Jas.kz

Баршамызға мәлім, 2014 жылдың желтоқсанында шетелдік жерсеріктерден ақпараттық сыйымдылықтарды жалға алудан бас тарту арқылы елден қаражаттың жылыстауының алдын алатын және елдің ақпараттық қауіпсіздігін қамтамасыз ететін қазақстандық «KazSat-3» жерсерігі іске қосылған болатын. «Қазтелерадио» АҚ телерадио хабарларды таратудың Ұлттық операторы ретінде, сондай-ақ, өзінің санды сигналының хабар таратуын отандық жерсерікке көшіруде. Бүгінгі таңда қандай нәтижелерге қол жеткізілді және оған көшудің маңыздылығы неде? Бұл туралы Алматы облыстық өңірлік коммуникациялар қызметінде өткен брифингте «Қазтелерадио» АҚ Алматы қаласы және Алматы облысы бойынша өңірлік филиалының басшысы Жанар Тұрысбекова айтып берді. Жалпы, қазақстандық «KazSat-3» жерсерігіне қосылып үлгеру қажеттілігінің 7 себебін тарқатты.

-2016 жылдың 15 наурызынан біз «OTAU TV» жерсеріктік телевизияның абоненттерін отандық «KazSat-3» жерсерігіне көшіруді бастадық. Бұл қадам арқылы отандық телерадио арналары өзіндік қаражаттарын айтарлықтай үнемдейді. Өйткені келісімшарттар теңгемен жасалады және шетелдік валютаның бағамына байланысты емес. Сондай-ақ, отандық жерсерікте сыйымдылықтарды жалға алу шетелдік жерсеріктерге қарағанда анағұрлым төмен. Осылайша, біз өз еліміздің экономикасының дамуына септігімізді тигіземіз.

Қазіргі таңда «OTAU TV» қызметтерін 1 млн.-нан астам абонент қолданады және 2016 жылдың қыркүйегіне дейін олардың әрқайсысы шетелдік жерсерікті өшіргеннен кейін телевизия арқылы ақпарат алудан айырылып қалмау үшін жерсерікті жабдықты қайта  күйге келтіруді міндетті түрде жүзеге асыруы тиіс, — дейді Ж. Тұрысбекова.

Ел Тәуелсіздігінің 25 жылдығы мен Елорданың туған күніне орай, бүгін Шымкенттегі «Көрме» орталығында «Ұлы дала кілемдері» атты кілемдер жәрмеңкесі бастауын алды. Осынау шараның басты ұйымдастырушысы еліміздегі ірі кілем шығару фабрикасы «Бал Текстиль» кәсіпорны болып табылады, деп хабарлайды ОҚО әкімінің баспасөз қызметі.

Шілде айының 9-на дейін, яғни 3 күн бойына жалғасатын жәрмеңкеде қонақтардың назарына 1 мыңнан астам кілемдер мен оның түрлері ұсынылуда. Шара аясында арзандатылған бағада кілем түрлерін сатып алуға болады.

Еске салайық, компания қазіргі заманғы бельгиялық жабдықта синтетикалық «БПК», «Жылу — Set», «Frize» полипропилен жіп брендтерінен жасалған кілемдер өндіреді. Компанияның өнімдері «Туран», «Хан-Тенгри», «Лидер», «Алатау», «Сарыарка», «Барыс», «ANTIQUE IMPERIAL», «ASTANA DELUXE», «VIZION», «FRIZE», «KASHAN», «SILK» сауда белгілерімен шығады.

Кілем фабрикасының жалпы ауданы 6 гектарды құрайды. Ал өндірістік қуаты жылына 5 млн. шаршы метр кілем тоқуға қауқарлы. Өндірісте 200-ден астам адам жұмыспен қамтылса, 500-ден астам адам дизайнерлік міндетін атқарады. Айта кету керек, «Бал текстиль» фабрикасының Қазақстан бойынша 400-ден астам дистрибьюторы бар.

Компания болашақта бүкіл әлемде кiлемдердiң және кiлем бұйымдарының көшбасшы өндiрушiсі болуды мақсат етуде.

Бұл туралы ОҚО Аймақтық коммуникациялар қызметінде өткен брифингте облыстық экономика және бюджеттік жоспарлау басқармасы басшысының міндетін атқарушы Жамболат Олжатай хабарлады.

Баспасөз мәслихатында «100 нақты» қадам Ұлт жоспарының орындалуын мәлімдеген баяндамашы Елбасының жыл сайынғы Жолдауында  еліміздің жас азаматтарына үлкен назар аударылып келетінін айтты.

«Елімізде іске асырылып келетін «Дипломмен ауылға» бағдарламасы аясында  яғни,  2009-2015 жылдар  ішінде 4 226 маман 496,2 млн. теңге сомасында көтерме жәрдемақымен қамтылған. Осы жылдар ішінде бағдарлама шеңберінде 3,2 млрд.теңге бюджеттік кредит бағытталып, нәтижесінде 1 338 маман баспаналы болды. Ал жыл басынан бері 445,4 млн.теңге сомасында бюджеттік несие  бағытталып, 140 маман тұрғын үймен қамтылды»,- деді Ж.Олжатай.

Брифингте мәлім болғандай 2016 жылы «Дипломмен ауылға» жобасы негізінде 699 маманға 103,8 млн.теңге көтерме жәрдемақы мен 954,5 млн.теңге бюджеттік кредит бөлу жоспарлануда. Нәтижесінде 300 маман баспаналы болады деп күтілуде.

Талдықорғанда облыстық кәсіпкерлер палатасының жиыны өтті.

Жиынның басты тақырыбы Өңірлік кәсіпкерлер палатасының жарты жылдық жұмыстарының нәтижесі мен қорытындысын байыптау. Аудандық филиал директорлары әр айдың соңында палатада кездесіп, ұйымның қызметіне қатысты мәселелерді шешу үшін жиналады. Оның үстіне бөлімше бастықтарына біліктілігін көтеретін білім беретін семинарлар, мастер-кластар мен тренингтер жүргізіледі.

Палата директоры Ләззат Шыңғысбаева жергілікті палата құрамында аудандық кеңестің қызмет етуі маңызды деп атап өтті. Өңірлік кәсіпкерлер палатасының бастамасымен аудандық кәсіпкерлер кеңесі құрылғанын айта кетелік.

«Қазіргі кезде «Аудандық кеңестер туралы» ресми құжат дайындалып жатыр. Бұл орган жаңа мәртебе мен өкілеттілікке ие болмақ. Кеңес мықты ұйымға айналау тиіс. Мәселен, Өңірлік кәсіпкерлер палатасы сынды. Ол филиалдардың жұмысына игі ықпалын тигізіп, кәсіпкерлер мен қоғамды өз ісіне тартып отыратын болады», — деп атап өтті ӨКП басшысы. Шілде айында аудандық кеңестер қызметінің жергілікті атқарушы және мемлекеттік органдары, бизнес қауымдастық алдындағы тұсаукесері өтпек.

Кәсіпкерлер палатасының өңірлік кеңесінің төрайымы Римма Салықова қызметті тиімді ұйымдастырудың бірнеше кеңесімен бөлісті. Оның айтуынша, жұмыстың ауқымын дұрыс бөле білу мен қызмет пен тапсырмаларды лайықты бөлу жұмыстың нәтижесін анағұрлым арттырады.

Кәсіпкерлердің құқығын қорғау кеңесінің төрағасы Баниямин Файзуллин кәсіпті қорғау бағыты бойынша жасалған жұмыстардың бүге-шігесін айтып берді.

Директордың құқықтық сауалдар бойынша орынбасары Қанат Қабдиев филиалдың ісін жүргізу мен ұйымдастыру бойынша мастер-класс өткізді.

Сонымен қатар жиналыста директорлардың үздіксіз біліктілігін көтеріп отыру бойынша мәселе көтерілді. Өйткені, олардың теориялық білімінің молдығынан, тәжірибеде ысылуынан филиалдың белсенділігі артып, бастамалары көбеймек.

ҚазАқпарат