Jas.kz

ҚР Парламенті Мәжілісінің депутаты Серік Үмбетов жұмыс сапары аясында Алматы облысы Көксу ауданындағы бірнеше нысанды аралады. Сапар барысында тұр­ғындармен пікірлесіп, ауыл-аймақтың жағдайымен танысып, елді мекендерді дамыту мен өркендетудің жаңа бағыттарын бағамдады.

Жетісулықтар Серік Әбі­кен­ұлының адамгершілігі мен іскерлігін жоғары бағалайды. Оның осы өңірді басқарып тұрған тұсында талай өркенді істердің бастамашысы бол­ғанын да жұрт ұмыта қойған жоқ. Сондай істердің бірі Ер­бол Тоқтағұлов басшылық ететін «Уыз Май Industry» ЖШС еді. 2010 жылы өз қо­лымен тұса­уын кесіп, алғашқы өнімін көзі­мен көрген Серік Үмбетов алты жылдан кейін тағы да сол өн­діріске соғып, жағдайын тағы бір саралап шықты.

Кейінгі жылдары Алматы облысында қант қызылшасын өсіру қауырт қолға алынып, қар­қын­ды жобалардың атқарылып жат­­қа­ны анық. Көксу ау­да­нын­да қант қызылшасын өсі­ру­де өзгеге үлгі болып отырған «Қай­рат» шаруа қожа­лы­ғының та­бысы мол. Былтыр 20 гектар жер­ге қант қы­зыл­шасын егіп, 1200 тон­на өнім алса, биыл оның кө­лемін 60 гектарға жет­кі­зіп, 2100 тонна қант қызыл­ша­сын алуды жоспарлап отыр. Ел эко­но­микасын өркендетуге осын­дай деңгейде үлес қосып отыр­ған шаруаның еңбек­кер­лі­гін жоға­ры бағалаған депу­тат олар­дың егіс алқабын ара­лап шық­­ты. Жайқала өскен тәтті тү­бірдің мол өнімге ке­нел­тетіні бір­ден байқалады. Мұндай жұ­мыс нә­ти­­жесіне риза­шы­лығын біл­дір­ген депу­тат ал­дағы күн­дерінің та­быс­ты бол­уын тіледі.

Осылайша Серік Үмбетов бір күндік жұмыс сапарын қо­ры­тындылады. Соңында жур­на­листердің сұрақтарына жауап бе­ріп, ниет біріккен жер­де бе­ре­ке болатынын та­ғы­ да еске сал­ды, деп хабарлайды zhetysu-gazeti.kz.

Алматы облысы әкімінің орынбасары Серік ТҰРДАЛИЕВ жаңадан ашыл­ған жастарға қызмет көрсету орталы­ғында болып, келе­шектің тұтқасын ұстайтын буын­мен келелі кеңес өткізді, деп хабарлайды Жетісу газеті.

Кеңес барысында об­лыстық жастар ресурстық орталығының есебі тың­далып, өрендерге көр­се­тіліп жатқан қамқорлық пен жарқын істер  жайлы ай­тылды. Сондай-ақ, Же­тісудағы “Жасыл ел” шта­бының жастарды еңбекке баулу жолындағы жетіс­тік­тері тізбеленді. Төрт тоқ­сан білім қуған жас­тар­дың жаз бойы табиғатты көркейту жұмыстарына ат­салысқаны құптарлық іс. Анығында, әрбір жас ең­бекпен есею керек. Сон­­­да табанақы, маңдай тердің қадірін түсінеді. Серік Мелісұлы еліміздің тегеурінді буынын еркін диалогқа тартып, шынайы сырласуға шақырды. Ау­дан-аудандағы жас­тар­дың жетекшілері қатысқан кеңесте еліміздегі тіл сая­саты, бірнеше тілді мең­герудің маңыздылығы, бі­лім, мәдениет, ғаламтор, байланыс және ақпа­рат­тану көздері турасында әңгіме өрбіді.

–Тіл білгеннің ар­тық­ты­ғы жоқ, жастар. Сендер ел­дің болашағын жарқын ете­тін білімді буынсыңдар. Ал бі­лімді болудың бірінші қа­дамы – бірнеше тіл мең­ге­ру. Адам бір тілмен бір адам болып қалады. Екі тілмен екі тұлғалық қасиет­ке иесің. Мен ағылшын тілін 37 жасымда үйреніп алдым. Сіздерде мүмкіндік көп, – деді Серік Мелісұлы.

Алматы облысы әкімінің орын­ба­сары жастар саясаты мәсе­лелері басқармасының бас­шысы міндетін атқарушы бо­лып тағайындалған Ай­дын Нұрмұхамедұлын құт­тық­тап, алдағы жұмысына сәттілік тіледі. Жиында об­лыстық дін істері басқарма­сының басшысы Рахмет Ес­дәулет сөз алып, жас­тар­ды жат ағымдардан ара­ша­лау­дың жолдарын ұсынды. Қа­зіргі таңда терроризм та­қы­рыбы өте өзекті. Ата ді­ні­мізден алыстап, отба­сын­да алтыбақан алауыз жағ­дай қалыптастырып жүр­ген жастар қаншама?! Сон­дық­тан, дәстүрімізге негіз­дел­ген, мемлекет уығын бірік­ті­ретін бабалар сенімінен ажы­рамағанымыз абзал.

Серік Мелісұлы сөз ара­сында сөзбен  ақыл ай­ту­дан гөрі іспен өнеге көр­се­тудің  қажеттігін алға тарт­ты. Әсі­ресе, ағылшын тілін үй­рену  туралы насихат ай­тарда алдымен адам өзі соған жауап бере алуы ке­рек. Жиын соңында жастар елдің келешегі үшін кемел ой айтқан аға буынға алғыс айтты.

«Астана Арена» стадионының алдындағы алаңда «В ритме дружбы» қайырымдылық шарасы өтті. Психологтар мен арт-терапевттер балалар үйінің тәрбиеленушілеріне арнап коммуникативтік дағдыларды дамытуға және өз-өзіне деген сенімді арттыруға бағытталған түрлі ойындар ұйымдастырды, деп хабарлайды қалалық әкімдіктің баспасөз қызметі.

Акция бағдарламасы тәжірибелі мамандармен әзірленді, арт-терапияның түрлі әдістері балалардың шығармашылық әлеуетін ашуға, ойлау қабілеттілігі мен қажетті әлеуметтік машықтарын дамытуға мүмкіндік берді.

– Акция осындай ауқымда алғаш рет өткізіліп отыр, сондай-ақ, ойын, іс-қимыл және елес-қиял арқылы қарым-қатынас құруға бағытталған. Бұл шара балаларды әлеуметтік бейімдеуге және өз бетінше өмір сүруге дайындауға арналған, – дейді Best for Kids қоғамдық қорының президенті Сая Кәкім.

Айта кетейік, шараға астаналықтар ғана емес, сонымен қатар Ақмола облысының да балалары қатысты.

Қазақстан Республикасы Тәуелсіздігінің 25 жылдығына орай «Нұр Отан» партиясының бастамасымен, Қазақстан халқы Ассамблеясының қолдауымен «Ұлы дала азаматтары» патриоттық акциясы басталып, ел ішіне автошеру шыққан болатын. Аталмыш делегация кеше Алматы облысына келді, деп хабарлайды Алматы облысы әкмідігінің ресми сайты.

Автошеру Ұлы Отан соғысы жылдарындағы қазақстандықтардың ерлігін дәріптеуді, «Нұрлы жол» бағдарламасын және «Мәңгілік ел» идеясын түсіндіруді мақсат етеді.

Алакөл, Сарқан аудандарында болған автошеру делегациясы кешкілік Талдықорғандағы «Мәңгілік алау» алдына тоқтап, гүл шоқтарын қойып, акцияның мақсат-міндеттері, қаһарман азаматтардың ерлік шежірелері жайлы айтып берді.

Елордада төрт тұрғын үйдің ауласында балаларға арналған футбол секциясы ашылды. Жаттығулар аптасына үш рет — дүйсенбі, сәрсенбі және жұма күндері өтеді. Қазіргі кезде 8 жастан асқан 60 бала тегін жаттығып жүр, деп хабарлайды қалалық әкімдіктің баспасөз қызметі.

Футбол лагері «Есіл» ауданында Сауран к-сі, 5а, Сарайшық к-сі, 34, сондай-ақ, «Алматы» ауданында Абылай хан даңғылы, 49/3, Жұбанов к-сі, 10 мекен жайлары бойынша жұмыс істейді. Басталуы сағат 15.00. Жаттықтырушылар — Ербол Мұсабаев және Павел Халезов.

– Меніңше балаларға жаттықтырушылармен дайындалған қызық болады. Оларға әр түрлі жаттығулар жасатамыз. Бұл жартылай кәсіби деңгей. Біз балаларды бақылаймыз, деңгейі жоғары және қабілеттілігі бар балалар қалалық футбол орталығына, Балалар мен жасөспірімдер спорт мектебіне жіберіледі, – дейді Павел Халезов.

Қазақстанның футбол федерациясы жас спортшыларды керек-жарақтармен қамтамасыз етеді.

Айта кетейік, жыл соңына дейін тағы да 10 аулада футболдан тегін сабақтар өткізу жоспарланған.