Jas.kz

Белгілі мәскеулік аспазшы Ренат Агзамов елордаға ат басын тіреді. 3 шілдеде Тәуелсіздік сарайында мейман Қазақстан мен Таяу шетелден келген кондитерлерге арналған семинар өткізеді. Шараға 350 адам қатысады, деп хабарлайды қалалық әкімдіктің баспасөз қызметі.

Ренат шараға қатысушылар үшін қызықты бағдарлама әзірленгенін атап өтті. «Семинарда кондитерлік өнердің қыр-сырымен бөлісемін, торт пісіргенде ғажайып нәтижелерге қол жеткізуге мүмкіндік беретін күрделі технологиялар туралы айтамын», — дейді мейман.

Ренат Агзамов бала кезінен торт пісіреді. Ол апта сайын өз ассортиментіне ондаған жаңа және жетілдірілген рецепттер қосып алады. Дәмі мен көркі әртүрлі торттарға барша әлемнен тапсырыстар түсіп жатады.

Сонымен қатар, Елорда күні аясында шілденің 4-і мен 6-сы аралығында «Аспазшылар шеберлігі – сүйікті қалаға» фестивалі өтеді. Мереке күндері қалалық алаңда жетекші аспазшылар жарысы өтеді.

Жарысқа елордалық мейрамханалардың үздік аспазшылары қатысады. Фестиваль қонақтары ұлттық тағамдардың түр-түрімен танысады. Шара барысында аспазшылар өздерінің ерекше туындыларын көрсетсе, қоғамдық тамақтану кәсіпорындары сервис деңгейі мен сапасын арттыру мүмкіндігіне ие болады.

Әдеттегідей, шара барысында елордалық үздік барменнің және даяшының есімі, сондай-ақ, ең дәмді фирмалық тағам анықталады.

Астанада өңірлердің тауар өндірушілерінің қатысуымен өтетін дәстүрлі ауыл шаруашылық жәрмеңкелерін Оңтүстік Қазақстан облысы бастады. Бүгін Астана әкімі Әсет Исекешев пен Оңтүстік Қазақстан облысының әкімі Бейбіт Атамқұлов жаңа Оқушылар сарайының алдында ашылған шараға ат басын тіреді.

Жәрмеңкеде 50-ден астам ауыл шаруашылық тауар өндірушінің өнімі ұсынылады. Оңтүстік өңірден елордаға 354 тонна өнім әкелінді, соның ішінде, 69 тонна ет өнімі, 141 тонна көкөніс, 33 тонна жеміс, 17 тонна картоп, 7 тонна сүт өнімі, 5 тонна шұбат, 7 тонна балық, 25 мың жұмыртқа және т.б.

Сонымен қатар, әлеуметтік маңызды өнімдердің толық ассортименті ұсынылады. Барлық өнім базардағы бағадан 15-20% арзан сатылады. Жәрмеңке 2 және 3 шілдеде Оқушылар сарайының тұрақ аумағында (Б. Момышұлы даңғ., 5) өтеді.

Айта кетейік, кеше қала басшысы Ә. Исекешев әлеуметтік маңызды тауарларға баға қалыптастыру мәселесі бойынша кеңес өткізіп, азық-түлік бағасының негізсіз өсуіне жол бермеуді тапсырды. Осы бағыттағы пәрменді шаралардың бірі Қазақстанның ауыл шаруашылық жәрмеңкелері болып табылады.

М. Горький атындағы мемлекеттік академиялық орыс драма театрында кезекті театрлық маусым аяқталды, деп хабарлайды қалалық әкімдіктің баспасөз қызметі.

Биыл театр ұжымы атаулы шараны ерекше атап өтпек. 115-ші мерейтойлық маусымның жабылу салтанатында кеш қонақтары «қызыл жолмен» жүріп өткен әртістерді қошеметпен қарсы алды.

Театр әртістері көрермендерге ерекше тосын сый жасады – актерлар соңғы бес жылдан бері көпшілікті қуантып жүрген қойылымдардан театрлық калейдоскоп көрсетті. Атап айтқанда, «Кьоджинские перепалки», «Тот, майор и другие», «Дикарь», «Затюканный апостол», «Язычники», «Томирис», «Черный монах», «Примадонны», «Хаос», «Пробуждение» және т.б. спектакльдерден үзінділер ұсынды.

Осы күнге дейін спектакльдерде жетекші рөлдерді сомдап жүрген қазіргі заманғы орыс драма театрының бастауында тұрған тұлғаларға және театр өнерінің корифейлеріне сахна төрінде құрмет көрсетілді.

Биылғы маусымда театр халықаралық фестивальдерге қатысып, Қазақстанның қалалары бойынша гастрольдерге барды, спектакльдердің премьераларын және «Горьковцы, с любовью!» ұранымен түрлі акциялар өткізді.

Ұйымдастырушылар мерекеге орай бірнеше арнайы номинация дайындап, театр мен спектакльдердің үздік актері мен актрисасын атап өтті.

Айта кетейік, М. Горький атындағы мемлекеттік академиялық орыс драма театрының тарихы 1899 жылдан басталады. Бүгінде театр репертуарында Н. Гоголь, А. Чехов, М. Булгаков, А. Вампилов, Ф. Вебер, У. Шекспир, Т. Уильямс және басқа да авторлардың шығармаларынан 30 артық шара бар.

Ұлттық драматургия театр репертуарында ерекше орын алады.О. Бөкейдің «Последнее причастие», Б. Жандарбековтың «Томирис — царица сакская», А. Оразбековтың «Одинокая яблоня» шығармалары М. Горький атындағы театрда алғаш рет орыс тілінде қойылды.

Қонақтарды қарсы алған Ерік Сұлтанов кездесу Елбасы Нұрсұлтан Назарбаевтың өңіраралық ынтымақтастықты дамыту тапсырмасының аясында өтіп отырғанын айтты.

«Мұнай газ машина құрастыру саласы бойынша облыста 10 кәсіпорын жұмыс істейді. Олардың ең ірілері  – «Петропавл ауыр машина жасау зауыты», «Мұнаймаш», «С.М. Киров атындағы зауыт». Аса ірі болмаса да он мыңнан астам түрлі бөлшек жасайтын зауыттар бар. Біздің жақсы машиналар жасауға тәжірибеміз жетеді», — деді Ерік Хамзаұлы.

Батыс Қазақстан облысының әкімінің орынбасары Бағдат Азбаев, өз кезегінде, бүгін қол қойылатын меморандум ынтымақтастықтың жаңа кезеңінің бастауы болатынын айтты.

«БҚО мен СҚО географиялық орналасуын, әлеуетін ескере келе ынтымақтастықтың келешегі зор деп білемін», — деді Бағдат Азбаев.

Облыстың әлеуетіне «Қарашығанақ Петролиум Оперейтинг» компаниясының бас директоры Ренато Мароли  өз бағасын берді.

«Біз бүгін бірнеше зауытты аралап, үлкен әсерде қалдық. Біздің жақ жеткізушілерге барлық ақпаратты беріп, шарттарды түсіндіруге әзір», — деді Ренато Мароли.

«Біз «Қарашығанақ Петролиум Оперейтинг» компаниясымен әріптестікке мүдделіміз. Бізге  шарттарыңызбен танысу маңызды», — деді Ерік Сұлтанов.

Облыс әкімі бүгінгі кездесу өңіраралық ынтымақтастықтың әрі қарай табысты дамуына ықпал ететініне сенім білдірді.

СҚО баспасөз қызметі

«100 нақты қадам» Ұлт жоспарындағы заң үстемдігі тұрғысынан сот жүйесіне бекітілген барлық 11 қадам Алматы облысы бойынша жүзеге асырылған. Бұл туралы Өңірлік коммуникациялар қызметінде өткен брифингте Алматы облыстық сотының судьясы Нұргүл Айымханова мәлімдеді.

— Осы жұмыстың нәтижесінде ұлттық сот жүйесі айтарлықтай жаңартылды. 2016 жылғы 1 қаңтардан бастап соттар сот төрелігінің үш деңгейлі жүйесіне көшті. Судьялар этикасы кодексінің жаңа жобасы әзірленді. Кодексті қабылдау ағымдағы жылы судьялардың VII съезіне жоспарланып отыр. Бүгінгі күні елімізде «Сот кабинеті» электронды қызмет көрсету жүйесі жұмыс істейтінін атап өткен жөн. Бұл жүйе арқылы сот дауына қатысушылар өз істерінің қозғалысын қадағалауға мүмкіндіктері бар. Қазақстан Республикасы Жоғарғы Сотының ішкі порталында «Талдау» форумы енгізілді. Бұл жаңа қызмет өзіне барлық санаттағы республика соттарының сот тәжірибесінің жалпы қорытындысын кіргізеді. Жоспарланған қадамдар сот жүйесінің жұмысының ашықтығын арттыруға бағытталған, нәтижесінде қоғамның сотқа деген сенімі артады, — деді ол.

Статистикалық мәліметтерге жүгінсек, 2016 жылдың тек 6 айдың өзінде соттардың өндірісіне 20 182 азаматтық іс түскен. Оның ішінде медиация тәсілімен 1001 іс оң шешілген. Соттармен анықталған заң бұзушылықтар бойынша 120 жуық жеке ұйғарымдар шығарылған. Осы орайда айта кетейік, Алматы облысы бойынша жергілікті жерлерде 37 «Медиация кабинеті» жұмыс істейді. Онда тұрғындарға медиатордың кеңестерін алуға жағдай жасалған.

Алматы облысының барлық сатысындағы соттарда істер толығымен дыбыс-бейне жазба құралдарымен қаралады. Мұндай қондырғыларымен бүгінгі күні Алматы облысы соттарындағы сот отырысы залдары 90% жабдықталған. Былтырғы бірінші жартыжылдықта сот ісінің өтуіне көңіл толмаушылық білдірген 8 арыз түскен болса, биылғы 6 айда небары 1 ғана шағым түскен. Демек, бұл сот барысының үтір-нүктесіне дейін дыбыс-бейне құралдарына тайға таңба басқандай жазылып, ашық өтетіндігінің нәтижесі.

 Істі сот талқылауына дайындау институтына аса үлкен мән берілгендіктен олармен судьяның істі сот талқылауына дайындау жөніндегі әрекеттеріне ерекше көңіл бөлу мақсатында жұмыстар жүргізілуде. Сөзбұйдалыққа жол бермеу мақсатында талап қою арызын қараусыз қалдыру, істерді қарауды кейінге қалдыру мәселелері де облыстық соттың қатаң бақылауында.

Бүгінгі таңда облыстағы судьялардың 47 пайызы жастар екен. «100 нақты қадам» Ұлт жоспарының 2-бөліміндегі «Заңның үстемдігін қамтамасыз етудің» 17-ші қадамындағы судья лауазымына кандидаттарды іріктеу тетіктерін көбейту және біліктілік талаптарын қатайту бойынша да облыстық сотта тиісті жұмыстар ұйымдастырылып жүргізілуде. Судьялыққа үміткерлер облыстық соттың жанындағы консультативтік-кеңесші орган – Соттармен өзара іс-қимыл жөніндегі кеңестің, содан соң жалпы отырыстың қатаң сүзгісінен өтіп барып, ұсыным алады.