Jas.kz

Алматы облысының ішкі туризмін дамыту мақсатында ұйымдастырылған «Re-Public» блог-туры мәресіне жетті. Бұл шара Елбасының «100 нақты қадам» Ұлт жоспары бағдарламасында көрсетілген отандық туризмді дамыту тапсырмасы аясында ұйымдастырылған болатын.

Блог-турға Ақтау, Шымкент, Семей, Қарағанды, Қостанай, Орал, Көкшетау, Алматы қалаларынан 50-600 мыңға дейінгі жастар аудиториясын қамтып отырған әлеуметтік желі парақшаларының әкімшілері қатысты. Бір аптаға созылған блог-тур барысында Қазақстанның әр түпкірінен жиналған блогерлер Түрген сарқырамасы, Есік, Қайыңды,  Көлсай көлдері, Шарын шатқалы, Әулиеағаш, Жаркент мешіті, Алтынемел мемлекеттік ұлттық саябағы және Бұрқанбұлақ сарқырамасына саяхат жасаған болатын. Олардың сапары бүгін Талдықорған қаласында аяқталды. Саяхатшыларды Алматы облысы әкімінің орынбасары  Бақтияр Өнербаев пен облыстық ішкі саясат басқармасының басшысы Рустам Алпысбаев бастаған Жетісу жастары күтіп алды. Алқалы жиында блогерлер бір апта бойы алған әсерлерімен бөлісіп, екі тарап өзара пікір алмасып, естелік сыйлықтар мен алғыс хаттар табысталды.

Абзал Әуелбеков, «Шырайлы Шымкент» әлеуметтік парақшасының әкімшісі:

— «Re-Public» сынды жобалар еліміздің ішкі туризмін дамытуда үлкен үлесін қосады деп білемін. Бір апта бойы  Алматы облысының көрікті жерлерін  көріп, үлкен әсер алдық. Өйткен, мұндай әсем табиғатты бұған дейін шетелдік бағдарлама, кинолардан ғана көретін еді. Ал бұл жолы сондай керемет жерлердің өзіміздің Қазақстанда барын көріп таңқалдық. Тамсанып жүрген Еуропа да, Америка да керек болмай қалды, — деген жүрекжарды лебізімен бөлісті.

Оңтүстік Қазақстан облыстық сотында татуласу рәсімдері институтын дамыту бойынша өзара ынтымақтастық туралы меморандумға салтанатты жағдайда қол қойылды.

Іс-шараға өңір басшысы Бейбіт Атамқұлов, облыстық соттың төрағасы Нұрсерік Шәріпов, облыстық соттың алқа төрағалары мен судьялар қатысты.

Өз кезінде облыс әкімі аталған құжаттың маңыздылығын айтып, оны бекіту қоғамдағы жанжал деңгейін төмендетуге ықпал ететінін және дауларды сотқа дейінгі реттеп, қолайлы құқықтық орта туғызудың қоғамдық-саясилығын атап өтті.

Жиында сөз алған облыстық соттың төрағасы Н.Шәріпов бүгінгі жүзеге асып жатқан ынтымақтастық туралы меморандум Елбасының «100 нақты қадам» Ұлт жоспарында айтылған идеяларына толықтай сай екендігін жеткізді. Меморандум аясында тараптар көрсетілген мақсаттар мен міндеттерді ынтымақтаса отырып, жүзеге асыратындарын айтты.

Қол қою рәсімінен соң қонақтар Шымкент қаласының Әл-Фараби және Қаратау аудандық соттарының ғимараттарын аралап көрді, деп хабарлайды ОҚО әкімінің баспасөз қызметінен.

Атырау облысы Индер ауылы Елтай ауылының тұрғыны  Гүлжан Шәкімова Астанадағы  «ЭКСПО-2017» халықаралық көрмесі кезінде шетелдіктерге бұқа жүрегінен дәм таттыруды көздеп отыр. Г.Шәкімова көрмеде жұмыс істеу құқығына республикалық аспаздар байқауының жүлдегері атанған соң ие болды.

«Байқауда «Жаужүрек» деп аталатын қазақтың ұлттық тағамын дайындадым. Тағам ірі қараның жүрегінен әзірленеді.  Қазақ дәстүрлеріне сәйкес, біздің аналарымыз бұрын оны өз ұлдарына шайқас алдында дайындаған.  300 аспаз қатысқан байқауда ол үшінші орынға ие болдым. Осы тағамды ЭКСПО-2017 көрмесінде де дайындауға ниеттімін», — деді Г.Шәкімова облыс әкімі Нұрлан Ноғаевке.

Осыған дейін хабарлағандай, Н.Ноғаев облыстың 72 ауылдық округіне жұмыс сапарымен баруды жоспарлаған болатын. Индер ауданы — аймақ басшысы барған төртінші аудан.

Индер ауданында әкім барған нысандардың бірі — Елтай ауылында орналасқан «Жас Өркен» балалар лагері. Нысан 2011 жылы қолданысқа енгізілді. Онда 175 адам тұра алады. Қазір мұнда 157 жергілікті оқушы демалып жатыр, қызметкерлердің саны — 39 адам.

ҚазАқпарат

«Халал» деген жазуы бар түрлі өнімдер бүгінде дүкен сөрелерінде сіресіп тұр. Әсіресе, ет, шұжықтардың сыртқы қаптамаларында. Иә, мол табыс табуды ғана көздеген кейбір кәсіпкерлер ет, нан өнімдерінің сыртына «халал» деп жазып, нарықтық сатылымға шығарып жатқаны жасырын емес.

Ас – адамның арқауы. Адал тағам – денсаулық кепілі. Сондықтан әлемнің көптеген мемлекеттері, соның ішінде біздің еліміз де адам денсаулығына пайдалы әрі қауіпсіз халал тағамға тиісінше мән бере бастады. Тіпті дамыған мемлекеттер тек халал азық-түлік саласына ғана емес, жеңіл өнеркәсіп, парфюмерия мен фармакология және басқа да салалардың халалдығына айрықша ден қоюда.

Осыдан екі жылдай бұрын Қазақстан мұсылмандары діни басқармасы жанынан осы бағытта жұмыс істейтін халал өнімдерін стандарттау бөлімі құрылған болатын. Енді биылғы ақпанда аталмыш басқарманың құрылтайшылығымен халал стандарттарын енгізумен және өнімді сертификаттаумен айналысатын   «Халал даму» ЖШС ашылды.

Осы уақыт аралағында «Халал даму» ЖШС-нің арнайы сертификатына еліміз бойыша 50-ге жуық кәсіпорын иеленіпті. Оның екеуі күні кеше ғана облыс орталығында орналасқан екі мейрамханаға табысталды. Бұл жөнінде Алматы облысының өңірлік коммуникациялар қызметінде өткен брифингте ҚМДБ жанынан ашылған «Халал даму» ЖШС-нің директоры Бейбіт Мырзагелдиев айтып берді.

— Бүгінгі таңда бізде өнімдерге гендік сараптама жасайтын озық үлгідегі аппараттар да бар. Сондықтан кез-келген кәсіпорын өнімдерінің халал стандартының талаптарына қаншалықты жауап бере алатындығын тиісті деңгейде анықтай аламыз. Біз еліміздегі халал индустриясының дамуын, ел азаматтарының мейлінше жақсы өмір сүруін қамтамасыз етуді мақсат етеміз. Дұрыс бауыздалмаған малдың еті де денсаулыққа зиян. Ал азық ретінде пайдаланатын жануарларды элекр тогымен өлтіру еттің сапасына нұқсан келтіреді. Мұндай әдіспен малды жансыздандырғанда мал денесінен қанның біркелкі ағып кетуіне кедергі болады және қан ағзадан толық шықпай қалады. Осының нәтижесінде әсіресе ісік ауруларын тудыратын концероген сақталып қалады, бұл адамның денсаулығына өте қатерлі. Сондықтан біз республика көлемінде қасапшыларды оқытуды қолға алып жатырмыз. Қойылған талаптардан сүрінбей өткен қасапшыларға арнайы мөр басылған құжат беріледі, — деді Б. Мырзагелдиев.