Jas.kz

Алматы облысында қант қызылшасын өсіруші шаруалардың еңбегі өз жемісін беріп жатыр. Қант қызылшасын өндіруді қайта жандандыру туралы Елбасының тапсырмасын толықтай орындауға бел буған жергілікті шаруалардың еңбегіне олардың Же­ті­су­дың жау­һа­ры­на баланған өнімі айқын дәлел бола алады, деп хабарлайды Алматы облысының баспасөз қызметі.
Бүгінгі таңда КТ «Хильниченко и К» үш бригадасы өз жұмыстарының қорытындысын жасады. Тәтті өнім алу бойынша Көгенбаев Досмухан жетекшілігіндегі №2 бригада көш басында. Бұл бригада диқандары 42 гектар алқаптың әр гектарынан 770 центнерден өнім алды.
«Жалпы қожалық бойынша әр гектардан орта есеппен 739 центнерден астық жиналып отыр. Дей тұра, бұл көрсеткіш әлі де өсетініне мен сенімдімін», — дейді В. П. Хильниченко.
Айта кетейік, барлығы 4 020 гектар егіс алқабының бүгінгі таңда 1 160 гектары, яғни 29% игерілді. Орташа есеппен алғанда әр гектардан 300 центнер өнім ала отырып, барлығы 34 600 тонна қант қызылшасы алынды.

Бүгін Алматы облысының әкімі Амандық Баталов қаланың «Солтүстік-Батыс» тұрғын ауданына орналасқан «Айгөлек» балабақшасы мен «Шығыс» шағын ауданында салынып, пайдаланылуға берілген «Айбөбек» балабақшасын ресми түрде ашты.

Балабақша ұрпақ үшін білімнің бастауы, ұлттық тәрбиенің қайнар бұлағы болуы тиіс екендігін айтқан өңір басшысы:

—        Дана халқымыз «Тәрбие – тал бесіктен» деп бекер айтпаған. Бұл тұрғыда мемлекетіміз байыпты бағдар, берік саясатты ұстануда. Елбасы Нұрсұлтан Әбішұлы Жолдауында «Бүлдіршіндер 2020 жылға қарай мектепке дейін білім берумен толық қамтылуы тиіс» деп нақты міндеттер жүктеді. Қабылданған шаралардың нәтижесінде бүгінгі күні облыста барлығы 769 мектепке дейінгі мекеме жұмыс жасайды. «Балапан» бағдарламасы бойынша мектепке дейінгі тәрбиемен және біліммен 53 982 бала қамтылып отыр, — деп, заман талабына сай жабдықталған жаңа балабақшаларда әр бала тәлімді тәрбие алып, саналы азамат болып өсетіндігіне сенімін білдірді.

Айта кетейік, облыс орталығындағы 320 орынға арналған «Айбөбек» балабақшасының құрылысы 2014 жылдың маусым айында басталған. Құрылыс жұмыстарына бюджеттен 695,6 млн теңге бөлінген. Жалпы ауданы 3984,4 шаршы метр болатын осы балабақша ғимараты 2 қабаттан және жер асты қабаты мен 5 арнайы блоктан тұрады. Ғимаратта бүлдіршіндердің ойнап-тынығатын бөлмелерінен бөлек, асхана, киім  ауыстыру, медициналық көмек көрсету, киім жуу, гимнастика және ән-күймен шұғылдану бөлмелері, балабақша меңгерушісі, әдіскерлер мен мұғалімдер кабинеттері және тәрбиеленушілерді тынықтыру мен сергіту мақсатында арнайы декоративті сәндендірілген субұрқақ орнатылған. Ал Солтүстік-Батыс тұрғын ауданындағы 280 орындық №15 «Айгөлек» балабақшасының құрылысы да өткен жылдың маусым айында басталған. Оның құрылысына бюджеттен 637,6 млн теңге бөлінген.

Жалпы Елбасы Нұрсұлтан Назарбаевтың мектепке дейінгі тәрбиемен қамту туралы тапсырмасын орындау мақсатында облыста биылғы жылдың соңына дейін 92 балабақша және 17 шағын орталық ашу жоспарланған.

 А.МАРАТ, Ж.МҰСАБЕКОВ (ФОТО)

Бүгін Талдықорған қаласында жетім балаларға арналып салынған 60 пәтерлі коммуналдық тұрғын үй кілттері салтанатты жағдайда тапсырылды, деп хабарлайды Алматы облысы әкімінің баспасөз қызметі.

Жаңа қоныс иелеріне кілт ұсынған облыс әкімі Амандық Баталов:

— Бүгін ел болашағы жастарымыз үшін – қуанышты күн. Сіздердің жандарыңызды ата-аналарыңыз болмағанмен, тәуелсіз еліміз бар, әкелік қамқорлығын аямайтын Елбасымыз бар. Облысымызда «Нұрлы жол» бағдарламасының барлық бағыттары қамтылып, биыл да жалғасып келеді. Бүгінгі игілікті қуаныш соның бір жарқын көрінісі. Жаңа баспаналарыңыз құтты болып, шаңырақтарыңыз шаттыққа толсын. Өмір жолдарыңыз ашық болсын, — деп тілектестігін білдірді.

Қоныстанушылар атынан Денис Морозов сөз алып, «Мен өмірде екі байлық бар деп білемін, бірі – отбасы, екіншісі – баспана. Менің отбасым бар, ал екінші байлық — баспананы бүгін сіздер сыйладыңыз. Бұған дейін менде ешқандай қуаныш болмаған. Балалар үйінен басқа ештеңе көрмеген адамға үй алу деген үлкен бақыт. Осы толайым игілік үшін Президентімізге, облыс және қала басшыларына шын жүректен ризашылығымды білдіремін», — деді.

Бас мердігер «Шымыр» ЖШС бұл коммуналдық үйдің құрылысын өткен жылдың тамызында бастап, биылғы жылдың қазанында толығымен аяқтады. Бес қабатты нысанның жалпы сметалық құны 348,5 млн. теңге. Мұнда бір бөлмелі 28 пәтер, екі бөлмелі 32 пәтер бар және пәтерлердің жалпы алаңы 3170 м2 құрайды. Бұл коммуналдық үй жетім балаларды қолжетімді тұрғын үймен қамтамасыз ету мақсатында арнайы салынды.

Алматы облысы әкімінің баспасөз қызметі

 Осы күндері Алматыда «Алдыңғы қатарлы ғарыш зерттеулері мен технологиялары» тақырыбында өтіп жатқан ғылыми-тәжірибелік семинар барысында ғарыш саласын дамыту жоспары жарияланды. Ғарыш зерттеу орталығының қызметкерлері ХҒС-да жүргізілген сынақ жұмыстарын зерттеуге кірісті.

 Айдын Айымбетов ғарышта болған кезінде жүргізген зерттеу материалдары Жерге келіп жетті.

«Айдын Айымбетов жүргізген сынақтардың бәрі сәтті өтті. Осыдан бірнеше күн бұрын ХҒС бортынан мәліметтері бар қатты диск келіп жетті. Оның ішіндегі мәліметтерді мамандар арасында үлестіріп жатырмыз. Әзірге нәтиже зерттелу үстінде», — деп «Ғарыштық зерттеулер мен технологиялар ұлттық орталығы» АҚ президенті Жұмабек Жантаев мәлім етті.

Оның айтуынша, 2015-2017 жылдарға келесі әрекеттер жоспарланған:

2015 жыл – ХҒС бортында сынақтар жүргізу үшін техникалық тапсырмалар мен арнайы құжаттамалар әзірлеу.

2016 жыл – ХҒС бортынан келген сынақ нәтижелерін зерттеу, оларды жер бетінде сынап, тексеру.

Bnews.kz

Кеденнен өту уақыты 15 минутқа дейін қысқартылуы мүмкін.

Қытаймен шектесетін шекарадағы кедендік бақылау пункті жаңғыртылады. Ал Еуразиялық экономикалық одақ елдерімен Қазақстанның кедендік шекарасындағы 11 автокөлік бақылау-өткізу пунктін жаңарту және жабдықтау келесі жылы басталады.