Jas.kz

2016 жылғы көктем мен күз мезгілдеріне сән сарапшылары кеңес еткен киім үлгілерін назарларыңызға ұсынамыз:

1. Кең пальто. Осы жылы бұл киімнің барлық түрі сәнде: ашық, жабық, торлы және жолақты. Мұндай пальто үлгілерін бір түсті киіммен киген дұрыс.
2. Плащ. Жаңбырлы немесе ашық күнде кие беруге болатын элемент. Тек оның астынан басқа киім көрінбегенін қадағалаңыз.
3. Шілтері көйлек немесе костюм — 2016 жылдың көктемінің фавориті. Ең бастысы, әдемі аксессуар таңдағанда қателеспегініңіз абзал.
4. Қарапайым пиджак. Әр түрлі матадан тігілген және әр түрлі фасондағы пиджактар. Сәнді пиджакты қай киіммен кисеңіз де өз еркіңіз.
5. Жейде. Денеде бос тұратын қарапайым және ашық модельдегі жейделер мен блузкалар трендте.
6. Ыңғайлы шалбар. Кең шалбар тырысып тұратын шалбарды тағы да алмастыруда. Ол классикалық бола дыма, спорттық болады ма, маңызды емес. Ең бастысы — ыңғайлылық. Бұларды жеңі шынтаққа дейін жететін жейделермен немесе блузкалармен киген дұрыс.
7. Былғары белдемше. Мұның да кез келген түрі сәнде. Оны қысқа күртемен және ұзын етікпен киген дұрыс.
8. Ашық етіктер. Тізеге дейін жабық және аяқ саусақтары мен өкшесі ашық етіктер. Ұзындығы тізеге дейін жететін кез келген киіммен киюге болады.
9. Белдік. Сәнді бейнені толықтыру үшін ашық түстісін таңдаған дұрыс.
10. Ауқымды алқа. Мұндай алқа белдікпен жарасымды болмақ. Ұзындығы белге дейін болса да жақсы. Ел назары бірден алқаға түсетін болғандықтан, киіміңіз қарапайым болғаны жөн.

Назерке Сүлен

Бос уақытыңызды пайдаланып, әр түрлі бағытта білім ала аласыз.

1. MassachusettsInstituteofTechnology

Бұл университет 1800-ден астам тегін интерактивті онлайн білім беретін курс ұсынады. Олардың көбі МIT сертификатын алуға мүмкіндік береді.
http://ocw.mit.edu/index.htm

2. OpenUniversity

OpenLearn программасы бойынша тегін білім беретін британдық университет. Оның аясында әртүрлі пәндерге байланысты курстар бар. Басты назар гуманитарлық бағытқа арналған.
http://www.open.edu/openlearn/

3. Carnegie Mellon University

Open Learning Initiative программасы аясында бірнеше интернет-курстар ұсынады.
http://oli.cmu.edu/

4. Tufts University

OpenCourseWare — шет елде интерактивті білім алғысы келетіндерге мүмкіндік беретін білім беру программасы
http://ocw.tufts.edu/

5. Stanford

Әлем бойынша заманауи профильді техникалық және гуманитарлық білім беретін үздіктердің бірі. Интерактивті курстар, видео және аудио-лекциялар iTunes U сервисіне тегін жазылу арқылы жүреді.
http://online.stanford.edu/courses/

6. University of California, Berkeley

Әртүрлі тақырыптағы тегін курстар мен дәрістер

http://www.berkeley.edu/

7. Utah State University

Бұл жерде тегін онлайн-дәрістер жинақталған. Гуманитарлық мамандыққа, сонымен қатар, техникалық және инженерлік мамандыққа қатысты кең көлемді материалдар жиынтығы қол жетімді
http://ocw.usu.edu/education/index.html

8. Kutztown University of Pennsylvania

Қызығушыларға арналған тегін курстар жиынтығы
http://www.kutztownsbdc.org/course_listing.asp

9. University of Southern Queensland                                                                                                                                      Әр түрлі мамандыққа байланысты онлайн білім беретін программа.
   http://www.usq.edu.au/online
10. University of California, Irvine

Кең ауқымды онлайн-кітапхана.
http://www.lib.uci.edu/collections/library-collection.

Назерке Сүлен

Бірнеше жылдан соң не болатынын қарапайым адамдар болжап біле алмайды. Ғылыми-теxникалық үдеріске байланысты мақалаларда «футурология» термині жиі айтылады. Бұл -Жер мен адамзат өмірінің болашақта болатын әлеуметтік үдерістерін алдын ала болжайтын әлеуметтанудың бір саласы.

Сіздерге Алекс Пройастың «Я, робот» ғылыми-фантастикалық көркем фильмі таныс болар?! 2035-жылы болатын әлемдегі өзгерістерді, соның ішінде роботтармен бірге өмір сүретін адамдар, роботтың іс-әрекеті, сөйлеуі, ақылдылығы, сезімталдығы көрсетілетін бұл фильм фантастика болғанымен, түбінде осы ғылым саласымен астасып жатқандығы анық.

Ендігі туындаған сұрақ: дамыған заманда артта қалып қоймас үшін, біз қандай білім, қабілет, дағдыларды игеруіміз керек?

Бұл сұраққа жауап жақында Давос қаласында өткен экономикалық форумда берілген көрінеді. Бұл форумда адамның, қоғам мен мәдениеттің даму тенденцияларын көрсететін қызықты тізім ұсынылған. Ол тізімнің негізі адамдармен қарым-қатынас жасау, келісу, басқару қабілеті және ақыл-ой, критикалық ойлау, эмоционалды интеллект, креативтілік, жаңа жобалар мен идеялар ойлау, кез келген мәселені шешу қабілеттеріне байланысты. Шамамен 5 жылдан соң осы дағдылар кез келген мамандық иелерінің бойынан табылуы тиіс. Ендігі кезекте, адамдар мен олардың қажеттіліктерін үйрену керек және қиын танымдық тапсырмаларды орындау үшін миды жаттықтыру қажет.

Назерке Сүлен