Jas.kz

«Әзірет Сұлтан» мешітіндегі діни сауат ашу курстарының біржылдық оқу бағдарламасының аяқталуына орай бүгін шәкірттер арасында Құран жарысы өтеді.

17 мамырда  Қазақстан Республикасы Парламент Мәжілісінің ең жас депутаты  Генадий Шиповских  жастармен кездесуінде Тәуелсіздік жылдарында Сексеуіл ауылының жетім баласы халық қалауымен  атағына қалайша қол жеткізгенін талқылады, деп хабарлайды қалалық жастар саясаты мәселелері басқармасының баспасөз қызметі.

Шараның мақсаты – жастарда патриотизм сезімдері мен жауапты азаматтық ұстанымдарын қалыптастырып, оларға рухани- адамгершілік  тәрбие беру.

Кездесу Қазақстан Республикасы Тәуелсіздігінің 25-жылдығына орай ұйымдастырылған «Тәуелсіздік тірегім» жобасы аясында өткізілді.

Шара аясында Генадий Шиповских өмірлік тәжірибесімен бөлісіп, Қызылорда локоматив жөндеу депосында машинист көмекшісі ретінде жұмыс жолын бастағанын, Парламент Мәжілісінде жұмысшы табының мүдделерін қорғайтынын және де қазақ тілін деген ерекше ілтипаты жайлы баяндап берді.

«Мен өте бақыттымын!».

« Неге деп сұрайсыздар ғой? Мен өзімді орыс деп санамаймын. Бала бақша кезімнен  қазақ тілі ғана  болған. Сондықтан қазақ тілі маған жанымдай жақын.Алты жастан ғана мен орыс тілін үйрендім. Мен қазақпын деп сеніммен  айта аламын, 80 пайыз ағылшын тілін және екі тілді анық  атқарамын» —  деп айтты шара аяғында Генадий Шиповских.

Жастар аңызға айналған жас депутаттың  әңгімелерін  қызығып тыңдады.Шиповских Генадиймен кездесуі жастарға  ұмтылмас әсер қалдырды. Жастар сұрақтар қойып, пайдалы ақпарат алумен қатар болашақтағы игі істері  үшін жақсы уәждеме ынталанды.

Астана қаласы жастар саясаты мәселелері жөніндегі басқармасының қолдауымен  «Нұр Отан» партиясы «Жас Отан» жастар қанатымен  ұйымдастырылды.

Күн жылынғалы «Алау» мұз сарайы көп функционалды спорт кешеніне айналды. Енді онда бадминтон, үстел теннисін ойнап, уақытыңызды көңілді өткізе аласыз, сондай-ақ, роллерлер үшін 400 метрлік жол жасалған. Коньки тебуге келгендер үшін шағын мұз корт дайындалды. Ал жақын арада «Алау» мұз сарайындағы ойын-сауықтар шағын гольфпен толықпақ, деп хабарлайды қалалық әкімдіктің баспасөз қызметі.

– Біз Астанада бұқаралық спортты дамыту қолдаймыз. Сондықтан 1 мамырдан бастап барлық елорда тұрғындары мен қонақтарын біздің жазғы орталығына шақырамыз. Жазғы «Алау» спорт орталығы дүйсенбіден басқа күндері жұмыс істейді. «Алау» сағат 18.00-21.00 дейін жұмыс істейді. Келушілерге қолайлы болу үшін демалыс күндері үш сеанс ұйымдастырылады: біріншісі сағат 10.00-13.00, екіншісі – 14.00-17.00, үшіншісі – 18.00-21.00 аралығында, — дейді мұз сарайындағылар.

Ересектер үшін билеттің құны 1000 теңге, балалар үшін – 500 теңге. Келушілерге икемді жеңілдіктер жүйесі қарастырылған. 5 жастан 12 жасқа дейінгі балаларға, зейнеткерлер мен III топтағы мүгедектерге 50% мөлшерінде жеңілдік жасалады. 5 жасқа дейінгі балаларға, І және ІІ топтағы мүгедектерге, көп балалы отбасылардан шыққан балалар мен балалар үйінің тәрбиеленушілеріне кіру мен жабдықтар тегін беріледі. Сонымен қатар, 1 маусымнан бастап мектеп жанындағы лагерьлер үшін 20% мөлшерінде жеңілдік қарастырылған. Осылайша балалар кіру мен жабдықтар үшін 800 теңге төлейтін болады.

«Алау» әрқашан өз қонақтарын қуантуға тырысады. Сондықтан орталық аумағында далада жағажай волейболын және шағын футбол ойнауға болады. Бұдан басқа, «Алау» МКҚК директорының орынбасары Ильдар Садықовтың айтуынша, биыл шағын гольф та енгізілмек.

Сондай-ақ, «Алау» МС әр түрлі турнирлер де өткізіледі. Жақын арада мұнда теннистен Елорда күніне орайластырылған Astana Сup – 2016 марафоны өтеді. 1 маусым -Халықаралық балаларды қорғау күні мұз сарайында ашық есік күні ұйымдастырылып, келушілердің барлығы орталыққа тегін кіріп, уақыттарын көңілді өткізе алады.

23 мамырда сағат 10.00-16.00 аралығында Кәсіптік-техникалық колледжде «Астана – тең мүмкіндіктер қаласы» атты техникалық және кәсіптік білім беру оқу орындарының көрме-фестивалі өтеді. Іс-шараға жалпы білім беретін мектептердің 9-11 сынып оқушылары қатысады, деп хабарлайды қалалық әкімдіктің баспасөз қызметі.

Мектеп оқушыларына еңбек нарығындағы жағдай, елордадағы техникалық және кәсіптік білім беру ұйымдары туралы қажетті ақпараттар ұсынылады. Олар техникалық мамандықтармен жақынырақ танысып, болашақ мамандықты таңдай алады.

Шара аясында кейбір мамандықтар бойынша шеберлік дәрістері өткізіледі. Көрмеге қатысушылар тігін өндірісі және киімдерді үлгілеу жолдарымен, сондай-ақ, «Шаштараз өнері және сәндік косметика», «Дизайн», «Тамақтандыруды ұйымдастыру» мамандықтары бойынша берілетін біліммен танысады, медбикелік іс мамандығы бойынша студенттер өз машықтарын көрсетеді. Фестиваль барысында аспаздық өнімдер демонстрациясы, студенттердің шығармашылық жұмыстарынан көрмесі ұйымдастырылады.