Алматы облысында ҚР Қорғаныс министрлігі АОСК-ның оқу-жаттығу орталығында жастар арасында спорттың әскери-қолданбалы түрлері бойынша республикалық турнир бастау алды.

ҚР Қорғаныс министрлігінің баспасөз қызметінен мәлімдегендей, жастарды әскери-патриоттық тәрбиелеуді жетілдіру Қазақстан Қарулы Күштері қызметінің маңызды құрамдасы, әскери-патриоттық клубтардың жұмысын үйлестіру, жастарды Қарулы Күштерде әскери қызметке дайындау, әскери қызмет өткеру кезінде қажет олардың дағдысы мен шеберліктерін қалыптастыру, сондай-ақ салауатты өмір салтын насихаттау, дене тұрғысында жетілдіру, жастарды әскери-қолданбалы және техникалық даярлау болып табылады.

Осының аясында Алматы облысында әскерге дейінгі жастағы бозбалалар арасында спорттың әскери-қолданбалы түрлері бойынша республикалық турнир өтті. Ақтөбе, Шығыс Қазақстан, Маңғыстау, Алматы облысы мен Алматы қаласынан жиналған командалар Панфиловодағы спорттық базада бас қосты.

Екі жас ерекшелігі топтарының бозбалалары 14-15 жастан кіші және 16-17 жастан үлкендер өздерінің спорттық шеберліктерін көрсетті. Турнир үш күн бойы, яғни, 16, 17 және 18 қазанда өтеді. Әр күні спорттың жекелеген әскери-қолданбалы түрі, кешенді жекпе-жекпе турнирі, әскерилендірілген кросс және пневматикалық винтовкадан оқ ату ұсынылатын болады.

Турнирдің ашылу рәсімі 16 қазанда өтті. Оған жеңіл атлетикадан олимпиадалық чемпион Ольга Шишигина, спорттың әскери-қолданбалы түрлері бойынша ҚР мемлекеттік бапкері Мәдениет Жақыпов, ҚР ҚМ СК-АОСК-ның тәрбие-идеологиялық жұмыстары бөлімінің бастығы Мейіржан Жұмабаев пен ҚР ҚМ АОСК оқу-жаттығу орталығының бастығы Микаил Климатов қатысты.

Бүгінгі таңда Қазақстанда өскелең ұрпаққа үлкен көңіл бөлінуде. Барлық өңірлерде, қалаларда жастарымыздың оқуына, спортпен шұғылдануына және өз Отанының лайықты азаматының барлық қасиеттерін сіңіруі үшін қолайлы жағдайлар жасалуда.

Кеше Алматы қаласында Алматы облысының ауылшаруашылық өнім өндірушілерінің күзгі жәрмеңкесі өтті.

«Жәрмеңкеге облыстың 16 ауданы мен 3 қаласынан ең сапалы 113 тонна жеміс-жидек және көкөніс, 95 тонна ет және шұжық өнімдері, 22 тонна сүт пен сүт өнімдері, бал және өзге де Жетісу өлкесінің экологиялық таза өнімдері жеткізілді. Жәрмеңкеде жалпы құны 110 млн теңгенің өнімі сатылды», — деп мәлімдеді Алматы облысы әкімінің баспасөз қызметінен.

Алматы облысы әкімінің орынбасары С. Бескемпіров:

— Жәрмеңкеге қойылған өнімдер нарық бағасынан әлдеқайда төмен бағада саудаланды. Алматы жұртшылығы сондай-ақ май, жарма, макарон өнімдері мен өзге де азық-түлікті тиімді бағада сатып алу мүмкіндігіне ие болды. Алматы шаһарына жалпы көлемі 290 тонна экологиялық таза әрі сапалы ауылшаруашылық өнімдері әкелінді.

Кеше Алматы облысында жалпыоблыстық сенбілік өтті. Шараға өңір басшысы Амандық Баталов бастап барлық мекемелері мен ұжымдарының қызметкерлері, студенттер, оқушылар және қаланың тазалығы мен көркін келтіруге бей-жай қарамайтын барша жетісулықтар қатысты.

Қаратал өзенінің жағалауында абаттандыру жұмыстары қолға алынып, санитарлық тазалық жұмыстары жүргізілді. Қала бойынша сенбілік аясында қайың, қарағай, емен көшеттері отырғызылды. Бұл күні талдықорғандықтар жалпы 3000-на астам көшет отырғызды.

 Осындай тазалық сенбілігі облысқа қарасты барлық аудан, қалаларда да өтті.

Айнұр МАРАТ, Асқар АБАЙҰЛЫ (ФОТО)

Бүгін Алматы қаласында Алматы облысының ауылшаруашылық өнімін өндірушілердің күзгі жәрмеңкесі өтті, — деп хабарлайды Алматы облысы әкімінің баспасөз қызметі.

Жәрмеңкеге облыстың 16 ауданы мен 3 қаласынан ең сапалы 113 тонна жеміс-жидек және көкөніс, 95 тонна ет және шұжық өнімдері, 22 тонна сүт және сүт өнімдері, бал және өзге де Жетісу өлкесінің экологиялық таза өнімдері жеткізілді. Жәрмеңкеде жалпы құны 110 млн. теңгенің өнімі сатылды.

Жәрмеңкеге қойылған өнімдердің бағасы нарық бағасынан әлдеқайда төмен бағада саудаланды. Алматы жұртшылығы сондай-ақ май, жарма, макарон өнімдері мен өзге де азық-түлікті тиімді бағада сатып алу мүмкіндігіне ие болды. Алматы шаһарына жалпы көлемі 290 тонна экологиялық таза әрі сапалы ауылшаруашылық өнімдері әкелінді, — деді Алматы облысы әкімінің орынбасары С. Бескемпіров.

Бүгін Талдықорған қаласында Қазақстан Республикасы Азаматтық қорғаныс қызметінің 20 жылдық мерейтойына арналған салтанатты шара өтті.

Жиынға Алматы облысының Төтенше жағдайлар құрылуы басында тұрған Төтенше жағдай ардагерлері, құтқарушылар, өрт сөндіру горнизондарының жауынгерлері және аумақтық бөлімшенің жеке құрамы, облыстың ҚР ІММ ТЖК-нің облыс аумағында орналасқан құтқару бөлімшелерінің қызметкерлері мен төтенше жағдайлардың алдын алу және жою шараларына тікелей атсалысқан басқа да ұйымдардың өкілдері қатысты.

Іс-шара Қазақстан Республикасының Әнұранын орындаумен және Алматы облысы Төтенше жағдайлар департаментінің қызметі жағдайына арналған деректі фильмнің көрсетілуімен басталды.

19 қазан — Құтқарушылар күні қарсаңында өткізіліп жатқан шараға қатысушыларды Алматы облысы әкімінің орынбасары Ғалымжан Әбдірайымов өңір басшысы Амандық Баталовтың атынан құттықтап, төтенше жағдайлар мемлекеттік жүйесін құруға және нығайтуға үлес қосқан азаматтарға медальдар мен алғыс хаттар табыс етті.

 Сонымен қатар, бұл күні кәсіби мереке қарсаңында өткізілген спорттық жарыстарға қатысқан қызметкерлер де диплом, кубок және бағалы сыйлықтармен марапатталды.

 Айнұр МАРАТ, Асқар АБАЙҰЛЫ (ФОТО)

Бүгін Алматы облысының әкімі Амандық Баталов «Жетісу» әлеуметтік-кәсіпкерлік корпорациясы» Ұлттық компаниясы» АҚ Басқарма төрағасы болып тағайындалған Шинтуринов Ерлан Ермекұлын ұжымға таныстырды. 

Қарағанды облысы Жезқазған қаласының тумасы Ерлан Ермекұлы 1970 жылдың 6 тамызында дүниеге келген. 1992 жылы Алматы сәулет-құрылыс институтын құрылыс инженері мамандығы бойынша, 1997 жылы, Мемлекеттік статистика комитетінің біліктілікті жетілдіру институтын бухгалтер-экономист мамандығы бойынша тәмамдаған. Бұған дейін Алматы облыстық ауыл шаруашылығы басқармасының басшысы, «RaimbekBottlers» ЖШС президенті, «Raimbek Bottlers» ЖШС директордың орынбасары және стратегия жөніндегі бас директоры қызметтерін атқарған.

ФОТО: Асқар АБАЙҰЛЫ