Jas.kz

«ЭКСПО-2017» АҚ» Ұлттық компаниясының өкілдері Оңтүстік Қазақстан облысының алдағы көрмеге дайындық жұмыстарымен танысты, деп хабарлады облыс әкімінің баспасөз қызметі.

Компания өкілдері тарихи-танымдық және табиғи-экологиялық бағыттар бойынша 3 және 5 күндік арнайы туристік маршруттармен жүріп, жұ мыстардың барысын бақылады.

Сонымен бірге, облыстан іріктелген 100 еріктімен кездесу кеші өтіп, «ЭКСПО-2017» көрмесі барысындағы еріктілер қызметінің маңыздылығы бойынша жастармен сұхбаттасу жүргізілді.

Күнгейге саяхат кезінде компания өкілдері «ЭКСПО — 2017» халықаралық көрмесін жарнамалау және алға жылжытуға арналған аудан, қалаларда орналасқан билбордтар, жергілікті телеарналардан бейне роликтерді трансляциялау жұмыстары мен баспа беттерінде мақалалар жариялау жұмыстарына талдау жүргізді.

Сондай-ақ, облыс әкімі Бейбіт Атамқұловтың бастамасымен ашылған «Ontustik tourism center» ақпараттық туристік орталығының «ЭКСПО — 2017» халықаралық көрмесі қарсаңында туристерге ақпараттық қызмет көрсететін, сервистік қызмет саласын дамыту және туристік іс-шаралар ұйымдастыру жұмыстарымен танысты.

Алматы облысының Қарасай ауданында БЖК-2020 бағдарламасы аясында 2 мың тонналық көкөніс сақтау қоймасы іске қосылды. Мұндай қойма 83 гектар бағы бар «Керуен» ЖШС ауылшаруашылық тауар өнімін арттырырып, шырын өндіруді қолға алғаннан кейін қажет болған.

Бұл туралы Алматы облысының кәсіпкерлерге қызмет көрсету орталығы хабарлап отыр.

Әр сақтау камерасына 200 тонна көкөніс сыяды. Қойманың сұрыптау базасы Голландияда жасалған сұрыптау құрылғысымен жабдықталған. Ол көкөністерді түсі, салмағы бойынша сұрыптай алды.

«Керуен» ЖШС — жедел дамып келе жатқан компания. Ол Қазақстан экономикасының медицина, өндіріс, құрылыс, ауыл шаруашылығы, қонақ үй бизнесі, шараларды ұйымдастыру, кейтеринг сынды салаларында қызмет жасайды.

Бүгін түнде Астананың миллионыншы тұрғыны дүние есігін ашты. Сағат 01:00 №1 перинаталды орталықта қыз туды. Ол ата-анасының тұңғышы. Анасы – №9 «Нұршашу» балабақшасының тәрбиешісі Арайлым Мұхамедьяр (1994 ж.т.), әкесі — «Астана-РЭК» маманы Олжас Мұхамедьяр (1992 ж.т.).

Қала әкімі Әсет Исекешев ерлі-зайыптыларды құттықтап, пәтер кілтін табыстады, деп хабарлайды қалалық әкімдіктің баспасөз қызметі. Жас отбасы ата-анасымен тұрады, сондықтан бұл олар үшін нағыз тосын сый болды.

«Бүгін мен үшін қос мереке – әкемнің туған күні және қызым дүние есігін ашып отыр. Оның үстіне, пәтер кілтін табыстады. Мемлекет басшысына алғыс айтамын, жасалған жағдайлардың арқасында сап-сау қыз тудық. Ай сайын, жыл сайын халқымыздың саны арта берсін деп тілеймін. Әке мен ана болу бақытын әркімнің басына берсін», — дейді қызының есімін Саида деп қойған бақытты әке.

18 жылда ерлордада бала туу көрсеткіші екі есеге өсті, ана мен сәби өлімі 5 еседен артық төмендеген. Бұған Қазақстан Республикасының Президенті Нұрсұлтан Назарбаевтың мемлекеттік денсаулық жүйесіне баса назар аударуының арқасында қолжеткізілді. Күн сайын елордада 75-80 бала туады. Өткен жылы Астанада 26110 нәресте, ал үстіміздегі жылдың бірінші жартыжылдығында 13740 сәби дүниеге келген. Қаладағы перинаталды орталықтардың барлығы Дүниежүзілік денсаулық сақтау ұйымының бағдарламасы бойынша қауіпсіз ана қағидаты бойынша жұмыс істейді.

Бүгін, 4 шілдеде қалалық парктерде гүлден ЭКСПО-2017 халықаралық мамандандырылған көрмесінің эмблемасы жасалады. Astana Park Land фестивалі аясында «Жерұйық», «Арай» және «Астаналық» парктерде барша әлемде ЭКСПО көрмесін өткізудің тарихымен танысуға болады, деп хабарлайды қалалық әкімдіктің баспасөз қызметі.

Көк, қызғылт сары және жасыл – Astana Park Land фестивалінің түстері. Парктердің әрқайсысы құрлықтарға бөлінген. «Астаналық» паркте халықаралық көрмені өткізген Еуропа мен Австралия мемлекеттері көрсетіледі. Қызғылт-сары түске боялатын «Жерұйық» паркінде Азия елдері: Жапония, Корея, Қытай және Қазақстан болады. Ал жасыл түспен безендірілетін «Арай» паркінде Солтүстік және Оңтүстік Америка орналасады, мұнда ЭКСПО көрмесін өткізген АҚШ, Канада және Бразилия мемлекеттерінің тарихы баяндалады.

Парктерде Қазақстан Республикасы Тәуелсіздігінің 25 жылдығына арналған декорациялар да қойылады. Мұнда суретке түсіп, концерттік бағдарлама тамашалауға, ұлттық тағамдардан дәм татуға болады. Фестиваль шілденің 4-і мен 6-сы аралығында өтеді.

Шешендік өнермен баспасөз бетін шиырлап, ақпарат айдынында үздіксіз қалам сілтеп келе жатқан журналистердің еңбегі қашанда елеулі. Қиындығы мен қызығы мол жаңалық жаршыларын осы аптада Алматы облысының әкімі Амандық Баталов қабылдап, Байланыс және ақпарат қызметкерлері күнімен құттықтады. Осыған дейін облыстық әкімдіктің залында өтіп келген салтанатты шараның шымылдығы биыл тұңғыш рет І. Жансүгіров атындағы Мәдениет сарайында түрілді. Сөз тізгінін ұстаған тіл­шілер адамзатты ақиқатқа құрылған ақпаратпен азықтандырып, еліміздің мәдени-рухани өміріне елеулі үлес қосып келеді. Шығармашылықтың қазанында қайнаған публицистика шеберлері қай салада да түрен салып кете беретін әмбебап әрі қоғамдық-саяси өмірде де әу бастан белсенді.

«Қол бастаудан сөз бастау қиын» демекші, журналистика – кез келген адам игере ал­май­тын күрделі мамандық. Себебі, журналистің бірауыз сөзімен дүйім ел ақпараттанып, тарат­қан жаңалықтары қоғамда қоз­ғаушы күшке ие болады. Сон­дықтан, бұл саланың жүгі ауыр, жауапкершілігі зор. Қа­зіргі таңда өлкемізде облыстық те­леарна, 72 газет-журнал, екі-екі­­ден радио, ақпараттық агент­­тік және 5 республикалық телеарнаның қосыны жұмыс істейді. Еліміз тәуелсіздік ал­ғалы бұқаралық ақпарат құ­рал­дары әлемдік журналисти­ка­мен теңесіп, ашық байланысқа шығуға мүмкіндік алды. Бү­гін­гідей ақпарат тасқындаған заманда өзгелерден қалыс қал­май, жылдамдықпен жұмыс істеу – уақыт заңдылығы.

Алматы облысының әкімі журналистер­ге облыс орталығынан аумағы 8360 шаршы метрді құрайтын Журналистер үйін қолданысқа берді. Бұл – тілшілердің жұ­мыс істеуіне жасалған үлкен жағдай.

Алматы облысының әкімі баспанасыз жүр­ген жас тілшілерге де ерек­ше көңіл бөліп, төртінші билік өкілдеріне пәтер кілтін табыс­тауды дәстүрге айналдырған. Биылдың өзінде жұмысқа кір­гендеріне көп уақыт өте қой­ма­са да, жас жүректеріне жігер алып, қолдау көрген облыстық «Жетісу» газетінің тілшілері Қуаныш Тұнғатар мен Құрал­бек Сәбитұлы таяуда, ал тура төл мерекемізде «Жетісу» теле­арна­сының журналистері Ес­болат Айдабосын мен Ерлан Жүніс су жаңа пәтер кілтін алды.

Шарада ақпарат айды­нын­да құлаштай жүзіп, жүктеген мін­детті мінсіз атқарып келе жат­қан бір топ журналистер ма­ра­патқа ие болды. Алматы облысның әкімі баспасөз қызметінің бас маман­дары Сағыныш Намаз­ша­мова мен Қарлығаш Арыс­танбекова ҚР Ақпарат және ком­му­ни­ка­ция­лар министрлі­гі­нің Құр­мет грамотасын ал­ды.

Салтанатты марапаттан кейін республикалық, өңірлік басылымның тілшілері кезек-кезек сөз алып, жыл сайын жүл­де беріп, ерекше құрмет көр­сететін өңір басшысына риза­шы­лықтарын жеткізді.

Мерекелік шара «Өнер – өшпес мұра» атты концерттік бағ­дарламамен жалғасты. Мем­­­­­лекет мүддесі мен Ұлы Да­­ла­ның мақсат-мұраты жо­лында аянбай тер төгіп келе жат­қан қаламы ұшқыр, ойы жүй­рік журналистер қауымы алқалы жиыннан кейін облыс әкімі Амандық Баталовпен ес­телік суретке түсті.

Журналистер мерекесімен құт­тықтаған Талдықорған қа­ла­­сының әкімі Бағдат Қа­ра­саев та бір топ жетісулық тіл­шілерді қабылдап, ақжарма тілегі мен арнайы сыйлық табыс етті.

zhetysu-gazeti.kz