Jas.kz

«Бәйтерек» холдингінің компаниялары тобы соңғы 12 жыл ішінде Қазақстан бойынша 72 мыңнан астам жұмыс орнының ашылуын қолдады. Бұл мәлімет холдинг Директорлар кеңесі мүшелерінің есеп беру отырысында мәлім болды.

Холдингтің баспасөз қызметі хабарлағандай,  компаниялар тобы есептік кезең ішінде қарыздың жалпы сомасы 491,7 млрд. теңгеге өндірістік секторда жоғары деңгейде қайта құрастырылған 12 жоба бойынша қаржыландыру бастады және жалғастырды.

Бұдан басқа, шикізат емес секторға 466 млрд. теңге инвестицияланды. Есептік кезең ішінде шикізат емес секторды ұзақ мерзімді қаржыландыруда Холдингтің үлесі – 68%.

Шағын және орта бизнесті қолдауға Ұлттық қордан бөлінген 200 млрд. теңге ішінен 172,8 млрд. теңге сомасына (119,1 млрд. теңге – жаңа жобаларды қаржыландыруға, 32,5 млрд. теңге — қарыздарды қайта қаржыландыруға, 21,2 млрд. теңге – айналым қаражатын толықтыруға) 925 жоба қаржыландырылды.

Несиелердің  181,5 млрд. теңге сомасына 1 694 жоба субсидияланды, 14,4 млрд. теңге сомасына кредиттер бойынша 390 кепілдік беру шартына қол қойылды.

Холдингтің еншілес ұйымдары қаржыландырған кәсіпорындарда есептік кезең ішінде 45 437 тұрақты жұмыс орны сақталып қалды және  27 827 (барлығы 72 179) құрылды.

«Тұрғын үй құрылысын дамыту проблемаларын шешуге жәрдемдесу шеңберінде тұрғын үй қолжетімділігін арттыру үшін есептік кезең ішінде Холдингтің еншілес ұйымы «Қазақстанның тұрғын үй құрылыс жинақ банкі» бағыты бойынша жалпы ауданы 449 мың шаршы метр, 7171 пәтерлік  81 тұрғын үйді салу мен өткізуге ынтымақтастық туралы 57 келісім жасалды. Сатып алынған 6191 пәтер үшін жергілікті атқарушы органдарға 43,7 млрд. теңге аударылды», — делінген хабарламада.

Қазақстандық ипотекалық компания бағыты бойынша 95,5 млрд. теңге сомасына ауданы 610,2 мың шаршы метрлік (10 684 пәтер) 58 нысан бойынша шарттарға қол қойылды. 2015 жылы Астана, Алматы, Шымкент, Ақтөбе, Тараз, Қарағанды, Қостанай, Көкшетау, Семей, Қызылорда, Талдықорган, Павлодар, Өскемен, Ақтау қалаларында 61,6 млрд. теңге сомасына 392,8 мың шаршы метрлік (6 686 пәтер) 46 нысан пайдалануға беріледі.

strategy2050.kz

Бүгінгі күні электрондық цифрлық қолтаңбаны (ЭЦҚ) SIM-карталарға жазу мүмкіндігі бар, оларды Астана және Алматы қалаларында «Алтел» АҚ-ның сату бөлімдерінде сатып алуға болады. Жылдың соңына дейін осындай мобильдік ЭЦҚ-сы бар SIM-карталарға Қазақстанның кез келген өңірінде барлық ұялы байланыс операторларынан кезең-кезеңмен қол жеткізуге болады. Жуық арада мобильдік ЭЦҚ ХҚКО-лар арқылы да сатылатын болады.

«Мобильдік қолтаңбаның басымдығы кейбір мемлекеттік көрсетілетін қызметтерді тіпті интернеті жоқ және қосымшалар орнатылмайтын қарапайым мобильдік телефоннан да алуға болатындығында»,- деп атап өтті ҚР ИДМ БААК Электрондық қызметтерді қадағалау басқармасының басшысы Дәулет Бекманов.

Мобильдік қолтаңбаны қазірдің өзінде еgov.kz мобильдік қосымшасында пайдалануға болады. Бұдан кейін мобильдік ЭЦҚ-ның көмегімен құжаттарға «Электрондық үкімет» порталында, сондай-ақ смс-хабарламалар жіберу арқылы да қол қоюға болады. Мысалы, қарапайым батырмалары бар телефондарда қызметтер алу үшін пайдаланушыға қызметтің қысқаша мәтінімен бірге SMS жіберу және SIM-картаға жазылған ЭЦҚ-мен қол қою жеткілікті. Жауап ретінде оған қызметтің нәтижесі және анықтаманың бірегей нөмірі бар хабарлама келеді. Анықтаманың өзі электрондық үкімет порталындағы жеке кабинетке келіп түседі.

ЭЦҚ-сы бар SIM-картаның көмегімен мекенжай анықтамасы, жылжымайтын мүлікінің жоқ (бар) екендігі туралы анықтама, зейнетақы аударымдарының жай-күйі туралы анықтама, туу туралы, неке қию туралы анықтамалар және т.б. сияқты бірқатар қызметтерді алуға болады.

Криптоаплеті бар SIM-картаның құны 200 теңгені құрайды, бұл ретте аталған сома абоненттің балансына түсетін болады.

Телефонын немесе SIM-картасын жоғалтқан кезде абонент 888 телефоны бойынша ALTEL call-орталығына жүгіне алады, оператор SIM-картаны бұғаттайды, онымен бірге SIM-картадағы ЭЦҚ-ны пайдалану қолжетімсіз болады. SIM-карта әдеттегідей, яғни Сату орталығына жеке өзі келіп, ALTEL ұялы байланыс операторы қызмет көрсеткенде және кейін оған ЭЦҚ жазу үшін ХҚКО-ға жүгінген кезде оңай қайта қалпына келтіріледі.

Мобильдік қолтаңба мемлекеттік көрсетілетін қызметтерді мобильдік нысанда ұсынуды көздейтін «Мобильдік үкімет» жобасының аясында іске асырылғандығын еске сала кетейік. Бүгінгі күні ҚР азаматтарына мобилдік нысанда 50-ден астам қызмет пен сервис қолжетімді, жүйеге 1300 мыңдай адам қосылды.

mid.gov.kz