Jas.kz

«Жастар» сарайында Астана қаласының әкімдігі Жұмыспен қамту орталығының ұйымдастыруымен бос орындар жәрмеңкесі өтіп жатыр. Оған жұмыс іздеген жүздеген елорда тұрғыны мен қонақтары келуде. Бұл биыл өткізіліп отырған бесінші жәрмеңке, және бұл жолы шара әйелдер мен жастарға арналған, себебі Жұмыспен қамту орталығына жүгінетіндердің 60% әйелдер.

Жалпы, осы жылы 12 бос орындар жәрмеңкесі өткізіледі. Қазіргі кезде төрт жәрмекенің қорытындысы бойынша 116 адам тұрақты жұмыспен қамтылды, деп хабарлайды қалалық әкімдіктің баспасөз қызметі.

Биыл Жұмыспен қамту орталығы арқылы жұмысқа орналасқандардың тең жартысы әйелдер. Жыл басынан бері 2246 адам жұмысқа орналасқан, олардың 1086 әйел.

919 адам қоғамдық жұмыстарға тартылды, оның ішінде 620 әйелдер. Кәсіби даярлау, қайта даярлау және біліктілігін арттыру курстарына 397 адам жіберілді, оның ішінде 235-і әйелдер. Жастар практикасына 145  адам кіріскен болса, соның 221-і қыздар құрайды.

Қазіргі кезде қалалық Жұмыспен қамту орталығы 661 мамандық бойынша курстар ұйымдастыруда. Бүгінде Жұмыспен қамту орталығының мәліметтер базасындағы жұмыс іздеуші әйелдерге арналған 1 322 бос орны бар.

Елордамыз Астанада Қазақстан Республикасының Парламент Мәжілісінің депутаты, «Қазақстан ардагерлері» Ауғанстандағы соғыс ардагерлерінің Ассоциациясының Төрағасы, қоғамдық қайраткер Бақытбек Смағұлдың жастармен кездесуі өтті. Шара «Ұрпақтар сабақтастығы» жобасы аясында Қазақстан Республикасы Тәуелсіздігінің 25 жылдығына орай ұйымдастырылды.

Шараның мақсаты – жастарды  рухани-адамгершілік, патриоттық тұрғыда тәрбиелеу, аға ұрпақтан жастарға мәдени-рухани құндылықтарды дәріптеу.

Ауған соғысындағы ерліктері үшін 2-ші дәрежелі «Айбын» Орденінің Кавалері, «Құрмет», «За заслуги», «Долг и честь» ордендерiмен, «Ауғанның от-жалыны”, «Мен көрген соғыс”, «Война, которую видел я”, «Қан кешкен күндер”, Халық Қаһарманы Бақытжан Ертаев туралы «Намыстың құлы – Алаштың ұлы”, «Қаһарман” атты жастарымызды отан сүйгiштiкке тәрбиелеп, ерлiкке баулитын патриоттық кiтаптарының авторы Бақытбек Смағұл жастарға өлеңдерін оқып, өміріндегі түрлі оқиғаларды баяндап берді.

Кездесу барысында депутат ең басты құндылықтарымыз —  еліміздің келісімі мен ауызбіршілігі деп, және де бұл асылдарымызды сақтауға баршамыз ат салысуға міндетті екенімізді ерекше атап өтті.

Астана қаласы жастар саясаты мәселелері басқармасының қолдауымен «Нұр Отан» партиясы  «Жас ұлан» жастар қанатымен  ұйымдастырылды.

zhastar.astana.kz

Елордада сәуір айының ортасында Astana Bike велопрокат маусымы басталды. Велосипедпен жол жүруге қызығушылық танытатын елордалықтар саны күн сайын артып келеді. Биыл жүйені пайдаланушылар саны 2998 құрады. Ал экологиялық көлік түрін ұнататындарға қолайлы болуы үшін жақында «7 Континент» бизнес орталығында Astana Bike карталарын сататын қосымша пункт ашылды, деп хабарлайды қалалық әкімдіктің баспасөз қызметі.

Күн сайын «Мега Астана» сауда, ойын-сауық орталығында сағат 10:00 — 21:30 және «7 Континент» БО сағат 10.00-20.00 бір маусымға абонемент сатып алуға немесе балансты толықтыруға болады. Қазіргі кезде прокатты пайдаланған адамдар саны 114 мыңнан асып, 262 мың км жуық жол жүрілген.

Айта кетейік, пайдаланушыларға ыңғайлы болуы үшін онлайн-төлем жүйесі, мобильді банкинг (Halyk Bank) және Android және IOS негізінде әзірленген мобильді қосымша жұмыс істейді. Осылайша, пайдаланушылар, станциялар жүктемесін және орналасқан орнын қарай алады. Маусым басталғалы SMS арқылы прокатқа алудың 93 жағдайы тіркелген.

Қазіргі кезде Астанада 144 велостанция бар. Күйші Дина және Тәуелсіздік даңғылы қиылысында орналасқан станция көппәтерлі тұрғын үй кешеніне электр энергиясын тарту жұмыстарына байланысты алынып тасталды. Тұрғындардың шағымдануына байланысты «Нұрсая-2» тұрғын үй кешенінің жанындағы прокат та жұмыс істемейді. «Арай» паркінде велосипедтер көп пайдаланылмайды, сондықтан бекет жабылды. «Думан» қонақ үйі мен «Триумф Астаны» ТК жанындағы прокат техникалық себептерге абйланысты жойылды, «Astana Mall» СОО жанында да велосипедтер қойылмаған.

Еске салайық, прокат қызметін үнемді пайдалану үшін станциялар бір-біріне жақын орналасқан, олардың арасындағы қашықтық 300–500 метрді құрайды.

Астанада Оқушылар сарайында дарынды балаларға арналған дәстүрлі «Триумф» балы өтті. Шара барысында республикалық, халықаралық ғылыми жобалар конкурстарының және жалпы білім беретін пәндер бойынша олимпиадалардың жеңімпаздары мен жүлдегерлеріне құрмет көрсетілді. Биылғы бал «Астана дарыны» ғылыми-практикалық орталығының 10 жылдығына арналды, деп хабарлайды қалалық әкімдіктің баспасөз қызметі.

Елордалық 150 дарынды оқушы холлда шыр айналып вальс биін биледі. Әдемі көйлектер киген қыздар, смокинг киіп, көбелек-галстук таққан жігіттер керемет атмофера орнатты. Астана әкімінің орынбасары Ермек Аманшаев түлектерді құттықтап, ересек өмірге аяқ басқан оқушыларға сәттілік тіледі.

— Бүгін ересек өмірге аяқ басқалы тұрсыңдар, ақ жол тілеймін. Сендер бақыттысыңдар, қаланың ең үздік мектептерінде оқып, білім алдыңдар, қалғаны өздеріңе байланысты. Елордада білім беруге жақсы қолдау көрсетіледі. Ендігі міндеттерің еліміздің нағыз азаматы болу. Барлық армандар мен жоспарларың орындалсын. Іске сәт,- деді Ермек Аманшаев.

Республикалық олимпиадалар мен ғылыми жобалар конкурсының жеңімпаздарын, сондай-ақ, халықаралық олимпиадалар жүлдегерлерін, ҚР олимпиадалық құрамасының мүшелерін дайындауға елеулі үлес қосқан қалалық жалпы орта білім беретін мекемелердің басшыларын, ғалымдарды салтанатты түрде марапаттау кештің маңызды сәттерінің бірі болды.

Шара барысында биылғы республикалық олимпиадада және ғылыми жобалар конкурстарында алтын алған 15 елордалық оқушы марапатталды. Ресми бөлімнен кейін мерекелік концерт өтті, отандық эстрада жұлдыздары мен жаңа бастаған орындаушылар түлектерді мектеп бітірулерімен құттықтады.

2015-2016 оқу жылында елордалық оқушылар АҚШ, Бразилия, Грузия, Ресей, Оңтүстік Корея мемлекеттерінде өткен халықаралық олимпиадалар мен ғылыми жарыстарда 268 медаль еншіледі. Республикалық олимпиада мен ғылыми жобалар конкурсында елордалық команда 10 жылдан бері жалпыкомандалық есепте І орын алып келеді, сондай-ақ, «Үздік команда» атануда. Биылғы оқу жылында астаналық оқушылар 97 жүлделі орын иеленген.

Талдықорған қаласындағы Назарбаев зияткерлік мектебі республикада 5 жыл қатарынан «Үздік олимпиадалық мектеп» деп танылды. Бұл туралы бүгін Соңғы қоңырау салтанатында мектеп директоры Дәуірхан Пірмағамбетов айтты. Сонымен қатар ол биылғы жылы 38 оқушы ғылыми конкурстар мен түрлі олимпиадалардың жеңімпаздары болғанын да атап өтті.

— Білімді, білікті мамандары көп ел ғана мықты мемлекет бола алады. Болашақта Қазақстанның озық 30 елдің қатарына кіруіне бүгінгі білімді ұрпақ үлес қосуы тиіс. Міне, осы бағытта Назарбаев Зияткерлік мектептерінің жасап жатқан жұмыстарына сәттілік тілеймін. Құрметті түлектер! Бүгінгі күн Сіздер үшін ерекше күн, үлкен өмір жолының бастауы болғалы тұр. Ел тәуелсіздігінің 25 жылдығы қарсаңында сіздерге ақ жол, сәт сапар тілеймін. Өмірде қанаттарың талмасын, озық ойлы, білімді, парасатты азамат болыңдар, — деп облыс әкімі Амандық Баталов ізгі тілегін жеткізіп, түлектерді тәрбиелеп, білім берген ата-аналары мен ұстаздарының атына да алғысын жеткізді.

Салтанатты жиын мектептің үздік оқушыларын номинация бойынша марапаттаумен жалғасты. Олимпиада жеңімпаздары, белсенділер, спортшылар, жас ғалымдар облыс әкімі мен мектеп директорының қолынан марапат алды.

Шет елдердің түрлі жоғары оқу орындарында студент атанған түлектердің де есімдері аталды. Олар – Мағжан Мұратов, Елена Ли, Алина Пак – Венгрия, Валентин Шумаков, Айым Бақытбайқызы – Сингапур, Жәңгір Қоржымбаев – Гонконг, Павел Мацко, Эвелина Кан Ресейге оқуға түскен.

Жалпы, Алматы облысында бүгін 737 мектепті 13 408 оқушы бітірді.

Оған Қазақстанның алты облысы, Ресей Федерациясының Башқұрт Республикасы мен Орынбор облысынан ауыл жастар қозғалыстарының көшбасшылары қатысты. Шара қонақтарының қатарында Нидерландыдан келген саяхатшылар да бар, деп хабарлайды Baq.kz.