Jas.kz — Страница 249 — Жақсы Ақпараттар Сайты

Алматы облысында жаңа көпір салынды

Қоғам

-

29.12.2015

Алматы облысында жаңа көпір салынды, деп хабарлайды Алматы облысы әкімінің ресми сайты.

Кеше Қарасай ауданының Қаскелең қаласында Алматы облысының әкімі Амандық Баталов Сүлеймен Демирел атындағы университеттің (SDU) маңында салынған жаяу жүргіншілерге арналған көпірдің ашылуына қатысты. Бұл — 2014 жылы университет қабырғасында облыс әкімінің студенттермен кездесуі барысында оқытушылар мен студенттер тарапынан айтылған өтініш бойынша салынған көпір. Құрылысшылар көпірді белгіленген уақыты 2016 жыл болғанымен, облыс басшысының талап-тілегіне орай мерзімінен бұрын – Жаңа жыл қарсаңында аяқтады.

Ұзындығы 22 метр, ені 8 метр, екі лифтісі бар көпір құрылысына бюджеттен 113, 1 млн. теңге бөлінген. Облыстық жолаушылар көлігі және автомобиль жолдары басқармасының тапсырыс беруімен «Алматы Жоба» ЖШС жобасын әзрледі. Техникалық қадағалау жүргізген «Алматы сапа инжиниринг» ЖШС. Құрылыс жұмыстары 2015 жылдың қыркүйек айында басталған. Осы аз ғана мерзім ішінде құрылысы аяқталып, көпір пайдалануға беріліп отыр.

Көпірмен жүріп өткен облыс әкімі А. Баталов университет ғимаратына кіріп, оқу орнының студенттерімен, оқытушылық-профессорлық құрамымен кездесті.

Кездесуді Қарасай ауданының әкімі Амангелді Дәуренбаев жүргізді. Университет ректоры Месут Акгул облыс басшысының арнайы келгеніне ризашылығын білдірді.

Мұнан соң облыс әкімі Амандық Баталов жиналған қауымға Мемлекет басшысының тапсырмаларының орындалу барысы, жылдың әлеуметтік-экономикалық салалардағы қорытындылары, мемлекеттік бағдарламалардың жүзеге асырылуы жайында баяндап, қатысушылардың сауалдарына жауап берді.

Қазақ жазушысына «Халықаралық Шыңғысхан академиясының академигі» атағы берілді

Мәдениет

Клара Ермағамбетова

-

29.12.2015

0

Қазақ жазушысына «Халықаралық Шыңғысхан академиясының академигі» атағы берілді

Жазушы Жәди Шәкенұлы «Халықаралық Шыңғысхан академиясының академигі» атағын алды.

Қазақстан Жазушылар одағының және Еуразия Жазушылар одағының мүшесі, жазушы Жәди Шәкенұлы «Халықаралық Шыңғысхан академиясының академигі» атағын алды. Қаламгерге төсбелгіні Моңғолия Республикасының еліміздегі елшілігінің өкілі Эрхэмбаяр Байгаз арнайы табыстады. Қоянды орта мектебінде өткен салтанатты рәсімде «Қазақстан дауысы» жобасының биылғы жеңімпазы Мұратбек Хайролда, дәстүрлі әнші Арай Асқап және Әйгерім Нартүйеева қатарлы өнерпаздар әннен шашу шашты.

Жәди Шәкенұлы – 1967 жылы Қытай Халық Республикасында дүниеге келген. 1997 жылы атажұртқа оралған қаламгер қандасымыз бұл күнде Ақмола облысы Целиноград ауданы Қоянды орта мектебінің директоры. Жазушының «Ақбота», «Балқаймақ», «Қытайдағы қазақтар», «Қаралы көш», «Бір уыс сәуле», «Жалғыздың үні», «Ақбалапан», «Жәнібек батыр», «Арманшыл бала» қатарлы кітаптары жарық көрген және тарихи тақырыпта жазылған «Түркі-Моңғол империясы және оның қазақ хандарын қалыптастыруының негізі», «Шыңғысхан әулеті және хан тұқымынан төре қою», «Шығыс Түркістан мәселелері», «Оспан батыр» қатарлы мақалалары республикалық басылымдарда жарық көрген.

baq.kz

Қазақстан ұлттық құрамасының бас бапкерін таңдау басталды

Спорт

Клара Ермағамбетова

-

29.12.2015

0

Қазақстан ұлттық құрамасының бас бапкерін таңдау басталды

Кеше Қазақстан футбол Федерациясы өзінің ресми сайтында Қазақстан ұлттық құрамасының бас бапкерін таңдауға мүмкіндік беретін дауыс беруді бастады.

15 қаңтарға дейін созылатын алғашқы кезеңде жанкүйерлер Қазақстан құрамасын кім жаттықтыру керек деген сұраққа жауап беріп, жергілікті маман, болмаса шет елдік маман пайдасына таңдау жасайды. Дауыс беруге тек ҚФФ сайтында тіркеуден өткендер ғана қатыса алады.

Дауыс беру нәтижесі Федерация тарапынан шешім қабылдауға негіз болу үшін, дауыс беруге 50 мыңнан кем болмайтын адам қатысуы керек.

Егер дауыс берушілер саны 50 мыңнан кем болатын болса, Федерация дауыс беру нәтижелерін Қазақстан ұлттық құрамасының бас бапкерін өзі таңдауға берілген келісім деп есептейді.

Ал дауыс берушілер саны 50 мыңнан асатын болса, ҚФФ дауыс берудің екінші кезеңін бастайды. Екінші кезеңде жанкүйерлерге бірініші кезеңде көп дауыс жинаған санат бойынша бапкерлер тізімі ұсынылады (қазақстандық болмаса шет елдік маман). ҚФФ ұсынатын бапкерлердің барлығы да Қазақстан ұлттық құрамасын жаттықтыруға білімі жететін, тәжірибесі мол білікті мамандар.

ҚФФ ұсынған мамандардың барлығы дерлік алдын ала ,біліктілік тексеруден өтеді (бұл жұмыс басталып кетті) және ҚФФ жанкүйерлер кімді таңдағанына қарамастан ұлттық құраманың болашақ бапкерінің қызметі үшін жауапкершіліктен бас тартпайды.

baq.kz

«Ханшайымда қонақта» атты балаларға арналған бірегей музыкалық спектакльдің тұсаукесері болады

Мәдениет

Клара Ермағамбетова

-

29.12.2015

0

«Ханшайымда қонақта» атты балаларға арналған бірегей музыкалық спектакльдің тұсаукесері болады

«Астана Опера» театрында жас көрермендерге арналған «Ханшайымда қонақта» атты бірегей музыкалық спектаклінің тұсаукесері өтеді.

Көрермендеріне мерекелік көңіл-күй тартуға асық театрға Жаңа Жылмен бірге жаңа ертегілік спектакльдер келеді. Дәстүр бойынша мерекелік репертуар П. Чайковскийдің «Жаңғақ шаққыш» балетімен көркейеді. Сонымен қатар балаларға 4, 6, 8 қаңтарда болатын жаңа қойылым «Ханшайымда қонақта» атты ертегінің тұсаукесері қуантады.

Режиссер Наталья Кагадий жетекшілік ететін «Астана Опера» театрының Балалар студиясы әртістері ұсынған бұл ерекше қойылым Беларусь Республикасында өткен «Куршинале-2015» Халықаралық өнер олимпиадасының I дәрежелі дипломын жеңіп алған болатын.

Бұл қойылым Жаңа жыл түні тірілген ойыншықтар туралы болмақ.

Спектакльді білікті би мамандары балет нөмірлерін орындаумен көркейтеді. Ал көрермен сахнада болып жатқан қилы хикаяларға белсенді қатыстырылады. Ұйымдастырушылар әдемі костюмдер мен тамаша безендірілген сахна балаларға тамаша әсер қалдырады деген үмітте.

Жүз жасауға көмектесетін 7 ереже

Пайдалы кеңестер

Клара Ермағамбетова

-

28.12.2015

0

100 жас жасауға көмектесетін 7 ереже немесе 7 кеңес. Дәрігерлердің айтуы бойынша, әрбір адам келесі ережелерді орындай отырып, денсаулығын бірқалыпта ұстай алады.

Бірінші. Салауатты өмір салтын ұстану. Физикалық жаттығу жасамау адам өмірін 4 жылға азайтады екен. Физикалық жаттығулармен айналыспайтын адамдар жүрек ауруларына шалдығуы әбден мүмкін.

Екінші. Холестерин деңгейін білу және бақылап отыру. Қандағы холестерин мөлшерінің көп болуы майды жинап, адамның қан тамырларын бітеп, қан айналысын баяулатады. Соның әсерінен адам жүрек ауруларына шалдығады. Себебі жүрекке қан нормада бармайды.

Үшінші. Денсаулыққа пайдалы диетаны ұстану. Дұрыс тамақтану адам өмірін ұзартудың бірден-бір кепілі болып табылады. Бұл ережені ұстанудың ондай қиындығы да жоқ. Дәрігерлердің айтуы бойынша салауатты өмір сүру үшін адам жемітер мен көкөністерді қолдануы керек.

Төртінші. Қан қысымын білу және қадағалау. Жоғарғы қан қысымы адам өміріне қауіпті болып келеді.

Бесінші. Салмақты арттырмай қадағалау. Артық салмақ түрлі аурулардың себебі болып табылады. Семіздік немесе май басу адам өмірін 4 жылға азайтады.

Алтыншы. Қант диабетіне байланысты қауіптің алдын алу. Қани диабеті ауруымен ауырған кезде адамның қан қысымы тез көтеріліп, жүрек ауруларына алып келеді.

Жетінші. Темекі шекпеу. Жыл сайын он мыңға жуық адам темекінің әсерінен жасына жетпей қайтыс болып жатады, ал мыңдаған адам солардан кейін көз жұмады. Адам темекі тартуды қойғаннан кейін оның жүрек соғысы өз қалпына келе бастайды.

ҚазАқпарат

Жанна д’Арк-тың сақинасы Лондондағы аукционға қойылды

Әлем

Клара Ермағамбетова

-

28.12.2015

0

Жанна д’Арк-тың сақинасы Лондондағы аукционға қойылды

Иесі Жанна д’Арк болуы мүмкін сақина Лондондағы аукционда сатылмақ, деп хабарлайды The Daily Mail басылымы.

Зергерлік бұйым 15 ғасырда жасалған. 1431 жылы атақты Жанна д’Аркты ағылшындықтар өртер алдында оған ата-анасы осы сақинаны сыйлауы мүмкін. Ол кезде қыз 19 жаста болған. Өлім жазасынан кейін бұл король Генрих VII қолына түсті.

Аукцион 2016 жылы ақпан айының соңында өтеді деп көзделген. Оны Timeline аукцион үйі өткізеді. Компанияның атқарушы директоры Бретт Хэммондтың айтуынша, бұл Жанна д’Арк-тың сақинасы екенін дәлелдейтін ақпарат жеткілікті.

Timeline сайтындағы дерекке сәйкес лоттың бастапқы бағасы 8 100 фунт стерлинг. Бұл сақинадан 10 000-14 000 фунт стерлинг пайда табу көзделген. Алайда Хэммондтың пікірінше, оны қымбаттырақ та сатуға болады.

ҚазАқпарат

Фариза Оңғарсынова тұрған үйдің қабырғасына мемориалдық тақта қойылды

Мәдениет

Клара Ермағамбетова

-

28.12.2015

0

Фариза Оңғарсынова тұрған үйдің қабырғасына мемориалдық тақта қойылды

Қазақтың аяулы ақын қызы Фариза Оңғарсынова өмірінің соңғы жылдары тұрған үйінің қабырғасына мемориалдық тақта қойылды.

Астананың бас көшелерінің біріне Дінмұхамед Қонаевтың есімі берілгені белгілі. Сол көше бойындағы еңселі ғимаратта ақын 2009-2014 жылдары тұрған екен. Шарапатты шараның тізгінін ұстаған Парламент Мәжілісінің депутаты Қуаныш Сұлтанов келген қонақтардың келелі пікірлерін тыңдау үшін кезегімен сөз беріп тұрды.

Естелік тақтаның ашылу салтанатына ел ағалары да атбасын бұрғанын айта кетсек дейміз. Олардың қатарында мемлекет және қоғам қайраткері Өмірбек Байгелди, Мәжіліс депутаты Оразкүл Асанғазы, сенатор Бірғаным Әйтімова, «Егемен Қазақстан» РГ» АҚ президенті Сауытбек Абдрахманов, С.Сейфуллин мұражайының директоры, белгілі ақын Несіпбек Айтұлы, айтулы жыр дүлдүлі Серік Тұрғынбекұлы мен Оңайгүл Тұржан бар.

Алаштың ақын қызына деген ізгі ілтипаттарын ағалары ағынан жарыла сөзбен жеткізсе, өлең өлкесінде өкшесін басқан іні-сіңлілері жырмен жолдады. Тақтаның лентасын қию құрметіне Әкім Тарази мен Өмірбек Байгелди ие болды.

baq.kz

Месси 2015 жылдың үздік футболшысы деп танылды

Спорт

Клара Ермағамбетова

-

28.12.2015

0

Месси 2015 жылдың үздік футболшысы деп танылды

Испаниялық «Барселонаның» шабуылшысы Лионель Месси Еуропа футбол клубтары қауымдастығының (ЕСА) тұжырымы бойынша 2015 жылдың үздік футболшысы ретінде Globe Soccer Awards сыйлығына ие болды.

Марапатты тапсыру салтанаты жексенбі, 27 желтоқсанда, Біріккен Араб Әмірліктерінде өтті.

Месси «Ювентустың» қақпашысы Джанлуиджи Буффон мен «Реалдың» форварды Криштиану Роналдудың алдын орады. 2015 жылы аргентиналық спортшы Испания чемпионы, ел кубогы мен УЕФА суперкубогы, сонымен қатар Чемпиондар лигасы мен Клубтық әлем чемпионаты кубогтарын иеленіп, бес бірдей титулды қанжығасына байлады.

Үздік академия жүлдесін партугалдық «Бенефика» иеленді, жүлдені Ресей құрамасының бұрынғы бас бапкері Фабио Капелло табыс етті.

Жыл төрешісі атағына өзбекстандық Равшан Ирматов лайық деп танылды. Үздік агент – Жорже Мендеш. Үздік клуб президенті атағы «Барселонаның» басшысы Хосеп Мария Бартомеуге бұйырды.

baq.kz

Алғашқы қоңырау енді 15 қыркүйекте соғылуы мүмкін

Білім

Клара Ермағамбетова

-

28.12.2015

0

Алғашқы қоңырау енді 15 қыркүйекте соғылуы мүмкін

Алғашқы қоңырау енді 15 қыркүйекте соғылып, оқушылар тек 5 күн оқуы мүмкін. Ұлттық білім беру академиясы қазір осы жаңашылдықты толықтай зерттеп жатыр.

Мамандар білім жүйесіне өзгеріс енгізсе, онда шәкірттердің жазғы демалысы ұзарады. Сөйтіп алғашқы қоңырау әдеттегідей 1 қыркүйекте емес, 2 аптаға кешігіп соғылмақ. Қаперде болса, Білім және ғылым министрлігі 5 күндік оқу жүйесін осыған дейін де жоспарлаған еді. Алайда бұл тәртіп тек бірінші сынып оқушыларына қатысты болған.

almaty.tv

«Қайратқа» жаңа бапкер келді

Спорт

Клара Ермағамбетова

-

28.12.2015

0

Алматының «Қайрат» командасына жаңа бапкер келді. Ресейлік маман Александр Бородюк бас бапкер болып тағайындалды. Бұл туралы клубтың ресми сайты хабарлады.

53 жастағы жаттықтырушымен Алматы клубы үш жылдық келісімшартқа қол қойды.

Бородюктің бапкерлік карьерасы 2001 жылы «Крылья Советов» командасынан бастаған. Келесі жылы Ресей ұлттық құрамасының бапкерлер штабында жұмыс істеді. Арада үш жыл өткенде Ресей жастар құрамасының тізгінін ұстады. Сонымен қатар Ресей ұлттық құрамасында аға бапкер қызметін қоса атқарды. Гус Хиддинк пен Дик Адвокаттың көмекшілері болған.
2013 жылы Бородюк Мәскеудің «Торпедо» клубына бас бапкер болып тағайындалды. Оның кезінде команда премьер-лигаға оралды.

Айта кетейік, «Қайратты» соңғы үш жылда словакиялық маман Владимир Вайсс жаттықтырған болатын. Вайсстың кезінде команда екі рет Қазақстан кубогында жеңіске жетті. Сондай-ақ үш рет ел біріншілігінде жүлдегер болды.

baq.kz