Jas.kz

Қазан айында еліміздегі көшбастар телеарналардың бірі — «Хабар» агенттігінің құрылғанына -20 жыл толды.

«1995- жылы Қазақстанның ақпарат кеңістігінде алғаш ашылған телеарнаны көрермен қауым  тәуелсіздіктің алғашқы қарлығашы сынды қабылдады.  «Хабар» агенттігі — қашан да салмақты тақырыптарда салиқалы ой айтатын айтулы арна». Бүгін аталған мерейтойға орай, телеарнаның Алматы облысындағы тілшілер қосыны шығармашылық ұжымымен кездескен өңір әкімі Амандық Баталов осылай деді. Мерейтоймен құттықтап,  құрмет-қошемет көрсетті. Тәуелсіз еліміздің, оның ішінде Жетісу өңірінің әлеуметтік-экономикалық тұрғыда тұрақты дамуына ақпараттық тұрғыда үлкен үлес қосып жатқандықтарына алғыс айтты.

Агенттіктің Алматы облысы бойынша меншікті тілшілері Тілеуқабыл Мыңжасар мен Әділхан Сахариевтерге көп алдында «Алғыс хат» табыс етті. Тілеуқабыл Мыңжасар қазақ телевизиясында 40 жыл еңбек еткен азамат. Соңғы 17 -жылда тұрақты түрде «Хабар» агенттігінің Алматы облысындағы меншікті тілшісі қызметін атқарып келеді. Амандық Ғаббасұлы әйгілі тілшіге ел атынан алғыс айтып, шапан жапты.

Айта кетелік,  «Хабар» агенттігі бүгінде еліміздегі ең үздік телеарна. Елдегі » Хабар»,»24 кз», «Қазақ ТВ», Білім және мәдениет» арналарын тоғыстырған үлкен ұжым. 20 дан аса алыс-жақын шет елде және республиканың 14 облысында тілшілер қосыны, Астана мен Алматы қалаларында бюросы бар.

zhetysutv.kz

Қазанның соңғы жексенбісі әлеуметтік қорғау саласы қызметкерлерінің күні.

Бұл күн 2011-ші жылдан бастап тойланады. Әлеуметтік саланың әлеуетін арттыруға үлес қосып келе жатқан жетісулықтар да кәсіби мерекесін салтанатты жағдайда атап өтті. Мәдениет сарайында өткен жиында сала үздіктеріне сый-сияпат жасалып,  қошамет көрсетілді.

Қай елде, қай қоғамда болмасын қамқорлыққа мұқтаж жандар болады. Олар жалғызілікті қарттар, мүгедектер, әлеуметтік жағынан аз қамтылған отбасылары. Осы әлжуаз топқа ең бірінші болып қолұшын беретін, мұң-мұқтажын бөлісетін-әлеуметтік сала қызметкерлері. Сала мамандарының айтуынша, тағдыр тауқыметін тартқан жандар бірінші кезекте өздерінен жан жылуы мен мейірімділікті күтеді. Сондықтан, әрбір қызметкер үлкен жүректі, мейірбан болғаны жөн.

Асыл Бүркітбаева, Алматы облыстық оңалту орталығының кадр жөніндегі инспекторы:

— Біздің атқарып отырған жұмысымыз оңай деп айта алмаймын. 1 жастан 18 жасқа дейінгі балаларға арнаулы әлеуметтік қызмет көрсетеміз.Жалпы әлеуметтік саланың жұмысы оңай жұмыс емес. Біздің жұмыс көзге көрінбейті  шығар. Бірақ, атқарып отырған жұмысымыз өте ауқымды.

Осы жылдың өзінде Алматы облысында 100 мыңға жуық адамға 1 млрд 200 млн теңгенің әлеуметтік көмегі көрсетілген. Жәрдемақы төлеуден бастап, тұрмыстық коммуналдық жеңілдіктер, мүгедектерді оңалту шаралары, оларға қажеттті құралдармен қаматамасыз ету, санаторлық емдеу жұмыстары бір сәтке де тоқтап көрген емес. Әлеуметтік салаға бөлінетін қаржы көлемі жылдан-жылға ұлғайып келеді. Биыл бұл көрсеткіш 8 млрд 600 млнға жеткен.

Бақытжан Жексенбаева, «Қамқор» балалар үйінің тәрбиешісі:

— «Қамқор» балалар үйінде 20 жылдан бері тәрбиеші болып жұмыс істеймін. Бізге ата-аналар балаларын әкелгенде олар өздігінен ештеңе істей алмайтын жағдайда келеді. Себебі, ол балалардың ақыл есінің дамуында ауытқу бар. Шыдамдылық, мейірімділік керек олармен жұмыс істеу үшін. сонда жұмыстың нәтижесі де болады.

Мүмкіндігі шектеулі жандарман тікелей байланыста болатын мамандардың жұмысы қандай құрметке болсын лайық. Бірқатарына әлеуметтік еңбек саласының үздігі төсбелгісі және құрмет граммоталары мен алғыс хаттар, бағалы сыйлықтар табысталды. Жиын соңы мерекелік концерттік бағдарламаға ұласты.

http://zhetysutv.kz/

Бүгін Алматы облысының әкімдігі мен «Global Generation» ЖШС инвестициялық жобаларға қатысты ынтымақтастық туралы меморандумға қол қойды.

Меморандум аясында Талдықорған қаласында қуаттылығы 440ГКал/сағ. болатын жылу-электр орталығын салу бойынша атқарылатын шаралар қамтылған.

Бұл бастама Мемлекет басшысының «100 нақты қадам» тапсырмасында электрмен қамту мәселесіне қатысты айтқан міндеттерімен үйлесіп жатыр. ЖЭО салу туралы бұдан біршама бұрын айтылғанымен, тіпті салынатын орны да белгіленіп қойылғанымен, бастаусыз тұрған еді. Амандық Баталовтың Алматы қаласында ірі бизнесмендермен өткізген кездесуінен кейін осы жылу-электр орталығының құрылысына инвестиция құйып, орталық жұмысын жүргізуге құлшыныс білдірген кәсіпкерлер де табылды. Бүгінгі меморандум – соның нәтижесі.

Талдықорғанның өзінің жеке электр энергия көзі жоқ болғандықтан, электр энергиясы өңірден тыс жерлерден сатып алынып отыр. Бұл орайда жаңа ЖЭО құрылысы талдықорғандықтар үшін аса тиімді болмақ.

Бұл құрылысқа 360 млн. доллар қаржы жұмсалады, соның ішінде 97 млрд. теңге инвестиция тартылады деп жоспарланған.

Өз сөзінде облыс әкімі Амандық Баталов ЖЭО құрылысының облыс үшін берер мүмкіншіліктері өте зор екенін атап өтіп:

— Біз өз тарапымыздан жобаның теника-экономикалық негіздемесін жасауға қаржы бөлу, жер учаскесін қарастыру мәселелерін, техникалық жағдайларды шешеміз. Жобаның тиімділі сол, біріншіден облысқа инвестиция тартылады, екіншіден ЖЭО кәсіпорын ретінде жұмыс істейді, электрмен қамтуда сыртқа тәуелділікті азайтады және электр энергиясы тарифінің төмендеуіне де ықпал ете алады. Сондықтан бұл бастаманы ризашылықпен қолдаймыз, — деді.

Акцинерлер өкілі Рустам Баялиевтің айтуынша, ЖЭО-ның құрылысы төрт жыл жүргізіледі деп жоспарланған. Жоба шығынын 12 жылда ақтап шығады. Жылу-электр орталығында технологияның әлемдегі ең озық үлгілері қолданылады. Бұл экологиялық және тиімділігі жағынан қолайлы болуына мүмкіндік береді.

Атап өтсек, осы «Global Generation» ЖШС компаниясы аталған ірі жобамен қатар, облыстағы бірқатар өзендерде шағын СЭС-тар салу ісін қолға алуда.

Кеше ҚР Президенті жанындағы Орталық коммуникациялар қызметінің Алматы облысындағы бөлімшесі Талдықорғандағы Журналистер үйінде «Тұрғын үй құрылыс жинақ жүйесі және мемлекеттік бағдарлама аясында Тұрғын үй құрылыс жинақ банкінің жергілікті атқарушы органдармен қарым-қатынастары» тақырыбында брифинг өткізді.

Брифинг барысында «Қазақстанның Тұрғын үй құрылыс жинақ банкі» АҚ Алматы облыстық филиалының директоры Ғалымжан Шалғымбаев, директордың орынбасары Райхан Байбөринова, облыстық құрылыс басқармасы басшысының орынбасары  Марат Нүсіпбаев және Талдықорған қаласы әкімінің орынбасары Әділ Алмас қатысты.

Олар журналистердің салымшылардың салымдарын компенсациялау, Өңірлерді дамытудың 2020 жылға дейінгі мемлекеттік бағдарламасының шеңберіндегі шаралар, «Қолжетімді баспана» бағдарламасының мүмкіндіктері  және т.б. өзекті сауалдарына жауап берді.

Құрылыс нысандары Алматы облысының әкімі Амандық Баталовьтың бақылауында.

Алматы облысының әкімі Амандық Баталов Талдықорған қаласында салынып жатқан бірнеше құрылыс нысандарының жұмыс барысымен танысып қайтты, — деп хабарлайды Алматы облысы әкімінің баспасөз қызметі.
Атап айтқанда, Талдықорған қаласының Алматы-Өскемен айналма жолы аралығын абаттандыру, Қаратал өзені жағалауының құрылысы, «Қаратал» ықшам ауданы мен Тәуелсіздік көшесінің аралығындағы скверді абаттандыру және жаңа «Жастар» саябағының құрылыс жұмыстары, Оқушылар сарайының құрылысы мен Талдықорған — Алматы тас жолының күрделі жөндеу жұмыстарын көрді.
Облыс әкімі А. Баталов өз сөзінде:

— Талдықорған қаласы өзінің тазалығымен және жасыл желегімен ерекшеленеді. Сол себепті барлық құрылыс жұмыстары жүргізіліп жатқан нысандардың айналасы абаттандырылып, көгалдандырылуы тиіс. Жаңадан отырғызылған жас көшеттерді күтіп-баптауды осы істің мамандары жүргізуі керек. Барлық нысандарда сапалы құрылыс материалдары пайдаланылып, онда барлық құрылыс ережелері мен нормаларының сақталуы назарда болуы қажет. Қалаға деген көзқарас оның кіре берісінен қалыптасады. Сол себепті қалаға кіреберіс тұстарда салынып жатқан нысандар өзінің қайталанбас сұлулығымен және бірегейлігімен көздің жауын алып тұруы шарт, — деді.
Бүгінгі күні облыс орталығы Талдықорған шаһарында құрылыс жұмыстары қарқынды жүруде. Дегенмен жүргізіліп жатқан жұмыстардың барысында әртүрлі кемшіліктердің де орын алып жатқаны байқалды. Облыс әкімі Амандық Баталов анықталған кемшіліктерге қатысты құзырлы мекеме басшылары мен құрылыс жұмыстарын жүргізіп жатқан мердігер мекеме басшылыларына сын-ескертпелерін білдіріп, жақын уақытта аталған кемшіліктерді түзету және құрылыс нысандарын белгіленген мерзімде аяқтау туралы нақты тапсырмалар берді.