Jas.kz

Құжатты талқылау барысында сенатор Мұрат Бақтиярұлы дамыған мемлекеттердің көпшілігіндегі ерекшеліктерге назар аударды. «Олардың тамақтану орындарында, мейрамханалар мен кафелерде тамақтың ас мәзірі тұсында әр тағамның қанша калориядан тұратыны жазылады: қанша ақуыз, қанша крахмал бар екені, тіпті қанша тұз қосылғаны да жазылады. 2016 жылдан бастап Еуропалық Одақ мемлекеттерінің бәрі осы стандарттарға көшіп жатыр. Шындығында бұл біздің азаматтарымыздың дұрыс тамақтануына жағдай туғызатын фактілердің бірі. Қазақстанда тамақтандыру орындары да көп. Ендеше, тұтынушылардың тамақтану саласындағы таңдау құқығы қалай қамтылады?» — деді сенатор М. Бақтиярұлы.

Өз кезегінде Ұлттық экономика министрі Ерболат Досаев бұл норма Экономикалық ынтымақтастық және даму ұйымына мүше елдердің стандартына сай келетінін атап өтті. «Қазақстан ЭЫДҰ-ға енуді жоспарлайды. Бірақ, біз ондай норманы осы заңға енгізген жоқпыз. Дегенмен, бұл нормаларды қарастырып жатырмыз. Денсаулық сақтау министрлігімен бірлесіп, ас мәзірінде қандай ингредиенттер болуы керектігін талқылап жатырмыз. Биылғы жылдың соңына дейін осы бағыттағы өзгерістерді әзірлейміз. Сондықтан, ондай нормамен келесі жылы Парламентке келетін боламыз», — деді министр Е. Досаев.

Baq.kz

Базарбаева Раушан – сәндік-қолданбалы өнер суретшісі. Ол жеке өзі сегіз көрме өткізіп, көптеген халықаралық және аймақтық көрмелерге қатысты. Көрмеде суретшінің 60-тан астам жұмысы қойылды. Олардың арасында гобелен де, киіз паннолар да, жібекке түсірілген өрнек те, ши де, графикалық жұмыстар да бар. Раушан үшін шығармашылық – өз дүниетанымын көрсетіп, өз шығармалары арқылы маңызды әрі қадірлі бір нәрсе жайлы айтқысы келетін жерде өз ойын жеткізсем деген табиғи қажеттіліктен туған дүние.

Раушанның шығармашылығында туындыларын ерекше философиялық ойлар мен поэтикалық көңіл-күйге толтыратын лирикалық тақырып басым. Олар форманың, түстің, идеялық және композициялық мән-мағынаның жарасымдылығымен ерекше. Сұлулық – суретшінің шығармашылығындағы басты өлшем. Оның жұмыстарының желісі бейнелі әрі ауыспалы. Олар көрерменнің бойында ойлануға және өзінің ішкі жан дүниесіне үңілуге итермелеп, түрлі ұқсатулар мен естеліктерді оятатын сұхбат құрғандай.
Базарбаева Раушан діни символдарға, тарих пе мифологияға мойын бұрады. Суретшінің көрсетуі бойынша уақыт та еріп бара жатқандай, біз де күнделікті тұрмыстан өтіп кетіп, аңыздар мен мифтердің ерекше әлемінде жүргендейміз. Көптеген сюжеттердің басты кейіпкерлері – маңғаз да сымбатты, әсем де алып, бірақ әрдайым жоғарыға ұмтылған ағаштар болып келеді.

«Уақыт өзені» гобеленін (2003) суретшінің белгі туындысы деуге болады. Философиялық ой тастайтын жұмыс. Суретші уақытша және мәңгілік, өтпелілік және тұрақтылық категорияларын нақты көрсеткен. «Әрбір адамның өмірдің ағыны мен қарбаласында жасырын жатқан мәңгілік әрі қадірлі нәрсесін сақтап өтуге тиіс өз уақыт өзені болады» дейді Раушан.

Раушан Еркінқызы Т. Жүргенов атындағы Қазақ Ұлттық өнер академиясында 25 жылдан астам уақыт бойы сабақ беріп келеді. Қазір профессор, кескіндеме, мүсін және дизайн факультеті «Сәндік-қолданбалы өнер» кафедрасының меңгерушісі. Еңбегі еленіп, «Мәдениет қайраткері», «Қазақстан Республикасының білім беру ісінің құрметті қызметкері», «2013 жылдың үздік оқытушысы» атақтары берілді.

Р.Е. Базарбаева республикамыздың қазіргі өнерінің дамуына зор үлес қосып, мағыналы маңыз берген суретші. Оның шығармалары Ә. Қастеев атындағы ҚР Мемлекеттік өнер мұражайының, ҚР Орталық Мемлекуеттік мұражайының қорында, Қазақстан, АҚШ, Англия, Германия, Франция, Ресей, Мысыр, Жапон елдерінің жеке коллекцияларында сақтаулы. Қазақстан Республикасы Президенті Резиденциясы – «Ақ Орда» көркем фотоальбомына кірді.

Көрме 24 наурыздан 11 сәуірге дейін жалғасады.

Baq.kz