Jas.kz

Алматы облысы комиссияның отырысында жүлдеден үміткер 8 отбасы таңдалды. Бұдан басқа 30 отбасы облыс әкімінің алғыс хаттары және ақшалай сияпаттарымен марапатталады.

Комиссияның шешімі бойынша ІІІ орын Талдықорған қаласында тұратын Қожахметовтер, Ескелді ауданынан келген Мейірбековтер және Қарасай ауданының Мамедовтер отбасыларына берілді. ІІ орынды Ұйғыр ауданынан келген Бағбаевтар, Сарқанд ауданында тұратын Білескелдиновтер, Еңбекшіқазақ ауданының Шоқпаровтар отбасылары жеңіп алды. Ал І орын Қапшағай қаласының Угнечевтер және талғарлық Ақанаевтар отбасыларына тағайындалды.

Алматы облысы атынан кезеңнің жеңімпаздары — Ақанаевтар мен Угнечевтер отбасылары Ұлттық байқаудың республикалық кезеңіне қатысатын болады.

Жуырда Талдықорғандағы І. Жансүгіров атындағы Мәдениет сарайында облыс әкімінің орынбасары Бақтияр Өнербаевтың төрағалығымен Қазақстан Республикасы Тәуелсіздігінің 25 жылдығына арналған «Клиникалық медицинаның өзекті мәселелері» атты I Халықаралық ғылыми – тәжірибелік конференция болып өтті.

Оған ірі шетел және отандық бизнестің, экономиканың және мемлекеттік ұйымдардың әртүрлі салаларының өкілдері ашық диалог өткізу үшін жиналды.

Конференция қатысушылары ең алдымен Ақтөбеде болған лаңкестік әрекет құрбандарын бір минуттық үнсіздікпен еске алды. Осыдан кейін облыстың медицина саласында соңғы жылдары қол жеткізген жетістіктері жайында дайындалған бейнесюжет көрсетілді.

Конференцияда сөз алған өңір басшысының орынбасары Б. Өнербаев форумның аясында болатын кездесулер мен диалогтар болашақтағы өзара тиімді және жанжақты ынтымақтастықты дамытуға, облыс экономикасының барлық салаларында инвестициялық әлеуетті тиімді қолдануға мүмкіндік беретіндігін атап өтті.

Сондай-ақ өз сөзінде облыстың медицина саласында атқарған жұмыстары, жетістіктері мен жоспарларына да тоқталды.

Осыдан кейін РФ Халықтар достығының Ресей университеті (РУДН) және Алматы облысының денсаулық сақтау басқармасы арасында ынтымақтастық жөніңдегі меморандумға қол қойылды.

Жалпы конференция барысында «Денсаулықты сақтау технологиялары» мекемесінің бас директоры О. В. Симаков, медицина ғылымдарының докторы, профессор М. А. Газимиев, Тель-Авив медицина орталығының операциядан кейінгі бөлім меңгерушісі А. Зегерман, Ресей университеті Медициналық Институты госпитальды терапия кафедрасының меңгерушісі, медицина ғылымдарының докторы П. Огурцов, медицина ғылымдарының докторлары, кардиология және ішкі аурулар ҚазҒЗИ директорыының орынбасары Г.Жүнісбекова мен Асфендияров атындағы ҚазҰМУ ішкі аурулар кафедрасының меңгерушісі, профессор С. Қасенова баяндама жасады.

Конференцияда бүгінгі күннің проблемалы мәселелері талқыланып, оған қатысты түрлі пікірлер айтылды, емдеу жолдарының түрлі әдіс-тәсілдері түсіндірілді.

Жиын соңында медицина саласының дамуына сүбелі үлес қосып, азаматтардың дертіне шипа тауып жүрген азаматтар марапатталды.

Кәсіпкерлер палатасында микронесиелеудің жаңа бағдарламасына қатысуға өтінім берген кәсіпкерлердің жобалары қаралды. Олар Ақсу, Балқаш, Кербұлақ аудандарының кәсіпкерлерінен түскен 7 өтінімдер. Несие комитетінің шешімі бойынша барлық өтінімдер бірауыздан мақұлданды. Еске салалық, шағын бизнес субъектілері үшін 600 млн теңгені «Атамекен» ҰКП және Алматы облысы әкімдігі бөлді.

«Қант қызылшасын өсіру жайлы төрт жоба, мал шаруашылығы бойынша екі  және жалпы сомасы 34 млн 300 мың теңге арпа өсіру жөніндегі бір өтінім мақұлданды. Қарыз алушылар — шаруа қожалығы өкілдері және жеке кәсіпкерлер екендігін баса айту керек»,- дейді Алматы облысы Кәсіпкерлері палатасы директоры Ләззат Шыңғысбаева.

Қазіргі уақытта Ауыл шаруашылығын қаржылық қолдау қорына шешімдер хаттамалары берілді. Оларды қараған соң қаржы ұйымы қарыз алушылармен қарыз алу және ақша  құралдарын одан әрі аударуға арналған кепіл шартын жасайды. Сонымен қатар микронесиелеу бағдарламасы бойынша қор 62 өтінім жөнінде қаржы-экономикалық талдау, заңгерлік сараптама жүргізеді. Шыққан шешімді Несие комитетінің  мүшелері қарайды.

Атап өтелік, комитеттің алғашқы мәжілісінде жалпы сомасы 75 млн теңгеден астам 20 өтінім қаралды және мақұлданды. Бұл жобалардың барлығы өңірдің қызылша саласын дамытуға бағытталған. Микроиесиелеу бағдарламасының басты ерекшелігі — жер учаскелерін, тұрғын үй құрылыстарын және басқадай мүлікті кепіл ретінде қарау. Сондай-ақ сыйақы мөлшерлемесі жылдық  6%-ды  құрайды,  сыйақының жылдық тиімді мөлшерлемесі 6,7% аспайды.

ҚазАқпарат

Материалдық-техникалық базаны нығайту, соны үлгідегі технологияларды енгізу және медицина қызметкерлерінің кәсіби біліктілігін көтеру жұмыстары нәтижесінде соңғы бес жылда қол жеткізілген табыстар аз емес. Мысалы, облыстағы демографиялық ахуал жақсарды — бала туу саны 2011 жылғы 24,3-тен 2015 жылы 25,6-ға дейін өскен.

Адамның өмір сүру жасы да ұзарған (69,8-ден 71,8 жасқа дейін). Ана мен сәби өлімі де едәуір төмендеген. Мемлекеттік «Саламатты Казақстан» бағдарламасы шеңберінде медициналық мекемелердің материалдық-техникалық базасын күшейту үшін денсаулық сақтау мекемелеріне 2 420,4 млн. теңгеге құрал-жабдықтар сатып алынған.

«100 мектеп, 100 аурухана» бағдарламасы бойынша облыста 8 546,2 млн. теңге жұмсалған 8 нысан пайдалануға берілген. Ал, «350 дәрігерлік амбулатория, медициналық пункт және фельдшерлік-акушерлік пункт» бағдарламасы аясында 7 178,8 млн. теңгеге 38 нысан іске қосылған. Денсаулық сақтау саласы бойынша маңызды мәселелердің бірі – дәрігер- мамандарды, әсіресе жастарды көптеп тарту. Соңғы бес жыл ішінде облысқа 269 жас маман келген. Оларға көтерме жәрдемақы, баспана беріліп, жеңілдетілген несие және басқа да әлеуметтік жеңілдіктер ұсынылған. Шалғай ауылдардан түлеп ұшқан 82 студент облыс әкімінің гранты бойынша еліміздегі медициналық жоғары оқу орындарында білім алуда.

Дегенмен, бүгінгі таңда облыс бойынша невролог, эпидемиолог, аллерголог мамандар жетіспейді. Сондай-ақ, БАҚ өкілдерімен өткен брифингте облыстың бас дәрігері келесі жылдан бастап жүзеге асырыла бастайтын міндетті әлеуметтік медициналық сақтандыру туралы тарқатып айтып берді. Бүгінгі таңда бұл жүйе алдымен дәрігерлердің өз арасында егжей- тегжейлі түсіндірілуде.

baq.kz

Естеріңізге сала кетейік, бұған дейін комиссияның алғашқы көшпелі отырысы Ақмола облысының орталығы Көкшетау қаласында өтті. Отырыс 4 сағатқа созылды.

Онда өңір әкімі Сергей Кулагин өңірдегі 300 мың гектар жер қытайларға жалға беріледі деген ақпараттың жалған екенін айтты. Сондай-ақ жиын барысында әкім меншігінде қанша гектар жер бар екені де мәлім болды.

«Бұл туралы бұған дейiн бiрнеше мәрте айтылып, жазылды. Мен билiктен кетiп, бизнестi қолған алған адамдардың бiрiмiн. Бизнеспен 5 жыл айналыстым. Қазақстан азаматы ретiнде менiң жер алып, ауыл шаруашылығымен айналысуға құқығым болды ма? Болды! Әрине, менi билiкке қайта келгеннен кейін, жердi туысқандарыма жалға бердiм. Барлығы бүгiнде 80 мың гектар егiстiк жерім бар», — дейді Сергей Кулагин.

Астана қаласының Сарыарқа ауданы Ардагерлер кеңесінің өкілдері Ұлы Отан соғысы ардагерлерінің есімдері жазылған тақтайшаларды орната бастады. Ұлы Отан соғысындағы Жеңістің 71 жылдығын мерекелеу қарсаңында Астана қаласының мәслихаты мен қалалық ардагерлер кеңесі тиісті шешім қабылдаған болатын, деп хабарлайды қалалық әкімдіктің баспасөз қызметі.

Қазіргі кезде ауданда 67 соғыс ардагері тұрып жатыр. Олардың үйлерінің іргесіне тегі, аты және әкесiнiң аты жазылған тақтайша орнатылады.

— Өтіп бара жатқандардың барлығы мұнда кім тұратынын біліп жүрсін деген ниетпен тақтайшаларды қабырғаға ілеміз. Бұл ардагерлердің ерлігін ұмытпау үшін жасалады. Мұндай акциялар жастарды патриоттыққа тәрбиелеуге септігін тигізеді, — дейді Астана қаласының «Сарыарқа» ауданы Ардагерлер кеңесінің төрағасы Ебенғаппас Ахметов.

Ең бірінші атаулы тақтайша ардагер Фролов Алексей Федоровичтің тұрғын үйіне орнатылды. Қария өз үйінің ауласында қонақтарды қуана қарсы алды.

— Әуелі әкімдіктерге, мәслихат мүшелеріне және ардагерлер кеңесіне көрсеткен қамқорлықтары үшін алғысымды білдіремін. Елімізде «Ешкім де, ешнәрсе де ұмытылмайды» жобасы қолға алынған. Патриоттық тәрбие беруге баса көңіл бөлініп жатыр. Осы жағдайды пайдалана отырып, жастарға оқуға және жақсы әскери білім алуды тілеймін, ешқашан да сағымыз сынбасын, — деді ҰОС ардагері Алексей Фролов.

Қалалық және аудандық Ардагерлер кеңестері Ұлы Отан соғысы ардагерлеріне белсенді қолдау көрсетуде. Атаулы тақтайшалар ардагерлер тұрып жатқан барлық тұрғын үйлерде орнатылады.