Jas.kz

Көпшіліктің сұранысын қанағаттандыру мақсатында   2016 жылдың  3-ші  шілдесінен бастап жаңа  «Астана-Челябі»  пойызы жолға шығады, деп хабарлайды «Жолаушылар тасысмалы» АҚ баспасөз қызметі.

Бұл бағыт   Ресей темір жолы компаниясымен бірлесіп  жолаушылардың Челябіден   №145/146  «Челябі-Мәскеу-Санкт-Петербор» пойызына ауысып мінуі үшін ыңғайлы жасалған. Енді еліміздің Рудный, Костанай және баска елді мекендердің тұрғындары үшін Ресей қалаларына тез жететін тамаша мүмкіндік туып отыр.

Пойыз Атбасар, Есіл, Құсмұрын, Тобыл, Костанай және Троицк стансалары арқылы жүреді.   Астанадан 16 сағат 00 минутта, ал Челябіден 10 сағат 56 минутта аттанады. Челябіге дейін жүретін уақыты — 19 сағат 26 минут, кері қарай -20 сағат 20 минут .

Пойыз   Астана қаласынан 2016 жылдың  2-ші шілдесінен бастап, ал Челябіден  3  шілдеден бастап күнара қаатынайтын болады.

Мемлекет басшысы саябақтың инфрақұрылымымен танысып, жаңадан ашылған жағажай аймағын көрді.

Сондай-ақ Нұрсұлтан Назарбаев электромобилмен қоғамдық демалыс аймақтарын аралап шығып, елорда тұрғындарымен әңгімелесті, деп хабарлайды қалалық әкімдіктің баспасөз қызметі.

Қазақстан Президенті қалалықтардың жаппай, белсенді және мазмұнды демалысы үшін барынша қолайлы жағдайлар жасаудың маңыздылығын атап өтті. Мемлекет басшысының айтуынша, мәдени-сауықтық қызметтерді сапалы ұйымдастыру жастардың әсіресе жаз мезгіліндегі уақытын пайдалы өткізуіне септігін тигізеді.

Сонымен қатар, Мемлекет басшысы әуесқой жасөспірім балуандардың белдесуі өтіп жатқан саябақтың спорт алаңында болды.

Қаланың орталық саябағының инфрақұрылымын жетілдіру жұмыстары аясында аттракциондар орнату жұмысы жүргізіліп, спорттық және ересектер мен балаларға арналған бассейндері бар заманауи жағажай аймағы ашылды. Сондай-ақ жаттығу алаңы, шаңғы роллеріне арналған ұзындығы 3,8 шақырым трассасы бар дене шынықтыру және сауықтыру аймағы ашылған. Саябақ аумағындағы сауда нысандары шаһардың архитектуралық стилімен үйлестірілді.

Мұнда күн сайын классикалық және танымал музыка концерттері, таза ауада бұқаралық спортпен айналысу тәрізді мәдени-көпшілік және спорт шаралары өтеді. Жаңғырту жұмыстары нәтижесінде саябаққа келушілер саны жұмыс күндері 3 мыңға дейін, ал демалыс күндері 10 мыңға дейін көбейді.

Қарағанды облысының іргесіндегі «Спасск» оқу-жаттығу орталығында «Алтын Үкі-2016» 4-ші халықаралық мергендік жұптар сайысы басталды. Бұл сайыс барысында өзі ісінің үздіктері кездесті. Бұл туралы министрліктің баспасөз қызметі хабарлады.

Аталған жарысқа ҚХР, АҚШ, Ресей Федерациясы, Белорусь Республикасы, Ұлыбритания, Пәкістан, сондай-ақ Қазақстан Республикасының күштік ведомствалардың мергендері қатысады. Сайысқа қатысатын мергендер көптеген елдің қару-жарақ қатарын құрайтын заманауи мергендік мылтықтың үлгілерін қолданады.

Жарыстың мақсаты – түрлі үлгідегі кәсіби тәсілдерді орындау әдістерін жетілдіру, мергендердің дене төзімділігіне шыдау мүмкіндіктерін анықтау, психологиялық кернеуге шыдау, сондай-ақ атыс және далалық машық деңгейін анықтау. Дәлдеп атудың шеберлері 5 күн бойы түрлі қашықтықтағы нысаналарға атудан, жылдам атудан, бүркемелену машықтары мен ойлы-қырлы жерлерді бағдарлаудың үздігі атану үшін күресетін болады.

Естеріңізге сала кетсек, өткен жылы «Алтын үкі – 2015» жарысында Қазақстанның арнайы мақсаттағы бөлімшелері жеңімпаз атанып, алтын кубокты иеленді. Бұл жарыстың әр кезеңі жоғары деңгейдегі төзімділікті, күш-жігерді, сапалы командалық жұмыс пен әр қатысушының жақсы даярлығын талап етті.

Мемлекет басшысы Нұрсұлтан Назарбаев Елорданың орман плантацияларын және «Ақ қайың» көшеттер питомнигін аралады. Соңынан дәстүрлі қырғауыл ұшыру шарасына қатысты, деп хабарлайды Ақорданың ресми сайты.

Бұдан бөлек, Мемлекет басшысына ағаш отырғызылатын аумақтың жалпы көлемін ұлғайту жұмыстарының барысы, сондай-ақ 2018 жылға дейінгі жасыл желекті алап пен оның биоалуандылығын дамыту жоспары туралы баяндалды.

Сондай-ақ Қазақстан Президенті бұқаралық ақпарат құралдары өкілдері үшін брифинг өткізді.

Елбасы Астана маңындағы жасыл желек орман шаруашылығы қызметкерлері мен ғалымдардың тынымсыз еңбегінің арқасында пайда болғанын атап өтті.

– Жылдар бойғы егілген ағаштардың жалпы аумағы 73 мың гектар болды, жыл сайын қосымша 5 мың гектар ағаш отырғызылады. Бұл аумақ көлемі жөнінен Бурабай ұлттық саябағына тең. Біздің ендігі міндетіміз – Елорда маңындағы орман ағаштары алабын Бурабай саябағы аймағына ұластыру, – деді Нұрсұлтан Назарбаев.

Қазақстан Президенті еліміздің экологиялық жағдайын жақсарту үшін барлық өңірде орман өсіру ісін дамыту қажеттігіне де назар аударды.

– Осы жылдары жаңа елорда – Астана ғана емес, сонымен қатар «екінші Бурабай» бой көтерді. Бұған дейін мұның бірі де болмаған. Ен далада жаңа қала бой көтерумен бірге оның маңында «жасыл аймақ» та пайда болды. Соның арқасында қалада шаң-тозаң мен ұйтқыған жел де азайды. Бұл ормандарда жеміс-жидектердің алуан түрі өседі, жан-жануар әлемі пайда болды, – деді Елбасы.

Соңында Мемлекет басшысы еліміздің барша азаматтарын ағаш егу ісіне өз үлестерін қосуға, Қазақстанның табиғи байлықтарын аялауға шақырды.

Астана маңында ағаш отырғызылған аумақтың жалпы көлемі 73 мыңнан астам гектарды қамтиды. Болашақта елорданың «жасыл аймағын» Ақмола облысы Ақкөл ауданы ормандарымен ұштастыру жоспарлануда. Бұдан бөлек, қаланың «жасыл аймағында» туризм мен демалыс орындарын дамыту мақсатымен 2014 жылы «Жасыл Аймақ» Қызылжар орман шаруашылығы аумағында сафари-саябағы құрылды. 2015 жылы жабайы жан-жануарлар түрі мен санын көбейте отырып, саябақ аумағын 300 гектарға дейін кеңейту жөнінде жоба әзірленді.

Астана қаласы статистика департаментінің хабарлауынша, барлық қаржыландыру көздері есебінен 8 564 пәтер пайдалануға берілді, пайдалануға берілген тұрғын үйлердің жалпы ауданы 964 254 шаршы метрді құрады, бұл 2015 жылғы қаңтар-мамыр деңгейінен 25,8%-ға артық, деп хабарлайды қалалық әкімдіктің баспасөз қызметі.

Жеке салушылармен жалпы ауданы 86 505 шаршы метр тұрғын үй салынған. Жалпы, тапсырылған тұрғын үйлердегі жеке тұрғын үй құрылысының үлесі 9%, 2015 жылғы қаңтар-мамырда бұл көрсеткіш 3,2% болған.

Сонымен қатар, 2016 жылғы қаңтар-мамырда тұрғын үй құрылысына бағытталған инвестициялар көлемі 53254,8 млн. теңгені құрады, бұл өткен жылдың сәйкес мерзіміне қарағанда 12,3% артық. Негізгі капиталға салынған инвестициялардың жалпы көлемінде тұрғын үй құрылысында игерілген қаражаттар үлесі 25,1%-ды құрады.

Елорда әкімі Әділбек Жақсыбеков қала әкімдігінің аппарат отырысында әйелдер арасындағы бокстан Қазақстан ұлттық құрамасының өкілдері Ләззат Күнгейбаева мен Валентина Хальзованы Астанада өткен AIBA Әлем чемпионатында жоғары жетістікке қол жеткізгендерімен құттықтады, деп хабарлайды қалалық әкімдіктің баспасөз қызметі.

Еске салайық, дүбірлі додада Қазақстан өз тарихында алғаш рет жалпыкомандалық есепте бірінші орынға табан тіреді. Отандық былғары қолғап шеберлері төрт алтын мен екі қола жүлде еншіледі. Соның ішінде елордалық екі спортшы жеңіс тұғырына көтерілді.

«Қала активінің көзінше Сіздерді шын жүректен құттықтаймын, спортта да, жеке өмірде де жетістіктерге жете берулеріңе тілектеспін», — деді Ә. Жақсыбеков чемпиондарға «Қазақстан Республикасының еңбек сіңірген спорт шебері» құрметті атағын табыстай отырып.

Әкім қыздарға отандық спорттың табыстылығына үлес қосқаны үшін алғыс айтып, қалада спортты дамыту үшін барлық жағдайлар жасалып жатқанын, соның ішінде елордалық спортшылардың тұрғын үй-тұрмыстық мәселелері шешіліп жатқандығын атап өтті. Сонымен қатар, Астанада өткен әлем біріншілігінің ұйымдастырылуына жоғары баға берілді, оны AIBA халықаралық ұйымының өкілдері де растады.

Алматы облысында шегірткеден қауіп жоқ.

Өйткені шегіртке тектес зиянкестерге қарсы күрес жылдағыдай өз жоспарымен жүріп жатыр. Бұл туралы Ауыл шаруашылығы министрлігінің Алматы облысындағы аумақтық инспекциясының мамандары мәлімдеді. Олардың айтуынша, шегіртке мен басқа да зиянкестерге қарсы жұмыстарды үйлестіретін комиссия құрылған. Оның жұмыс топтары барлық ауданда бар. Қазір 6 ұшақ пен 18 бүріккіш техника өңдеу жұмыстарына тартылған. Олардың күшімен 101 мың гектар жер химиялық жолмен өңделді.

Серік Ақанов, ҚР АШМ Алматы облысындағы аумақтық инспекциясының басшысы:

— Ауылдық әкімдер, шолушы бар, малшы бар, өздерінің округтеріндегі жер иелері бар — солармен күнде хабарласамыз, біздің штабқа, аудандық штабқа, облыстық штабқа тұрақты ақпарат беріп отыр. Біз ары қарай техникасын қолданып, күнделікті өзіміз атқаратын қызметтерімізді атқарып отырмыз.

24.kz