Jas.kz

Тәжірибеге 13 әйел мен 17 ер адам қатысқан. Бір ай бойы бақылауға алынған олар осы уақыт аралығында түрлі жаттығуларға барып, көп қимылдап, барынша белсенділік танытқан. Жаттығудан кейін ғалымдар оларға арнайы сусын беріп отырған. Оның біреуін калория атымен жоқ бірінші топқа берген, ал көміртегі молын екінші топқа ішкізген.

Жаттығудың алдында және соңында тәжірибеге қатысқандардың май деңгейін, салмағын, дене бітімін, қан құрамындағы қант деңгейін өлшеген.

Бір қызығы, ерлерге қарағанда әйелдер денесіндегі майдан тез арылған. Ал ерлер көміртегі мол сусынды қолданғанда тез арықтаған. Осы факторларды ескерген ғалымдар әйелдерге жаттығудың алдында, ал ерлерге жаттығудан кейін тамақтануға кеңес беріп отыр.

islam.kz

1. Бетіңізге әжім түссе, бал жағыңыз.

2. Ұйықтар алдында көзіңіздің айналасына майсана майын жағып жатыңыз.

3. Кірпік пен қасқа майсана майын жағуды да ұмытпаңыз.

4. Бетті тазарту үшін жұмыртқаның сарысы мен лимон шырынын пайдаланыңыз. Екеуін араластырып, бетке жағыңыз.

5. Бетті жуу кезінде ұнтақталған сұлы қауызын пайдаланыңыз.

6. Бетіңізді безеу басып кетсе, үгітілген алма мен бал маскасын жасаңыз.

7. Бетіңіз тым құрғақ болса, майонезден маска жасаңыз.

8. Бетіңізге дақтар шығып, ісініп кетсе, қиярды үккіш арқылы үгіп, бетке жағып, 15 минуттан кейін тазартыңыз.

9. Шашты жылтырату үшін сірке суымен шайыңыз.

10. Таңертеңгі жуыну барысында контрастты душ қабылдаңыз: алдымен салқын су, сосын бірдең жылы су. Бұл денеңізді сергітіп, қан айналымын қалыпқа келтіреді.

Ешқандай бала жаман әдетті іштен үйреніп тумайды, ол оның зиянды екендігін өз уақытында білмегендіктен соған әуес болады. Егер соны асқындырып алмай тұрғанда алдын алсаңыз, көп келеңсіздіктен өзіңізді де, балаңызды да құтқарғаныңыз деп есептеңіз.

Жас бала көп зиянды әдетті әуестіктің кесірінен жұқтырады екен. Мысалы, шаңқай түсте күннің көзіне шаншылып қарай беретін бала болған. Әке-шешесі оның бұл әдетін: “осы ұлдың көзі өткір-ау шамасы” деп, елең қылмай жүреді. Нәтижесінде әлгі баланы кейін дәрігерлерге апарғанда көзінің қитарлана бастағаны анықталған. Көрдіңіз бе, елеусіз әдеттің өзі бала денсаулығына осындай зардап келтіреді екен.

Ал, енді мұның жолы қандай? Мамандардың кеңесі өте қарапайым. Ең алдымен баланың қандай жағымсыз әрекетті әдет қылғанын анықтап алу қажет. Оны білген сәтте бас салып ұрсып, зекіп қойдырмаққа ұмтылу қате шешім. Оныңыз керісінше баланың іштей ерегісін тудыруы мүмкін. Мәселен, бала өз тырнағын тістелеуді әдет қылды дейік. Сіз “әй, тырнағыңды тістеме, қой оныңды” деп зірк ете қалдыңыз. Екінші байқағаныңызда одан қатты дауыс көтердіңіз. Иә, сөйте берсе де бала әлгі әдетін қояды. Бірақ, сіз жоқ жерде ғана. Ал, оңаша қалған сәтте өз әдетімен алдана беру оның бойына өмір бойы сіңіп кетуі мүмкін. Сондықтан, балаңызға ол әдеттің жаман қылық екенін, тырнақ арқылы ішке зиянды микроптардың түсіп, ауру тудыратынын түсіндіруден бастау керек. Тіпті, кейбір әдеттер оның еркінен тыс болуы мүмкін, яғни, өзі байқамай қайталай беретін әдеттер. Мұндайда баланы өз-өзін қадағалауға дағдыландырған жөн. Бала өзінің іс-әрекеттеріне баға беруге үйренсін. Ата-ананың оны ылғи жайлап түсіндіріп, жиі есіне салып отыруы бала өсе келе өте жақсы нәтиже береді екен.

Мамандардың айтуынша, баланың зиянды әдеттерге үйір болуының басты себебі, көбінесе, ұзақ уақыт оңаша қалдыра беруден туындайды екен. Жалғыздықтан жалыққан бала түрлі әдеттерге бой алдыра бастайтын көрінеді. Ендеше, ең алдымен баланы қараусыз қалдырмасқа тырысыңыз. Сонда жоғарыдағыдай әурешілікке түсіп, жүйке жұқартудың да қажеті болмайды. Зиянды әдетті қойдыртқаннан гөрі, оны туындатпаған жөн ғой…

Дайындаған Төлеген Жәкітайұлы,

namys.kz

1. Орман жаңғағында теріңізді, шашыңыз бен тырнағыңызды сұлу қалпында сақтайтын А және Е дәрумендері бар. Және ол ми қызметін де жақсартады. Диетолог мамандар орман жаңғағын шикілей жеуге де кеңес береді.

2. Жер бетіндегі ең үлкен жаңғақ – кокос жаңғағы. Оның құрамында В тобындағы дәрумендер, макро және микроэлементтер көптеп кездеседі. Бұл жаңғақты тұтыну арқылы сіз иммунды жүйеңізді, көзіңізді, ас қорыту жолдарыңызды жақсартасыз. Ал оның сүтін ішсеңіз, кәрілікті жеңесіз.

3. Пісте (фисташка) – калориясы аз жаңғақ. Пістеде де дәрумендер мен минералдар өте көп. Бірақ күніне он бес түйірін жесеңіз жеткілікті. Оны тек сырамен ғана ішпейді. Тыныс жолдары мен ас қорыту жүйесін жақсарту үшін де тұтынады. Сонымен қатар жүктіліктің бастапқы кезеңінде де жейді.

4. «Ең тәтті жаңғақ» деп Бразилия жаңғағын айтады. Ол ағзаға өте пайдалы. Оны «өмірлік күш-қуат беретін жаңғақ» деп те жатады. Дәрігер мамандар бұл жаңғақ жүрек және онкологиялық аурулардың алдын алатынын жасырмайды.

5. Егер сіз жүрек-тамыр жүйесінің ауруларына шалдықсаңыз, онда күніне кем дегенде 50 грамм миндаль жаңғағын жеңіз. Себебі оның құрамында калий, темір, фосфор элементтері бар.

6. Самырсын жаңғақтарының пайдасы туралы әлемге Авиценна деген атпен белгілі әйгілі Ибн Сина да жазған. Ол өскелең ағзаға өте пайдалы. Сондықтан оны көбіне кішкентай балалар жейді. Артық салмақтан арылғысы келетін адамдарға бұл жаңғақты жемеген жөн.

7. Грек жаңғағы Кавказда «қасиетті ағаш» деп саналады. Оның тұқымдары илік заттарға, аминқышқылы мен минералдарға бай. Оны көбіне жүйке жүйесі мен жүрегі, асқазаны ауыратын адамдардың тұтынғаны абзал.

Мәтін әлеуметтік желіден алынды