Jas.kz

Қазақстан Республикасы Ұлттық музейінің бастамасымен Тәуелсіздіктің 25 жылдығына орай «Ұлттық музей сенің қалаңда» атты мәдени тур Батыс Қазақстан облысынан бастау алды, деп хабарлайды музейдің баспасөз қызметі.

Көрме қонақтары назарына «Ұлттық музейге саяхат» және 3Д графикалық видеороликтері ұсынылды. Сонымен қатар, іс-шараға қатысушылар еліміздің брендіне айналған «Алтын адам» жәдігері туралы жан-жақты мағлұмат жинап, оны жақыннан тамашалуға мүмкіндік алды.

Мәдени саяхат барлық облыстарды аралайды деп жоспарлануда.Көрме ары қарай Ақтөбе қаласында жалғасын табады.

Елорда күнін мерекелеуге орай жетекші аспаздар қала әкімдігінің алдындағы алаңда кездеседі. Ең «тәтті» «Аспаздар шеберлігі – сүйікті қалаға» фестивалі шілденің 4-і мен 6-сы аралығында өтеді, деп хабарлайды қалалық әкімдіктің баспасөз қызметі хабарлайды.

Аспаздық жекпе-жекке елордалық мейрамханалардың үздік кәсіпқой аспазшылары қатысады. Фестиваль қонақтары ұлттық тағамдар ассортиментімен танысып, одан дәм татып, лайықты бағасын береді. Мұнымен қоса, аталмыш шара аспазшылар үшін өздерінің ерекше туындыларын көрсетудің, ал қоғамдық тамақтану кәсіпорындары үшін – сервис сапасы мен деңгейін арттырып, өз атын шығарудың бірден-бір мүмкіндігі.

Әдеттегідей, мерекеде елорданың үздік бармені және үздік даяшысы, сондай-ақ, ең дәмді фирмалық тағам анықталады.

Бүгін байланыс және ақпарат қызметкерлерінің күніне орай облыс әкімі Амандық Баталов Талдықорғандағы І. Жансүгіров атындағы Мәдениет сарайында салтанатты қабылдау өткізді. Шараға республикалық, облыстық, аудандық БАҚ өкілдері, блогерлер, журналистика ардагерлері – жалпы саны 150-ге жуық адам қатысты.

Салтанатты шараға жиналғандарды құттықтаған облыс әкімі Амандық Баталов:

— Телеарналар, радиолар, басылымдар, интернет ресурстар бүгінгі күні облыстың қоғамдық өміріне белсене араласып, өңірдің жетістіктері мен табыстарын көрсетуге, маңызды экономикалық және әлеуметтік міндеттерін шешуге жәрдемдесіп келеді. Президенттің бастамасымен жүргізіп отырған әлеуметтік-экономикалық және қоғамдық-саяси реформаларды насихаттай отырып, журналистер еліміздің дамуына елеулі үлес қосуда, — деді өз сөзінде.

Мұнан соң облыс басшысы баспасөз қызметінің өкілдері мен бірқатар журналистерге ҚР Ақпарат және коммуникация министрінің, облыс әкімінің Құрмет грамоталарын және естелік сыйлықтар тапсырды.

«Хабар» телеарнасының меншікті тілшісі Тілеуғабыл Мыңжасар, облыстық «Жетісу» телеарнасының редакторы Наталия Хоменко, биылғы жылы «Үздік блогер» атанған белгілі қаламгер Қанат Әуесбай облыс басшылығына ризашылығын білдіріп, әріптестеріне құттықтау тілектерін жеткізді. Мереке соңы концерттік бағдарламаға ұласты.

Тәуелсіздік алғалы бері Алматы облысында 188 елді мекен жаңа атауға ие болған. Сондай-ақ, 75 ауылдық округ, 191 әлеуметтік нысанның атауы жаңаланған. Бұл туралы Өңірлік коммуникациялар қызметінде өткен брифингте Алматы облысының тілдерді дамыту жөніндегі басқарма басшысы Ахмет Кендірбекұлы мәлімдеді. Ұлы Жеңістің маңыздылығы мен өзектілігі де ескеріліп, 39 көшеге соғыс ардагерлерінің есімдері берілген.

Облыстағы тілдік ахуал, мемлекеттік тілдің қызмет ету аясын кеңейту мен мәртебесін нығайту мақсатында атқарылып жатқан іс-шараларға тоқталған А. Кендірбекұлы мемлекеттік тілдегі құжат айналымы туралы да тарқатып айтып берді. Мысалы, 2016 жылғы бірінші жартыжылдықтың қорытындысы бойынша кіріс құжаттарының 82,3 %-ы, ал шығыс құжаттарының 99,3 %-ы мемлекеттік тілде көрініс тапқан.

Ана тіліміздің мәртебесі бесіктен бастау алатындығын айтқан спикер балабақша, мектептегі мемлекеттік тіл мәселесіне де тоқталып өтті. Облыстағы 337 балабақшаның 70,0%-ы қазақ тілді. Ал, 737 мектептің 414-і қазақ тілінде білім береді. Соның ішінде қазақ тілінде оқитын 330 мыңнан астам оқушының арасында 8054-і этнос өкілдері.

Бүгін Оңтүстік Қазақстан облысынан Астана қаласы күніне орай, ауыл шаруашылығы керуені аттанды. Онда жалпы құны 157,7 млн.теңге болатын 374 тонна ауыл шаруашылығы өнімдері бар.

Астана қаласында шілде айының 2-3 күндері өтетін жәрмеңкеде 50-ден астам оңтүстікқазақстандық тауарөндірушілердің ауыл шаруашылығы өнімдері сатылады.

Астаналықтарға мереке қарсаңында нарықтағы бағадан 10-15 пайызға арзан 69 тонна ет пен ет өнімдері, 141 тонна көкөніс, 33 тонна жеміс – жидек, 17 тонна картоп пен 7 тонна сүт өнімдері, 5 тонна шұбат 25 мың дана жұмыртқа, 50 тонна бақша өнімдері мен тағы басқа 27 тонна өнімдер ұсынылады.

Бұл өңірдегі аудан мен қалалардың Бас қалаға жасаған өзіндік тартуы. Соған орай, жергілікті бұқаралық ақпарат құралдары мен ауыл шаруашылық басқармасының мамандары жиналып керуенді салтанатпен шығарып салды.

Жалпы облыста егіс көлемі 5 мың гектарға артып 780 мың га құрады. Ал суармалы жер көлемін қосымша 8,7 мың га ұлғайту бойынша жұмыстар жүргізілуде, деп хабарлайды ОҚО әкімінің баспасөз қызметі