Jas.kz

Жыл өткен сайын Алакөл аймағы­ның туристік әлеуеті артып, алыс-жақын шетелден қысқа, ұзақ мерзімге демалып қайтуға келетін қонақтардың қатары көбеюде. Өткен жылдың қорытындысы бойынша Алакөлде 150 мыңға жуық адам демалыпты. Биыл бұл сан өсіп, 160 мыңнан артық адам демалуға келеді деп күтілуде. Бұған көл бойындағы туристік қызмет көрсететін нысандардың мүмкіндігі кемел жетеді.

Аудандық кәсіпкерлік басұармасынан алынған ақпаратқа сүйен­сек, бүгінде Алакөл ауданы ау­ма­ғында 112 демалыс үйі, демалыс аймағы, пансионат, қонақүй және туристік кешен орналасқан. Атап айтқанда,  500 орынды СДО «Пе­ли­кан», 350 орынды  «Ала теңіз», «Аласу» және 200 орынды «Қара Тас», 150 орынды «Көктұма» пан­сио­наты,  тағы да басқа же­ке­мен­шік үйлердің жа­нынан ашылған қонақүйлері бір уақытта 4500 адам­ға қызмет көрсете алады. Бұлардың барлығы Алакөл көлінің жағасында орналасқан. Осы демалыс орын­дарының мүмкіндігін жақсарту үшін облыстық туризм басқармасы ҚР туризм саласын дамытудың 2020 жылға дейінгі тұжырым­дама­ла­рын бекіту туралы №508 қаулы­сы­на сәйкес,  көл жа­ғалауының инф­рақұрылымын да­мы­туға бағыт­тал­ған 17 іс-шара  қарас­тырыпты. Осы­ған орай 2015 – 2017 жылдар  ара­лығында  Ақши ауы­лының көл жа­ғалауында 3 ірі инвес­тициялық жо­баны іске асыру жос­парланып, «Falkon Petrolium» ЖШС-нің және «Ак­­вамарин  ре­сорт»  пен  жеке кәсіпкер Д. Каримовтың көп­са­лалы демалыс орындары бой кө­теруде. Алдағы уа­қыт­та «Аква­марин  ре­сорт»  де­ма­лыс аймағының ашылу салтанаты бол­мақ.

Халықтың әл-ауқатының артуы­на байланысты Алакөлге күре жол, те­міржол, әуежолымен де келе­тін­дер көбейе түсуде. Сондықтан Ала­көл ау­даны әкімдігінің 2015 жылғы 12 ма­мырдағы № 183 Қаулы­сы­мен «Авиа­ком­пания «Жетісу» АҚ-на Үшарал қа­ласының әуежайы құры­лысын жүр­гізу және қызмет көрсету үшін 49 жылға уақытша пайдалану құ­қы­ғы­мен 3 гектар жер телімі бө­лінді. Қазір облыстық жолау­шы­лар көлігі және автомобиль жолдары бас­­қар­ма­сы арқылы сағатына 50 адамға қыз­мет көрсететін әуежай бе­кетін салуға ЖСҚ даярлауға бө­лін­ген 21,0 млн. теңге қаражатқа «Каз­аэро­проект» АҚ-мен жоба дай­ын­далуда.

Көптен бері көл жағалауындағы заманауи байланыс жүйесін жетіл­діру жайының айтылып келе жат­қа­ны анық. Жұрт тілегін ескерген ала­көлдіктер туристерді сапалы ин­тер­нет жүйесімен қамтамасыз ету үшін Достық ауылынан 1 база­лық ин­тер­нет стансысын орнатып, желіде бай­ланысуды жеңілдете түскен. Ал­дағы уақытта Үшарал қа­ласы, Ақши және Көктұма ауы­лы­на базалық ин­тер­нет стансысын ор­нату жоспары қа­рас­ты­рылуда.

Қысқасы, Алакөлдің туристік әлеуеті артып келеді. Мұнда дема­лу­шыларға барлық жағдай жасал­ған. Көлдің шипалы суымен емде­ліп, жүйкеңізді тынықтырғыңыз кел­се, еш ойланбай Алакөлге тар­тып кеті­ңіз.

zhetysu-gazeti.kz

Ел Тәуелсіздігінің 25 жылдығы және 6 шілде — Астана күніне орай, бүгін Түлкібас ауданындағы үш елді мекенге көгілдір отын берілді. Осылайша, Түлкібас облыс бойынша 100 пайыз табиғи отынмен қамтамасыз етілген бірден-бір ауданға айналды, деп хабарлайды облыс әкімінің баспасөз қызметі.

Ауданның таулы аймағында орналасқан Келтемашат ауылдық округінің Дәубаба-1, Дәубаба-2 және Төрткүл ауылдарына жеткен табиғи газды беру салтанатына қатысқан өңір басшысы Б.Атамқұлов жергілікті халықтың қуанышымен бөлісті. Облыс әкімі ондағы 94 жастағы жергілікті ақсақал Сұлтан Кенжебековпен бірге көгілдір отын алауын жағып, қарияның шаңырағында болып, дастарханынан дәм татты.

Айта кеткен жөн, бүгінгі көгілдір отын жеткен үш елді мекенде 1,5 мыңға жуық халық тұрады.

Жалпы ұзындығы 34,27 шақырым болатын газ құбырының құрылыс жұмыстарын «Энергоресурс» ЖШС мекемесі жүргізген. Мердігердің айтуынша, газ өткізу жұмыстары 2015 жылы басталып, осы жылдың маусым айында аяқталыпты. Жалпы ауданда соңғы 5 жылда 37 елді мекенді газдандыру жұмыстары жүргізілген.

Шаш адамға көрік беріп, келбетін аша түседі. Дей тұра, шаш күтімі деген тек сусабынмен жууды  ғана білдірмейді.  Сондықтан біздің мына кеңестеріміз Сіздерге пайдалы болар деген үміттеміз.

1. Шаштың ұштарын үш ай сайын қиып отырыңыз.
2. Қолданатын тарағыңызды жиі ауыстырып тұрыңыз. Тарақ табиғи материалдан (ағаштан) жасалғаны дұрыс. Темір тісті тарақ шашқа зиян!
3. Басыңызды еңкейтіп тұрып, күніне екі рет шашыңызды тарап тұрыңыз. Бұл бас терісінің қан айналымын жақсартатын массаж ретінде денсаулыққа өте пайдалы.
4. Шашыңызды тарағанда, асықпаңыз. Шашты тарауды шаштың ұшынан бастаңыз. Шатасқан тұстарын тарақпен емес қолмен дұрыстаңыз.
5. Сусабынды (шампунды) шашыңыздың типіне қарай дұрыс таңдаңыз. Шашыңызға нәр беретін маскаларды жасап жүруге дағдыланыңыз.
6. Шашыңызды жұмсартып, қалыпқа келтіру үшін кәдімгі шикі жұмыртқаны қолданыңыз. Жұмыртқаның ақ уызы майлы шашқа, ал сары уызы құрғақ және көп түсетін шашқа пайдалы.
7. Шаш кептіру үшін фен қолданбауға тырысыңыз.
8. Дұрыс тамақтануды әдетке айналдырыңыз. Себебі шаштың тез өсіп, әдемі болуына ғана емес, жалпы өзіңізді сергек сезінуіңізге де күнделікті тағамыңыз көп әсер етеді. Мүмкіндігінше тәтті, ащы, ұннан жасалған және майлы тағамдардан бас тартыңыз. Күніне 2 литр таза су ішіп отырыңыз.

Бет терісін ағарту кез-келген қыздың басты мәселесі болатын шығар. Алайда, беттегі түрлі дақтар мен күн көзінің әсері сол мақсатқа жетер жолда тосқауыл болады да тұрады. Бет терісін ағартатын қымбат косметологиялық процедураларды әр әйелдің қалтасы көтере бермейді. Сондықтан біз бүгін олардың альтернативті жолдарын ұсынып отырмыз.

Бет терісін ағартуда ең жиі қолданылатын нәрселер: айран, сүт өнімдері және лимон. Олардан басқа түрлі көкөністер мен жемістер. Төменде келтірілген маскалардың құрамында олардың барлығы бар. Алайда теріні түрлі дақтардың пайда болуынан сақтайтын ең басты нәрсе — күн көзінен қорғану. Ол үшін нарықта толы кез-келген SFP факторы бар кремді қысы-жазы пайдалануды ұмытпаңыз.

Сүт пен банан қосылған маска

Бананды сүтке езіңіз. Нәтижесінде пайда болған ботқаны бетіңізге жағып, 20 минут ұстаңыз. Жылы сумен жуыңыз.

Балдан жасалған маска

Жылытылған бал да беттің ағаруына көмектесе алады. Ол үшін балды жылытып, бетіңізге тегістеп жағыңыз. Бал 20 минуттай әсер етсін. Одан кейін бетке арналған жұмсақ ысқыштың көмегімен бетіңізді ысқылап жуыңыз. Ең соңында бетіңізді суық сумен шайыңыз.

Бал мен жұмыртқадан жасалған маска

Бет терісі үшін бал қоспа ретінде де пайдалы. 1 ас қасық балды 1 тауық жұмыртқасымен араластырып, бетіңізге жағыңыз. 15-20 минуттан кейін сумен жуып тастаңыз.

Ас содасы мен лимоннан жасалған маска

Беттің қара дақтарын кетіруге ас содасы мен лимон шырыны да жақсы көмектеседі.  Ас содасы мен лимон шырынын араластырып, амброзивті паста жағдайына жеткенде бетіңізге жағып, скраб сияқты екі күнде бір рет тазалаңыз. Егер бет терісі құрғақ болса, одан да сирек қолданғаныңыз жөн. Сумен шайғанда мұқият болыңыз: сода ұнтақтары терідегі ұсақ тесіктеріне кіріп, май бездерін бітеп тастауы мүмкін.

comode.kz

Елорда күнін мерекелеу аясында қалалық алаңда «Тәуелсіздік жыры — Астана» фотокөрмесі өтті, деп хабарлайды қалалық әкімдіктің баспасөз қызметі.

Көрмеге белгілі фототілшілердің, Ресей Суретшілер одағы мүшелерінің және тағы басқа еңбектері қойылды. Ұйымдастырушылардың хабарлауынша, көпшілік назарына 300 жуық жұмыс ұсынылып отыр.

Шараға қатысушылар елордаға деген сүйіспеншіліктерін жасырмады.

Көрмеде ұсынылған фотосуреттерде қаланың тыныс-тіршілігіндегі ең маңызды оқиғалар бейнеленген, Астананың көрікті жерлері көрсетілген.