Алматы облысында осы аптада аптап ыстық болады деп күтілуде. Бұл туралы бүгін Алматы қаласының ТЖД баспасөз қызметінен хабарлады.
«Алматы қалалық Төтенше жағдайлар департаменті «Қазгидромет» РМК филиалының 2016 жылғы 7 маусымдағы № 1 дауылды ескертпесі негізінде тұрғындарға ескертеді: Алматы облысында алдағы 8-9 маусым аралығында 31-36 градус деңгейінде қатты ыстық болады деп күтіледі», — делінген хабарламада.
2016 жылдың 5 маусымында «Жас қанат» МҮ маңайдағы аула балалары мен жасөспірімдері үшін «Ашық есік күндері» іс-шарасы өтті.
Іс-шараның мақсаты — AULACLUB жаңа брендінің астына барлық аула клубтарының ребрендингі.
Аула клубтары дегеніміз тегін үйірмелер мен спорттық секциялар. Қазір Астанада 30-дан астам аула клубтары жұмыс істейді.
«Жас Қанат» — өзінің жаңартылған фирмалық стилі, стилистикасы, жаңадан безендірілген бөлмесі, қатысу есебін жүргізетін онлайн-бағдарламасы бар, жаңа секциялар мен бағыттар бойынша жұмыс жасайтын тұңғыш клубтардың бірі болмақ.
Мерекелік іс-шарада көңілді бастамалар, би, вокалды нөмірлер өткізілді. Футбол, театр өнері, актерлік өнер, үстел теннисі, скаутинг сияқты жаңа секциялар ашылмақ. Аталмыш жоба аясында барлық сабақтар тегін жүргізіледі деп күтілуде.
Астана қаласында «Мемлекеттік рәміздер күнін» тойлау аясында «Менің Қазақстаным!» атты ірі көлемді патриоттық акция өтті.
Акцияның мақсаттары – қазақстандық патриотизмды қалыптастыру, мемлекеттік рәміздерді әйгілеу, ұлт бірлігін нығайту.
Мемлекеттік рәміздер күнін мерекелеу «Атамекен» этно-мемориалдық кешенінде бастау алды. Қазақстан әнұраны әуенімен мемлекеттік штандарттар – мемлекеттік елтаңба мен ту шығарылды.
Іс-шара барысында мерекелік автожарысқа старт беріліп, оның қатысушылары қала көшелерімен жүріп өтті. Сонымен қатар, қозғалыстың ең жақсы белсенділерін «Жас Ұлан» қатарларына қабылдау салтанатты рәсімі өтті. Бұдан кейінгі уақытта олар өзінің жолдастары мен өскелең ұрпаққа үлгі болуға міндеттенді.
Іс-шараға 2500-ден аса адам қатысты: ҚР Парламентінің Мәжіліс депутаттары, «Нұр Отан» партиясының жетекшілері мен өкілдері, белгілі қоғамдық-саяси қайраткерлер, жастардың үкіметтік емес ұйымдарының өкілдері, Астана қаласының студент және мектеп жастары, «Жас Отан» жастар қанатының белсенділері, БАҚ өкілдері.
Іс-шараның ресми бөлімі аяқталғаннан кейін мерекелеу салтанаты орталық саябақта жалғасты. Жастар флешмоб ұйымдастырды. Қазақ эстрада жұлдыздары Серік Ибрагимов, Маржан Арапбаева, «Формат» тобы және Құрмаш Маханов қатысқан мерекелік концерт көрермендерге ерекше көңіл-күй сыйлады.
Шараның ұйымдастырушысы – Астана қаласының жастар саясаты мәселелері бойынша Басқармасының қолдауымен «Нұр Отан» партиясының «Жас Отан» Жастар қанаты.
Алматы облысы әкімінің орынбасары Серік Тұрдалиевтың төрағалығымен 2016 жылғы 1 маусымда Алматы облысы әкімдігі жанындағы «Бизнестің жол картасы 2020» бизнесті дамыту мен қолдаудың Бірыңғай бағдарламасын жүзеге асыру бойынша Аймақтық үйлестіру кеңесінің кезекті отырысы өтті. Отырыста кәсіпкерлерден 645 млн. 890 мың 633 теңге сомасына келіп түскен 15 өтініш қарастырылды.
Мемлекеттік қолдауға «KZ Service» ЖШС, «Досбол-ТВ» ЖШС, «LST Market» ЖШС, «Когер ЛТД» ЖШС, «Қаскелең автобус паркі» ЖШС, «ЮЗКА» ЖШС, «Құмар Серік» ЖК, «Мади» ШҚ сынды кәсіпкерлер ие болды. Несиелік қаражаттар айналымдағы қаржыны толықтыруға, инвестицияларға, құрылысқа және ағымдағы міндеттемелерді қайта қаржыландыруға бөлінеді. Барлық жобалар бойынша жеңілдетілген сыйақы мөлшері, субсидиялар қарастырылған, ал қажетті несие сомасын алуға кепілдік қамтамасыз етуі жеткіліксіз болған несие алушылар үшін «Даму» қорының кепілдігі рәсімделеді.
«Бизнестің жол картасы 2020» бағдарламасы мемлекеттік қолдаудың аясын кеңейту үстінде. Бүгінгі таңда, өтініш берген өнеркәсіптердің қатарында, сауда мен ауылшаруашылығынан өзге, өз қызметін іріктелген материалдарды пайдаға жарату, теміржол жүк көлігі, кабельді телевидение мен ғаламтор қызметін ұсыну, азық түлікке қатысты жартылай дайын өнім шығару, тоқыма өндірісі, мектепке дейінгі білім беру және басқа да көптеген салаларда жұмыс жүргізіп отырғандары да бар.
Мысалы, «Ешниязова» ЖК көрпе, жастық, матрас шығарумен айналысады және «Даму» қорының қаржылай көмегімен кәсіпкер өз өнімдерін жақын шетелге шығаруды және мемлекеттік сапа сертификатын алуды жоспарлап отыр.
Сондай ақ, аталған отырыста кабельді телевидение мен ғаламтор қызметін ұсыну үшін мемлекеттік қолдау арқылы жаңа жабдықтар алу және негізгі құралдарды жаңалауды жоспарлап отырған «Досбол-ТВ» ЖШС жобасы мақұлданды. Жақын болашақта, Текелі сияқты моноқалада телевиденияның сапасы мен оған деген қолжетімділік жақсарып, ғаламтордың жылдамдығы айтарлықтай арта түседі.
2016 жылдың басынан бері бұл Аймақтық үйлестіру кеңесінің алтыншы отырысы. Бұл, «Бизнестің жол картасы 2020» өзінің миссиясын аталған мемлекеттік бағдарламаны жүзеге асыру бойынша мақсатты түрде жалғастырып келеді дегенді білдіреді. Кәсіпкерлерге өз кәсібін дамыту үшін көптеген қызмет көрсетілді және бизнес-жобаларды қаржыландырудан өзге, «Даму» қоры жанындағы Кәсіпкерлерге қызмет көрсету орталықтарында кәсіпкерлік әлеуетті арттыру үшін мамандар белсенді жұмыс атқаруда.
Бөбектердің шат-шадыман күлкісі, шаттығы. Бұл — халықаралық балаларды қорғау күні. Осы көңілді мейрамға орай елордамыздағы жаңа алаңда мерекелік іс-шара өтті.
Жазғы лагерьдегі оқушыларға, қаланың кішкентай тұрғындары мен қонақтарына әкімшілік тарапынан сусындар, балмұздақ пен тәттілер таратылды. Технологиялық колледж, Қоғамдық тамақтандыру және сервис колледждерінің студенттері бүлдіршіндердің бетіне сурет салып, кішкентай ханшайымдардың шашын өріп, тырнағын бояп, мейрамның қызығын арттыра түсті. Өнер мектептерінің тәрбиеленушілері сахнада би билеп, ән шырқады. Иә, бұл ең жарқын думан. Әрдайым аспанымыз ашық болып, балалардың жүзінен күлкі кетпесін.
Автор: Шырақ Байкенова
Талдықорған қаласындағы «Жастар» Спорт сарайында ауыр атлетикадан ерлер мен әйелдер арасындағы Қазақстан Республикасы чемпионаты басталды. Жарыстың салтанатты ашылуына Ұлттық штаттық командалар және спорт резерві дирекциясының директоры Қайыргелді Жанпейісов, ҚР Ауыр атлетика федерациясының атқарушы директоры Асқар Қапенов, ауыр атлетикадан ҚР бас бапкері Алексей Ни және ауыр атлетикадан мемлекеттік жаттықтырушы Тәпсір Меңдіхан қатысты.
Чемпионаттың ашылуында сөз сөйлеген облыстық спорт және дене шынықтыру басқармасының басшысы Тұратбек Шарапиев өз сөзінде:
— Елбасымыз Нұрсұлтан Әбішұлы Назарбаев «Қазақстан — 2050» стратегиясында дене шынықтыру мен спорт — мемлекеттің айрықша назарында болуы тиіс. Нақ сол саламатты өмір салты — ұлт денсаулығының кілті болып саналады», — деп атап өтті.
Мемлекет қолдауының арқасында Жетісу жерінің спортшылары өңірдің атын төрткүл дүниеге танытып, мемлекетіміздің мәртебесін асыруда. Лондон Олимпиадасының жеңімпаздары Светлана Подобедова, Мая Манеза, Зульфия Чиншанло, әлем чемпиондары Владимир Седов, Ибрагим Берсанов, Альберт Линдер, Зелимхан Әбубакаров, Карина Горичевалар — біздің мақтанышымыз. Бүгінгі жарыс жас спортшыларымыздың спортқа деген ынтасын арттырып, салауатты өмір салтын қалыптастыруда зор ықпалға ие.
Құрметті жарысқа қатысушылар! Баршаңызға осы жарыста сәтті өнер көрсетулеріңізді тілеймін, — деді.
Осыдан кейін жарысқа арнайы келген құрметті қонақтар мен федерация мүшелері сөз сөйлеп, өз тараптарынан чемпионатта бағын сынап жатқан зілтемір көтеру шеберлеріне сәттілік тіледі.
Жарыстың салтанатты бөлімі аяқталысымен әйелдер арасындағы 48 және 53 келіге дейінгі салмақ дәрежелері бойынша зілтеміршілер бағы мен бабын сынауға кірісті. Алғашқы нәтижелер бойынша жетісулық Маргарита Елисеева қоссайыстың қорытындысы бойынша 200 келі салмақты бағындырып, 53 келіге дейінгі салмақ дәрежесінде жеңімпаз атанды.
Ұл баланың тәрбиесіне қатысты психологтың кеңесіне құлақ асыңыздар:
Көпшіліктің назарын өзіңе аударту үшін жай ғана олардан ерекшелену керек. Ерекшелікті ең алдымен сырт келбеттен бастаған дұрыс.
Бағила Ағайдар
Ұзын шаш — қазақ қызының қасиеті, сұлулығы, ерекшелігі. Халқымыздың «Қара мақпал қолаң шаш-ай. Әттең, сенің сәнің-ай» деген өлең жолдарында, Абайдың «Білектей арқасында өрген бұрым, шолпысы сылдыр қағып, жүрсе ақырын. Кәмшат бөрік, ақ тамақ, қара қасты, сұлу қыздың көріп пе ең мұндай түрін?» дейтұғын шумақтарында, «Ақ үйден бір қыз шықты көзі күлген, шаштарын он күн тарап, бес күн өрген» деген халық өлеңіндегі ғажап сурет соның айғағы.
Қазақтың қызы қашанда шашын өсіріп, бұрым қойған. Сондықтан, әр бойжеткенді қазақ шашы мен бойына қарап бағалап отыратын үрдіс болған. Қыздың шашы табиғатына қарай қолаң шаш, сүмбіл шаш деп, өріміне қарай жалғыз бұрым, қос бұрым деп аталған. Оның әр талын жібектей деп, өрілген бұрымды білектей деп салыстырған. Ұзындығы тілерсек соғатын, алтын, күміс шолпы тағылған сұлу бұрым бойжеткен көркін одан әрі арттыра түсетін тұғын. Қысқасы, қазақ қызы үшін шашының көркі, сұлулығының сыры болатын. Бір сөзбен айтқанда, қазақ ішінде шашты өсіріп-өрудің, тарап-тарқатудың, күтіп-баптаудың өзіндік бір тәрбиесі, үлкен бір мектебі болды.
Ия, қазақ әйелдердің сұлу шашын ертеден-ақ жоғары бағалаған. Оған ерекше орын беріп отырған. Солай ма екен, шашқа байланысты түрлі әдет-ғұрыптар, тыйымдар шығарған. Мәселен, «Шашыңды отқа тастама», «Шашыңды жайма, шашыңды қима» деген тыйымдар, одан бөлек, «Шашың кесілсін» деген қарғыс бар. «Шашыңды кескенің – бақытыңды кескенің», – деп сәбилердің шашын көзіне түсірсе, қитар болады деп ырымдаған.
Жас әйелдер шашын маңдайдан айырып, екі бұрым етіп өрген соң, оның арасын бір сүйемдей етіп ұшынан бір-біріне жалғайды, бұл – «Жұбымыз жазылмасын» деген ақ тілек белгісі. Ал қыздар бұрымын дара өреді немесе қос бұрымын бір-біріне жалғамайды.
Қыздарға Алтыншаш, Қарашаш, Сұлушаш, Шолпы деп ат қоюдың өзі шаш қасиетін көрсетеді. Жеңгелері қайын сіңлілеріне ат қойғанда Шашбаулым, Шаштеңгелім, Сырғалым деп сызылуында да сұлу сыр жатыр.
Халықтың қылмыс заңында да шаш туралы бірнеше бап бар. Тентектер әйелдің шашын кессе, ол дене мүшесін кескенімен бірдей жазаланады, үлкен айып төлейді. Егер әйелдер өздері қылмыс жасаса, олардың шашын кесіп жазалайды. Бұл әйелдер үшін өлім жазасымен тең қаралған. Шаштың ұшын қиған қыздарға шапалақ беріледі. Демек, әйелдерге тән шаш бағасы мен құнын халқымыз ерте білген.
Бүгін Талдықорған қаласында Тәуелсіздіктің 25 жылдығына орай Қазақстан Республикасының Мемлекеттік рәміздері күні қарсаңында «Жастар» мәдени-демалыс саябағынындағы «Этноауылда» орнатылған ту тұғырына 92 метр биіктікке Мемлекеттік ту көтерілді. Бұл биіктік өлшемі Қазақстан Тәуелсіздігінің жаңа мемлекетік символдары бекітілген 1992 жылға негізделіп алынған.
Мерекелік шара Қазақстанның тәуелсіздікке қол жеткізуге дейінгі тарихи жолдары бейнеленген театрландырылған көрініспен басталып, балабақша тәрбиеленушілері Отан, Мемлекеттік рәміздер, тәуелсіздік туралы өлең-тақпақтарын оқыды.
Туды көтерер алдында облыс әкімі Амандық Баталов жиналғандарды салтанатты шарамен құттықтап:
— Бүгін Қазақстан Республикасының мемлекеттік рәміздер күні қарсаңында Жетісудың бас қаласы Талдықорғанда Мемлекеттік Ту тұғырына орнатылып, салтанатты түрде көтеріледі. Осындай Мемлекеттік Ту Астана, Алматы сияқты еліміздің ірі қалаларында орнатылған. Бұдан былай мемлекеттік мерекелер осы Ту тұғырының астында өтетін болады.
Көк Тудың тұғырын биіктету – Қазақстанның ертеңгі тізгінін ұстайтын, болашақтың иесі — жастарға аманат, – деді өз сөзінде.
Облыс басшысы, сонымен қатар біздің мемлекеттік туымыздың ынтымағы мен бірлігі жарасқан елдің символына айналғанын да атап өтті.
— Елбасымыз Нұрсұлтан Әбішұлы: «Біз Тәуелсіздікке қол жеткіздік, енді сол Тәуелсіздіктің қасиетті белгілерін де ерекше қадірлеуіміз керек. Әрбір азамат Қазақстанның Туын, Елтаңбасын, Әнұранын тұмардай қасиет тұтуы қажет»,- деп атап өткендей, біз үшін Мемлекеттік рәміздер – ұлттық тұтастықтың кепілі.
Дана халқымыз «Туған жерге туыңды тік» дейді. Олай болса, Жетісудай жер жаннатында алып ту тігу – біз үшін асқан абырой, зор мәртебе. Тудың кеңдігі – еліміздің дархандығы, биіктігі – мәртебесінің асқақтауы деп білеміз. Туымыз тұғырлы, тәуелсіздігіміз ғұмырлы болсын! – деді ізгі тілегін білдіріп.
«Көк тудың желбірегені» және «Қазақстан — Нұрсұлтан» патриоттық әндері белгілі әнші Ибрагим Ескендір мен «Талдықорған әуендері» ансамблі әншілерінің орындауында шырқалса, бұдан әрі мереке саябақтың негізгі сахнасында жалғасып, Сүйінбай атындағы облыстық филармония, «Талдықорған әуендері» ансамблі, Қазақстан эстрадасының өнерпаздары ән мен жырдан шашу шашты.
