Jas.kz

Олимпиада қорытындысы бойынша ең жоғары нәтиже берген оқушылар І, ІІ, ІІІ дәрежелі дипломдармен марапатталды және Қ. И. Сәтбаев атындағы Халықаралық олимпиадаға жолдама алды.

І орынды «Жас дарын» мамандандырылған мектебінің 8 сынып оқушысы Авид Арайлым және дарынды балаларға арналған  № 8 мектеп-лицейінің 7 сынып оқушысы Горбатюк Святогор мен 8 сынып оқушысы Черданцев Владислав иеленді.

ІІ орын иегерлері – «Жас дарын» мамандандырылған мектебінің 8 сынып оқушысы Абдыгалиев Жандос, дарынды балаларға арналған  № 8 мектеп-лицейінің 7 сынып оқушылары Горьков  Анатолий,  Лаптева Анна, 8 сынып оқушысы Зелева Кристина және дарынды ер балаларға арналған қазақ-түрік лицей-интернатының 8 сынып оқушысы Әубакір Бекзат.

ІІІ орынға дарынды балаларға арналған  № 8 мектеп-лицейінің 7 сынып оқушылары Искакова Аружан, Науменко Юрий, Тимошенко Данил, «Жас дарын» мамандандырылған мектебінің 8 сынып оқушысы Садыкова Назерке, Екібастұз қаласы дарынды балаларға арналған № 1 лицей-мектебінің 6 сынып оқушысы Крючков Владислав, дарынды ер балаларға арналған қазақ-түрік лицей-интернатының 8 сынып оқушысы Маулетханов Ерасыл ие болды.

Құрмет грамотасымен  №3 гимназияның 7 сынып оқушысы Аубакиров Руслан, Екібастұз қаласы «Зерде» мектебінің 7 сынып оқушысы Биксултанов Диаз,  дарынды балаларға арналған  № 8 мектеп-лицейінің 7 сынып оқушысы Есенко Яков, дарынды балаларға арналған Абай атындағы № 10 лицей-мектебінің 6 сынып оқушысы  Кенжебаева Айжан және 8 сынып оқушысы Кайдар Бексултан, дарынды балаларға арналған  № 8 мектеп-лицейінің 7 сынып оқушысыы Токкожин Санжар,  8 сынып оқушысы Щегляев Андрей, Павлодар қаласы  № 39 ЖОББМ 8 сынып оқушысы Дударь Кирилл марапатталды.

Олимпиада қатысушылары облыстық «Жас ғалым» қосымша білім беру мектебінің тізіміне енеді және жыл бойы өткізілетін сабақтарға кесте бойынша шақырылады.

edu.gov.kz

Павлодар облысының 84 білім беру мекемесінде автоматтандырылған «Күнделік» жүйесі енгізілуде, деп хабарлайды pavlodarnews.kz.

Облыстық білім беру басқармасы басшысының орынбасары Ернұр Дәуеновтың айтуынша, аталмыш жоба аясында бірінші кезекте Павлодар қаласында — 9, Екібастұз қаласында — 33, Ақсуда — 17, Ақтоғай ауданында – 5, Баянауыл ауданында – 3, Железин ауданында – 3, Ертіс ауданында – 3, Качир ауданында – 2, Лебяжі ауданында – 1, Павлодар ауданында – 3, Успен ауданында – 1, Шарбақты ауданында – 2 мектеп және облыстық мамандандырылған екі білім ордасы қамтылады.

— 20-21 қыркүйек аралығында Павлодар көлік және коммуникациялар колледжінде  ҚР Білім және ғылым министрлігінің мектепалды және орта білім беру департаменті, сондай-ақ «Күнделік» жобасын  жасаушылардың қолдауымен Павлодар облысының ақпараттық технологиялар орталығы жаңашылдықты енгізу бойынша оқыту өткізді. Екі күн бойы 168 ұстазбен «Күнделік» ЖШС-нің бас директоры Александр Григорян және жобаның басшысы Александр Деев жұмыс істеді. Бұл әдіс оқушылар үлгерімі жөнінде статистикалық-сараптамалық мәліметтерді өңдеп, білім алу процесіне қатысушылардың арасындағы коммуникацияны жаңа сапалық деңгейде қамтамасыз етеді. Сондай-ақ, қала мен ауыл мектептерінің арасындағы «сандық тепе-теңсіздікті» жоюға мүмкіндік береді, — дейді Ернұр Дәуенов.

Айта кетерлігі, ақпараттық жүйенің көмегімен ата-аналар еліміздің қай түкпірінде болса да өз балаларының мектептегі үлгерімі мен сабаққа қатысуын қадағалай алады. Бұған қоса, сабақ кестесі мен берілген тапсырмалардан хабардар болып, электрондық білім беру ресурстарына тегін қол жеткізеді.

Елбасы  «Қазақстан Республикасы Тұңғыш Президентінің «Өркен» білім беру грантын тағайындау туралы» Жарлыққа өзгерістер енгізді, деп хабарлайды Ақорданың баспасөз қызметі.

***

«Қазақстан Республикасы Тұңғыш Президентінің «Өркен» білім беру грантын тағайындау туралы» Қазақстан Республикасы Президентінің 2009 жылғы 13 қаңтардағы № 724 Жарлығына өзгерістер енгізу туралы

ҚАУЛЫ ЕТЕМІН:

1. «Қазақстан Республикасы Тұңғыш Президентінің «Өркен» білім беру грантын тағайындау туралы» Қазақстан Республикасы Президентінің 2009 жылғы 13 қаңтардағы №724 Жарлығына мынадай өзгерістер енгізілсін:

тақырып мынадай редакцияда жазылсын:

«Қазақстан Республикасының Тұңғыш Президенті — Елбасының «Өркен» білім беру грантын тағайындау туралы»;

1-тармақ мынадай редакцияда жазылсын:

«1. «Назарбаев Зияткерлік мектептері» дербес білім беру ұйымдарында дарынды балалардың оқуын төлеу үшін Қазақстан Республикасының Тұңғыш Президенті — Елбасының «Өркен» білім беру гранты тағайындалсын.»

2-тармақтың 1) тармақшасы мынадай редакцияда жазылсын:

«1) «Назарбаев Зияткерлік мектептері» дербес білім беру ұйымдарында дарынды балалардың оқуын төлеу үшін Қазақстан Республикасының Тұңғыш Президенті — Елбасының «Өркен» білім беру грантын тағайындау қағидалары мен мөлшерлерін бекітсін.»

2. Осы Жарлық алғаш ресми жарияланған күнінен бастап қолданысқа енгізіледі.

Қазақстан Республикасының Президенті                                                                                Н.Назарбаев

Астана, Ақорда, 2016 жылғы  21 қыркүйек  № 340