Jas.kz

«Астана жастары» КММ мен Астана қаласының 40 жұмыс беруші-компаниялары арасында серіктестік туралы меморандумға қол қойылды.

«Мемлекет үнемі жастарды белсенді қолдап, оларды еңбекпен қамту үшін ең жақсы жағдайларды туғызуда, «Болашақ», «Жасыл ел», «Дипломмен ауылға», «Жастар кадрлық резерві» және т.б. сияқты жобалар жұмыс істейді.

Мемлекеттің әрекетінен басқа бізге жеке сектормен серіктестік қажет, дәл осы – мемлекет пен бизнестің өзара қарым-қатынас жұмысы біздің бүгінгі ақпараттық кездесуіміздің ең басты тапсырмасы болып табылады» — дейді, жастар саясаты мәселелері бойынша Басқарма жетекшісінің міндетін атқарушы Ербол Рыспаев.

«Астана жастары» КММ жетекшісі Ануар Нұрпейісов қол қойылған 40 меморандум «Астана жастары» алдында компанияға  белгілі міндеттемелерді белгілемейді және олардың ешқандай заңды мәртебесі жоқ, алайда бос орындар ұсыну мен елордалық компанияларға құнды қызметкерлермен қаматамасыз ету бойынша тығыз серіктестікті реттеуге мүмкіндік беретінін ескере өтті.

Серіктестік туралы меморандумға салтанатты түрде қол қою барысында «Астана орманы» компаниясының жетекшісі Аслан Сатин жас жұмыскерлерді тиімді оқыту мен одан әрі еңбекпен қамту ретінде жұмыс ұжымында тәлімгерлік тәжірибесін  қалпына келтіруді ұсынды.

Жұмыс беруші-компаниялар тізіміне құрылыс, жарнамалық бизнес, өндірістік өнеркәсіп, қалалық көгалдандыру салалары мен басқа да салалардан жеке фирмалар кірді.

zhastar.astana.kz

Қоғамдық тәртіпті сақтау, жастар арасындағы құқық бұзушылықтың алдын алу және құқықтық мәдениетті насихаттау мақсатында Жастар саясаты мәселелері басқармасы, Астана қаласының ІІД Жергілікті полиция қызметі, «ZhasStar» жастар саясаты орталығы» қоғамдық қоры «Жас сақшы» құқықтық тәртіпті сақтау студенттік жасағы» атты жобасын жүзеге асыруда.

Аталмыш жоба аясында, жастар арасында түрлі алдын алу рейдттік іс-шаралар, студенттердің құқық қорғау органдарының өкілдерімен кездесулер және салауатты өмір салтын насихаттайтын спорттық сайыстар өткізілуде.

Осыған орай, 27 мамыр күні Ішкі істер департаментінің мәжіліс залында «Жас сақшы» құқықтық тәртіпті сақтау студенттік жасағының ағымдағы жылы атқарылған жұмысының есебі туралы кездесу өтті.

zhastar.astana.kz

Қазақстан Республикасының Тұңғыш Президенті — Елбасының кітапханасы мен Қоры Қазақстан Республикасы Тәуелсіздігінің 25 жылдығын құрметпен атап өту мақсатында, баспа және электрондық бұқаралық ақпарат құралдары қызметкерлері арасында «Қазақстан Тәуелсіздігі және Елбасы» тақырыбы бойынша алдағы тарихи оқиғаға арналған таңдаулы материалдарға ашық конкурс жариялады.

Конкурстың мақсаты — елдің тәуелсіздік жылдарындағы жетістіктерін көрсету, Қазақстан мемлекеттілігінің негізі ретінде «Назарбаев моделін», Елбасының идеялары мен бастамаларын танымал ету.

Конкурс төрт номинация бойынша өткізіледі:

1) «Үздік теледидар материалы»;

2) «Үздік радиоматериал»;

3) «Газеттер мен журналдардағы үздік мақала»;

4) «Ғаламтор-БАҚ-тағы үздік жарияланым».

Номинациялардың әрқайсысы бойынша жеңімпаздарға 1 миллион теңге мөлшерінде ақшалай жүлде беріледі, ал екінші және үшінші орындар үшін тиісінше — 500 мың және 200 мың теңге беріледі. Одан басқа, барлық жүлдегерлерге дипломдар мен омырауға тағатын белгілер тапсырылады.

Конкурсқа кәсіпқой журналистер жеке де және ұжымдық негізде де қатыса алады.

Конкурсқа 2016 жылғы 1 маусымнан бастап 31 қазан мерзімі бойынша мемлекеттік және орыс тілдерінде ресми жарияланған (басылған, эфирге шығарылған, ғаламторда орналастырылған) бірегей материалдар қабылданады.

Конкурстың қорытындысын құрамына белгілі журналистер, Қазақстанның көрнекті мемлекет және қоғам қайраткерлері енген Конкурс комиссиясы шығарады.

Жеңімпаздарды марапаттаудың салтанатты рәсімі Тәуелсіздік күні қарсаңында өткізіледі.

Конкурсқа қатысуға өтінімдер 2016 жылғы 1 қарашаға дейінгі мерзімде әкеліп беру тәртібімен немесе поштамен жөнелту арқылы мына мекен-жайда: Z05S5X1, Қазақстан Республикасы, Астана қаласы, Еңбекшілер көшесі, 10, 213-каб., «Қазақстан тәуелсіздігі және Елбасы» конкурсына» деген белгісімен қабылданады (байланыс тел.: (7172) 69-30-57, 69-30-52, 69-30-50).

Конкурсты өткізудің шарттары мен уақыты туралы барлық ақпаратпен www.presidentlibrary.kz, www.presidentfoundation.kz сайттары арқылы танысуға болады.

ҚазАқпарат

Бурабайда бірегей орман селекциялық орталығы жұмыс істеп жатыр.  Астана қаласының айналасында   2020 жылға дейін жасыл аймақ алқабын 100 мың гектарға дейін жеткізу жоспарлануда, деп хабарлады ҚР АШМ баспасөз қызметі.

2015 жылы мемлекеттік орман иеленушілер орман және орман өсіруді молықтыру жөніндегі іс-шараларды 60,2 мың гектар алқапта жүргізген.

«Астана қаласының айналасында орман отырғызудың жалпы аумағы 1997 -2015 жылдары 75 мың гектардан асты.  2020 жылға дейін жасыл аймақ алқабын 100 мың гектарға дейін жеткізу жоспарлануда. Ақмола облысында орманды аумақтарды ұлғайту мақсатында жоғарғы технологиялық инновациялық кешені бар бірегей орман селекциялық орталығы жұмыс істеп жатыр», — делінген хабарламада.

Жыл сайын кәсіпорын тұқымбағында  600 мың дана қарағай, 700 мың дана қара сексеуіл, 100 мың дана Шренка шыршасы, Сиберс алмасы мен өрік көшеттері өсіріледі.

Үстіміздегі жылы селекциялық орталық әртүрлі ағаш бұталардың түрлерінің 1,9 миллион данаға жуығын өсіруді жоспарлауда. Сонымен қатар орман орталығында өндірістік орман биотехнологиялық зерттемелері жұмыс істейді, әзірлемелер қалпына келтірілген өсімдіктердің барлық негізгі генетикалық ерекшеліктерін сақтай отырып вегетативтік көбеюін жылдамдатуына ықпал етеді.

Бүгінгі күні Тарбағатай, Жоңғар Алатауы, Қаратау таралымдары алмаларының, қайыңдардың  (Карель, мамық, жалпақ жапырақты, қара) терек, майда жапырақты жөке және тағы басқа түрлерінің тұқымы шығарылған.

Өсірілген көшет материалдары мемлекеттік орман қоры аумағында, оның ішінде Астана қаласының жасыл аймағында пайдаланылады. Ағымдағы жылы көшет материалдарымен «Іле-Алатауы», «Бурабай», «Көлсай көлдері» мемлекеттік ұлттық парктері, «Жасыл аймақ» РМК қамтамасыз етілді.

Суға түсу маусымы қарсаңында Астана қаласының ТЖД тұрғындарды суда шомылу және көмек көрсету ережелерімен ақпараттандыру мақсатында брифинг өткізді, деп хабарлайды қалалық әкімдіктің баспасөз қызметі.

1 маусымда суға шомылу маусымы шартты түрде басталғанымен Есілдегі судың температурасы небәрі +12 градус қана, ал жүзуге болатын ең төменгі температура +20 градус болуы керек. Статистикалық мәліметтерге сәйкес, маусым айында адамдардың суда қаза табу жағдайлары көп тіркеледі. Ауа температурасы жоғары болғанымен, судың тек жоғары қабаттары ғана жылынып, ал тереңінде 8-10°С төмен болады. Бұл қайғылы жағдайдың орын алуына әкелуі мүмкін.

– Адам өмірі – басты құндылық. Азаматтар суға түскен кезде қарапайым ережелерді сақтау керек екендігін түсінуі керек. Судың үстіңгі қабаты жылынғанымен, түбі суық. Осыған байланысты адамның сіңірлері тартылып, қайғылы жағдай орын алуы мүмкін. Қала аумағында белгіленген 16 аймақта тиісті жұмыстар жүргізіліп, шомылу болатын және болмайтын орындар көрсетілген кестелер орнатылады, – дейді Астана қаласының ТЖД жою бөлімінің басшысы Эльдор Райымбеков.

Қазіргі кезде елордада 80 құтқарушы бар, тиісті жұмыстарға 23 катер тартылған.

Сұлулық пен сымбат тәрбиесінде халқымыз жан сұлулығын басты орынға қойған. «Сұлу болғың келсе, алдымен сыртыңды емес, сырыңды түзе» деп үйреткен. Сонымен бірге тән сұлулығына да баса назар аударып, дене мүшелерінің сымбатты болуын қадағалаған. Аналар қыздары жеті жасқа келгенде беліне белбеу буындырып қойған. Он екіге толғанда жауырының астынан келетіндей етіп арқан керіп, үстіне жатқызған. Қыз сонда талшыбықтай бұралып бойжетеді.

Қыздары әдемі киініп, сымбатты өсірудің мәні бар. Шолпы, сөлкебай, маржан моншақ бағалы заттар қыз көркіне көрік қосумен қатар, қыз баланың жан сезімін сұлулыққа бөлейді. Қимыл қозғалысын, қылығын әсемдікке дағдыландырады. Мысалы, Шолпы, маржан моншақ таққан қыздар оғаш қимыл жасаса, шолпы моншақтары салдырлап жағымсыз дыбыс шығарып, оқыс қылығын дереу қойған.

Епті қимыл, әдемі жүрісте шолпы, моншақ сыңғырлап, қыз әсемдігін ерекшелендіріп түседі. Шолпы, білезік, сақина сияқты сәндік бұйымдары көбіне ақ күмістен жасалынған. Халық ұғымында ақ күміс адалдықтың, бақыт байлықтың символы ретінде бағаланған.

aitaber.kz

Алматы облысы 2016 жылғы жазғы маусымға туристерді қабылдауға әзір. Бұл туралы өңірлік ОКҚ  брифингі барысында белгілі болды.

Туризм басқармасы басшысы Ж. Алшынбаевның айтуынша, өңірде жазғы демалысты ұйымдастыру үшін барлық қажетті инфрақұрылым құрылды.

Қазіргі уақытта облыста туристер қабылдайтын 563 нысан бар. Оның ішінде 153 қонақүй, 22 қонақ және аңшылық үйлер, 48 демалыс үйлері мен санаторий, 20 сауықтыру лагерлері мен орталықтары, 214 демалыс базалары дайын.

2015 жылы 26 нысан пайдалануға берілді. Оның 10 нысаны Алакөл ауданында, 4 аймағы Ұйғыр ауданында, Райымбек ауданы Саты селосында 3 қонақ үйшігі, 6 ауданда 7 қонақүй салынды. Талғар ауданында «Орман ертегісі» тау курорты-қонақүйі пайдалануға енгізілді. Жеке инвестиция құны 6,9 млрд теңгені құрады.

«Нұрлы жол» бағдарламасының аясында облыста «Алматы-Өскемен республикалық маңызы бар жол  (249 шақырым), «Батыс Еуропа-Батыс Қытай»  (304,4 шақырым) жөнделіп, салынуда. Құрылыс жұмыстары 2016 жылы аяқталады. «Батыс Еуропа-Батыс Қытай»  көлік дәлізі учаскесінде 7 сервис нысанын салу жоспарлануда. 4 нысан бойынша инвесторлар айқындалды.

Биыл Алматы облысында сұранысқа ие орын Алакөл өзені маңы, Қапшағай су қоймасы, Талғар Еңбекшіқазақ ауданында орналасқан нысандар, мемлекеттік ұлттық табиғи саябақтар болып отыр.

Облыста Алкөл өзені маңында туристік инфрақұрылымын дамыту жұмыстары белсенді атқарылуда.

2015 жылы Алакөлде Ақши ауылында демалыс аймағына сомасы 622, 7 млн теңгеге электр желісі тартылды. Жергілікті бюджет есебінен жобалау-сметалық құжаттама әзірленді, 23 шақырым (374,1 млн. теңгеге) жол салына бастады. Өткен жылы  «Алматы-Жетіген-Достық» темір жол қатынасына 36,8 млн теңге  субсидия бөлінген.

Алакөлде ақылы сауықтыру көлемі өткен жылы 1,6 есеге, келушілер саны 28,6 пайызға артты.