімінің шешімімен ВАК (ведомствоаралық комиссия) құрылады. Аудандық ауыл шаруашылығы бөлімі ВАК-тың жұмыс органы болып табылады. Мұнда:

—          Субсидия алуға өтінім (нөмері көрсетілген банктік шоттың бары туралы анықтама қоса береді) беріледі;

—          ВАК екі апта мерзім ішінде жергілікті жерге барып, егіс алаңын анықтап, қабылдау актісін жасайды;

—          Қабылдау актісі негізінде субсидия алуға АШТӨ түпкілікті тізімін жасап, аудан әкімімен бекітеді;

—          Үш жұмыс күні (оң шешім болған жағдайда) ішінде өтінімді және тексеру актісін басқармаға жолдайды;

—   Аудан ұсынған құжаттарды бес жұмыс күні ішінде субсидиялар төлеуге арналған ведомость қалыптастырады;

—        Бес жұмыс күні ішінде аумақтық қазынашылық бөлімшесіне екі данада төлем шоттарының тізілімін және төлем шоттарын ұсынады;

—          Үш жұмыс күні ішінде көрсетілген банктік шотқа субсидия аударылады;

—      «Қазпошта» АҚ-нан дербес шот ашқан агроқұрылымдар МТ-102 форматы «Қазпошта» АҚ-ның тиісті аудандық пошта байланыс торабы арқылы субсидия таратылады.

Ауыл шаруашылығы дақылдарын егуді гектарлық субсидиялауға қажетті құжаттар:

1.      Мемлекеттік тіркеу (қайта тіркеу) туралы куәлік немесе анықтама – заңды тұлға үшін;

2.      Жеке басын куәландыратын құжат – жеке тұлға үшін;

Дара кәсіпкерді мемлекеттік тіркеу туралы куәлік – жеке тұлға үшін;

3.      Жер учаскесіне арналған сәйкестендіру және (немесе) құқық белгілейтін құжат;

4.      Тұқымдардың сорттық және егіс сапаларын растайтын құжат;

Тұқым сатып алынған жағдайда – тұқымға арналған аттестат не тұқымға арналған куәлік;

Егіс үшiн өзi өндiрген тұқымды пайдаланған жағдайда – байқаудан өткiзу актiсi мен тұқымдардың кондициялығы туралы куәлiк немесе байқаудан өткiзу aктici мен тұқымдарды талдау нәтижесi;

5.      Алыс-беріс шикізатын қайта өңдеу жөнінде қызметтер көрсету туралы шарт (1 тонна қант қызылшасына, шитті мақтаға, майлы тұқымға субсидиялар алу үшін);

6.      Ауыл шаруашылығы тауарын өндірушінің құрылымдық бөлімшелері арасында майлы тұқымды қабылдап алу-беру актісі;

7.      Жылжымайтын мүлiктi мемлекеттiк тiркеу жөнiндегi уәкiлеттi органның жылыжайдың болуы мен жұмыс алаңы туралы техникалық паспорты (қорғалған топырақта көкөніс өндірумен айналысатын ауыл шаруашылығы тауарын өндірушілер үшін);

8.      Тұқым сатып алуға арналған лизинг шарты;

9.      Ауыл шаруашылығы кооперативiнiң анықтамасы (бар болса).

Оңтүстік Қазақстан облысының әкімі Жансейіт Түймебаев Түркия Республикасы Үкіметі жанындағы Түрік ынтымақтастық және үйлестіру агенттігінің (одан әрі — TIKA) Қазақстандағы өкілі Әли Ихсан Чаглармен кездесті, деп хабарлайды ОҚО әкімінің баспасөз қызметі.

Басқосуда тараптар бауырлас қазақ-түрік қарым-қатынасын одан әрі жақсарту жайын талқылап, алдағы күндері қолға алынатын нақты жоспарлы жұмыстарға көшті.

Атап айтқанда, таяуда TIKA ұйымының ұйымдастыруымен Оңтүстік Қазақстан облысындағы медицина мамандары арнайы оқыту курсынан өтіп, біліктілігін жетілдірмек. Шымкентте осы жылдың 2-5 желтоқсан күндері өтетін тәжірибе алмасу семинарына 75 дәрігер қатысып, онда ана мен бала денсаулығын сақтау, оның ішінде, ана мен бала өлімін азайту тақырыбында дәріс алмақшы. Ал тәжірибе алмасу курсында белсенділік танытқан дәрігерлер Түркияға жіберіліп, ол мамандар елге келген соң өзге де әріптестерінің білімін шыңдауға атсалысатын болады.

Кездесу барысында, аймақ басшысы өңірімізге арнайы келген мәртебелі мейманға алғысын білдіріп, аталған жоба аясында жан-жақты қолдау көрсетуге  дайын екенін жеткізді.

Қазақстан Тәуелсіздігінің 25 жылдық мерейтойына ортақтасып, қуанышымен бөлісуде осындай жұмыстарды ұйымдастыруды көздеген аталған ұйымның Қазақстандағы өкілі Әли Ихсан Чаглар бұл жобаның бұған дейін өзге де мемлекеттерде ұйымдастырылып, оң нәтиже көрсеткенін айтты.

Айта кету керек, Түркия Республикасы Үкіметі жанындағы Түрік ынтымақтастық және үйлестіру агенттігінің әлемнің 56 елінде филиалдары бар. Жер-жаһанның 150 елімен ынтымақтық жобаларын жасасқан TIKA ұйымы соңғы 3 жылда ынтымақтастық жұмыстары мен гуманитарлық көмектердің арқасында әлемде бірінші орынға шыққан. Денсаулық сақтау саласындағы аталған жоба ұйымның қыруар жұмыстарының бір ғана бөлігі болып табылады.