Jas.kz

Астанада жас талантты дизайнерлердің арасында «Той көйлектері» атты авторлық «Сән мен сахна» халықаралық сахна киімдері фестивалі өтеді.

Жаңа жылдан бастап айналымдағы кейбір 2000, 5000, 10 000 теңгелік банкноттар қолданыстан шығады, деп хабарлайды khabar.kz.

Бүгін Астанадағы ҚР Ұлттық академиялық кітапханасында өтіп жатқан «Оқырман қауым – Ұлы дала елінің болашағы» атты халықаралық оқу конгресінде ҚР Мәдениет және спорт министрі Арыстанбек Мұхамедиұлы қазақ руханиятының үлкен жанашыры болған ақындар мен жазушыларға Қазақ хандығының 550 жылдығына арналған мерейтойлық медальді және алғыс хаттарды табыстады.

Бүгін Алматы облысының басшысы Амандық Баталовтың төрағалық етуімен әкімдіктің мәжілісі өтті. Жиында облыс әкімінің бірінші орынбасары Махаббат Бигелдиев «Жұмыспен қамту 2020 жол картасы» Бағдарламасының жүзеге асырылуы туралы баяндады.

Аталмыш бағдарламаның бірінші бағыты «Инфрақұрылымды және тұрғын үй-коммуналдық шаруашылықты дамыту есебінен жұмыспен қамтуды қамтамасыз ету» шеңберінде Алматы облысында 261 жобаны жүзеге асыруға 17 млрд. 500 млн. теңгеден астам қаржы бөлініп, 5 мың 165 жұмыс орны құрылған, оның ішінде 2 мың 632 (51%) жұмыссыз азамат, жұмыспен қамту орталықтары арқылы орналастырылған.

Екінші бағыт бойынша 2011-2015 жылдары Алматы облысына 5 млрд. 262 млн.теңге бөлінді, оның ішінде 5 млрд. 214 млн. теңге шағын несиелеуге, 47 млн. 800 мың теңге кәсіпкерлік негіздерін оқытуға бағытталды. Осы жылдары шағын несиемен 2 мың 498 адам қамтылып, өз ісін ашып кеңейтті, оның ішінде 687 адам 18 несиелік серіктестіктер арқылы несие алды. Шағын несиенің негізгі бөлігі (83,5%) ауыл шаруашылығына бағытталса, қалған бөлігі қызмет көрсету (9,6%) және өнеркәсіп саласына, яғни құрылыс материалдарын өндіру, жиһаз жасау, киім, көрпе тігу цехтарын ашуға (6,9%) берілді. Ал, ағымдағы жылы шағын несие беруге 1 млрд. 313 млн.теңге қарастырылды, бұл 2011 жылмен салыстырғанда 13 есеге артық (100 млн.теңге) болды. Ағымдағы жылдың 1 қарашасына 609 адамға 1 млрд. 342 млн.теңге несие берілді, оның 188 млн. 700 мың теңгесі қайтарылған сома есебінен болды, — деді М.Бигелдиев.

Әкімдік мәжілісін қорытындылаған облыс әкімі А.Баталов аудан, қала әкімдері мен сала басшыларына «Жұмыспен қамту жол картасы — 2020» бойынша жоспарланған жұмыстардың толық көлемде орындалуын қамтамасыз етуді және жұмыстан босатылған жұмысшыларды жұмыспен қамту орталықтары арқылы жұмысқа орналастыруды және күн тәртібінде қаралған өзге де сұрақтарға қатысты жұмыстарды үнемі назарда ұстап, аталған бағыттағы жұмыстарды қарқынды жүргізуді тапсырды.

Сондай-ақ мәжілістің күн тәртібінде тағы екі сұрақ қаралды. Жер қатынастары, сәулет және қалақұрылысы салаларындағы заңнамалық талаптар мен нормалардың сақталуы мен мемлекеттік қызмет және сыбайлас жемқорлыққа қарсы күрес туралы заңнамалық актілердің негізгі бағыттарын түсіндіру туралы да сөз болды.

Бүгін Талдықорған қаласындағы «Жастар» спорт сарайында 2015 жылдың түрлі саладағы жас көшбасшылары (үздіктері) анықталды.

Атап айтқанда:

1. «Жас батыр» номинациясы бойынша — Найзабеков Берік;

2. «Ауыл шаруашылығының жас маманы» номинациясы бойынша — Досымбеков Елнұр;

3. «Үздік жас мұғалім» номинациясы бойынша — Молбаев Бақытжан;

4. «Үздік жас мемлекеттік қызметкер» номинациясы бойынша — Алимов Нұрлан;

5. «Үздік жас әскери қызметкер» номинациясы бойынша — Мақсұтов Ғабиден;

6. «Үздік жас өнерпаз» номинациясы бойынша — Жебегенов Ерұлан;

7. «Үздік жас маман» номинациясы бойынша — Алимбаев Арнай;

8. «Үздік жас спортшы» номинациясы бойынша — Сон Игорь;

9. «Үздік жас ғалым» номинациясы бойынша — Бекежанов Дәурен;

10. «Үздік жас журналист» номинациясы бойынша — Серікқожанова Мөлдір;

11. «Үздік жас кәсіпкер» номинациясы бойынша — Нугурбекова Раушан;

12. «Үздік жас дәрігер» номинациясы бойынша — Өмірзақова Гүлмира;

13. «Үздік жас саясаткер» номинациясы бойынша — Тумабаева Мадина;

14. «Үздік студент» номинациясы бойынша — Спандиярова Салтанат;

15. «Үздік «Жасыл ел» сарбазы» номинациясы бойынша — Күнесбекова Ләззат;

16. «Жас Ұлан» бірыңғай балалар мен жасөспірімдер ұйымының үздік көшбасшысы» номинациясы бойынша — Тұралыұлы Әділ;

17. «Үздік ерікті» номинациясы бойынша — Самиев Мирас.

Жоғарыда аталған жас та болса өз саласының білікті де білімді, батыл да алғыр азаматтары Алматы облысы әкімінің қолынан арнайы дипломмен, «Көшбасшы — 2015» мүсіншесімен және 200 000 теңгенің ақшалай сыйлығын алды.

Шара барысында сөз алған облыс әкімі өңір жастарына бүгінде көптеген жағдайлардың жасалып жатқандығын, соның ішінде сәулет құрылысы қайталанбас Салтанат сарайы, Оқушылар сарайы, Жастарға қызмет көрсету орталығы, Қаратал өзенінің бойында «Жастар аллеясы», «Жастар» саябағының бой көтеріп келе жатқандығын атап өтті. Мұның барлығы Елбасының тікелей қолдауының арқасында іске асуда. Мемлекет басшысының әрдайым жастардың еңбеккер, мақсаты айқын, білімді де алғыр ұрпақ болғанын қалайтындығын және болашақтың тұтқасы осындай лайықты өскелең ұрпақтың қолына табысталатындығына сенім білдіретіндігін үнемі айтуда, — деп сөзін қорытты.

Аталмыш шараға жас эстрада әншілері мен еліміздің абыройын Ресей біріншілігінде қорғап жүрген «Спарта» көңілді тапқырлар клубы және «Funky town» би студиясының бишілері өз өнерлерімен шараның шырайын кіргізді.

Астана қаласындағы жедел медициналық жәрдем қызметінің заманауи талаптарға сай еместігі туралы қалалық әкімдікте өткен аппарат кеңесінде Әділбек Жақсыбеков мәлімдеді. Жақын арада астаналық дәрежеге сай жедел медициналық жәрдем қызметін құру туралы кешенді жоспар жасалынатын болады.

 «Біздің барлығымыз медициналық жедел жәрдем қызметі жұмысының дұрыс ұйымдастырылмағаны себепті зардап шегіп келеміз немесе зардап шегуіміз мүмкін. Дәл қазір бұған басқаша қырынан қарау керек», – деді өз сөзінде Астана әкімі.

Кешенді жоспар Қазақстанның бас қаласының жоғары стандарттарына сай болады және елордалық жедел медициналық көмектің жаңа қызметін ұйымдастыруға бағытталады. Оған қоса, инфрақұрылым, техникалық жабдықтау, көлікпен қамтамасыз ету, кадрлық құрылым және осы қызметтегі мамандардың тұрғын үймен қамтылуы сияқты маңызды мәселелер де қз шешімін осы кешенді жоспар аясында табатын болады. Шұғыл түрде оқиға орнына жөнелтілген көлік қозғалысы мен оның аулаішілік алаңдарға кіретін жолдардағы қозғалыс жүйесін қалыпқа келтіру және жеңілдету жұмыстары ұйымдастырылады. Сонымен қатар, жедел жәрдем қызметінде түнгі уақытта жұмыс істейтін қызметкерлердің балаларын балабақшаға алу мәселесі де шешімін таппақ.

Аппарат кеңесінде теміржол вокзалының жұмысы туралы сөз көтерілген болатын. Жаңа теміржол вокзалының құрылысына байланысты ескі вокзалға көңіл аударуды ұмытпаған дұрыс.

Ә. Жақсыбеков өз сөзінде вокзалдың жағдайы елорадалық деңгейге сәйкес болуы шарт, сонымен бірге, қызмет сапасы мен вокзал маңындағы ақылы көлік тұрағына да назар аудару керек екендігін атап өтті.

Апта сайын әкімдікте өтетін аппарат кеңесінде азаматтардың өтініштері бойынша мәселелер қаралады. Соның бірі — қаладағы интернет сапасы. Соңғы кезде сигнал мен жылдамдықтың нашарлауы, үзілуі тұрғындардың наразылығын тудыруда. Бір аптаның ішінде «Астанателеком» ұсынып отырған қызмет сапасына талдау жасалынып, келесі аппарат кеңесінде қаралатын болды.

Кеше Алматы облысы әкімінің орынбасары Серік Тұрдалиев Азия Даму банкінің өкілдерімен кездесті. Кездесуде Алматы – Бішкек экономикалық дәлізіндегі Алматы агломерациясына облыстың қатысуы туралы сөз болды.

Азия Даму банкінің бас экономисі Прадип Сриваставаның айтуынша, Банк Орта Азияның аймақтық экономикалық дамуы бағдарламасының шеңберінде Алматы – Бішкек экономикалық дәлізін жүзеге асырғалы отыр. Аталмыш жоба шеңберінде ауыл шаруашылығы, туризм, логистика, жол және көлік, білім, денсаулық салаларын дамытуға инвестиция салу көзделген. Банктің әзірге Қазақстандағы жұмыс бағыты инфрақұрылымды дамыту тұрғысында белгіленуде.

Аталмыш экономикалық дәлізінде тек екі қала арасындағы жол ғана емес, сонымен қатар Алматы және Бішкек қалаларының агломерацияларын дамыту да басты бағыт болмақ. Бұл орайда Алматы облысының да экономикалық мүмкіндіктері сараланбақшы. Облыс өз тарапынан ауыл шаруашылығында, туризмде, логистика және инфрақұрылым салаларында инвестиция құюды қажет ететін жобаларын орталық органдармен бірлесіп ұсынатын болады.

Облыс әкімінің орынбасары Серік Тұрдалиев Алматы агломерациясы аумағындағы бес ауданның экономикалық әлеуетін арттыруға және Алматы қаласының маңында азық-түлік белдеуін дамытуға септігін тигізетін бұл жоба өңір үшін аса қажет екенін және оған атсалысатындарын жеткізді.

Алматы облысында Балқаш және Алакөл көлдерінің жағалауында демалыс және сауықтыру туризімін дамытуға үлкен көңіл бөлінуде. Бұл туралы Президент жанындағы Орталық коммуникациялар қызметінің Алматы облыстық филиалында өткен брифингте Алматы облыстық туризм басқармасының басшысы Жанар Алчимбаева хабарлады.

Ж. Алчимбаеваның мәлімдеуінше, «Бизнестің жол картасы 2020» бағдарламасы аясында 2014-2015 жылдары Ақши ауылының маңындағы демалыс аймақтарына дейін 98,2 шақырым электр желілері тартылған. Жобаға республикалық бюджеттен 552 млн. теңге бөлінген. Осы жылы Ақши ауылынан Алакөл маңындағы демалыс аймақтарына дейінгі жол құрылысының жобалық-сметалық құжаттарын әзірлеуге жергілікті бюджеттен 21,0 млн. теңге қарастырылды. Сонымен қатар Алакөлдің жағалауында демалушылар мен туристерді жаз мезгілінде осы орындарға жеткізу мақсатында «Алматы-Достық-Жетіген» теміржол бағытында поезд қатынауда.

Туристік өнімдерді кеңінен насихаттау мақсатында облыстық басшылық Қазақстандық және Халықаралық туристік көрмелер мен жәрмеңкелерге қатысып жүр. Сонымен қатар«Аlmatyregion-tour.kz» геоақпараттық интернет-порталы да іске қосылған. Онда туристік бизнес және бұқаралық ақпарат құралдарының өкілдеріне ақпараттық – таныстыру турлары  өткізіліп тұрады.